Téduray - 2002 WBT (NT) Non-Drama

Téduray - 2002 WBT (NT) Drama

<div class="version vid1266 iso6393tiy" data-vid="1266" data-iso6393="tiy">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">I de folo bra ruwo g&#233;t&#233;w kuyug Jesuse</div><div class="p"> 1Atin i Jesuse t&#233;nawag&#233;n i de folo bra ruwo g&#233;t&#233;w kuyug&#233;n mang&#233;y dob Beene. Atin niraya no bero barakat inok g&#233;d&#233;d&#233;l ro do saitan brab g&#233;uwaa roy de k&#233;luhanay de s&#233;giyo-giyo do d&#233;ruun. 2Ay niy de daw&#233;t i de Apostol, sani de s&#233;nugu: Simon (f&#233;ndaw&#233;t&#233;n so Pedro), brab Andres dumo no s&#233;timan id&#233;ng, Santiago brab Juan sani de nga Sebedeo, 3brab Filipi, brab Bartolome, brab Tomas, brab Mateo sani k&#233;mubrawe buwis, brab Santiago nga Alfeo, brab Tadeo, 4brab Simon s&#233;g&#233;t&#233;w toow fo gulaan&#233; noy ing&#233;d ne, brab Judas Iskariot sani m&#233;nf&#233;k&#233;foe b&#233; Jesuse.</div><div class="s">S&#233;nugu Jesusey de folo bra ruwo g&#233;t&#233;w kuyug&#233;n</div><div class="p"> 5Atin s&#233;nugu Jesusey de ni folo bra ruwo g&#233;t&#233;w kuyug&#233;n mano, &#8220;Kagom mang&#233;y dob de ing&#233;d i de b&#233;k&#233;n Judio taloo no dob de ing&#233;d sakuf i dak&#233;le ing&#233;d Samaria. 6Yamula, ag&#233;w gom mang&#233;y dob de &#233;t&#233;w dob Israel non s&#233;gil&#233;w ro b&#233; de m&#233;ntadin do bili-bili. 7Ag&#233;w gom brab uret gom makom, &#8216;G&#233;d&#233;t&#233;n i gaiwe f&#233;gul&#233;woy Tulusey de &#233;t&#233;w&#233;n.&#8217; 8Atin uwa gom i de d&#233;m&#233;ruun, t&#233;bule gom i de m&#233;nl&#233;hu, f&#233;adi-adi gom i de f&#233;mute&#233;n, f&#233;f&#233;rar&#233;y gom i de saitan. Atin kagom f&#233;bayad&#233;n i de &#233;t&#233;w, non &#233;nda f&#233;bayad&#233; ku begom b&#233; k&#233;iraya kuwe begom. 9Atin kagom muwit kurta, fiyon b&#233;lowon look filak, taloo no do kloh kurta. 10Atin kagom muwit r&#233;ban, taloo no tug&#233;, taloo no l&#233;kasa kom k&#233;gal look sinilas. Non i de tabanga kom fatut tabanga ro so begom b&#233; atiy kailanga kome.</div><div class="p"> 11&#8220;Atin amuk g&#233;gumah gom dob s&#233;baane ing&#233;d, s&#233;l&#233;d gom i s&#233;g&#233;t&#233;we m&#233;uyot t&#233;mayakuf begom. Atin bati gom diyo taman t&#233;k&#233;dan gom tid&#233;w dob no ing&#233;d. 12Atin buluk mahur gom dob lawie, b&#233;r&#233;h gom b&#233; f&#233;fiyon&#233;y Tulusey de &#233;t&#233;w bati dob ni lawi. 13Buluk i de &#233;t&#233;w dob nan lawi tayakuf&#233; ro begom, f&#233;fiyon&#233;y Tuluse bero. Endob buluk &#233;nda tayakuf&#233; ro begom, &#233;nda so f&#233;fiyon&#233;y Tuluse bero. 14Atin buluk g&#233;gumah gom dob s&#233;baane ing&#233;d &#233;nda tayakuf&#233; ro begom taloo no &#233;nda f&#233;g&#233;lingo&#233; ro begom, t&#233;k&#233;dan gom diyo. Atin tag-tag gom i de bubuk s&#233;buwan dob de s&#233;k&#233;y gom inok f&#233;g&#233;tiga kom bero b&#233; kukum&#233;y Tuluse bero. 15B&#233;r&#233;h&#233; ku begom i toowe, b&#233; gaiwe k&#233;mukum i Tuluse, toow na fo g&#233;timal i k&#233;kukum ne bero b&#233; de tete &#233;t&#233;w m&#233;nbati dob de ing&#233;d Sodom brab Gomorah b&#233; g&#233;tahe.</div><div class="p"> 16&#8220;F&#233;g&#233;lingo gom, f&#233;uwit gu begom maak do bili-bili mang&#233;y dob k&#233;rara i de itu talun. M&#233;law ingat gom brab fatut rigo gom sa&#233;n i fiyowe. 17Ingat gom non w&#233;n i de &#233;t&#233;w k&#233;mfo begom brab uwit&#233; ro begom mang&#233;y dob adafay k&#233;mukume. Atin badas&#233; ro begom dob de lawi f&#233;ngadafan kay de Judio. 18Atin uwit&#233; ro begom dob adafay de m&#233;gul&#233;w begom brab de datu inok kukum&#233; ro begom sabaf begom i do kuyug gu. Endob been i niy gaiwe uret gom i Fiyowe Uret dob berowe brab dob de b&#233;k&#233;n Judio. 19Atin amuk k&#233;fo&#233; ro begom brab kukum&#233; ro begom, kagom &#233;mbuku fantag b&#233; atiy b&#233;r&#233;h&#233; kome bero look ati k&#233;b&#233;r&#233;h gome. Non b&#233; no gai, iray begom i fatute k&#233;b&#233;r&#233;h f&#233;g&#233;sumbul gom bero. 20Non i k&#233;b&#233;r&#233;he b&#233;k&#233;n tid&#233;w dob itunga kome, yamula i R&#233;mogor i Abay gome Tulus i &#233;mf&#233;b&#233;r&#233;he begom.</div><div class="p"> 21&#8220;Atin b&#233; no gai, w&#233;n i de &#233;t&#233;w at&#233;&#233; roy de dumo ro s&#233;timan id&#233;ng inok f&#233;l&#233;hu&#233;n. Loo soy rigon&#233;y de abay dob de nga ro. Atin w&#233;n soy de nga wal&#233;y s&#233;banil b&#233; de luk&#233;s ro brab f&#233;f&#233;l&#233;hu ro. 22Atin i k&#233;luhanay de &#233;t&#233;w m&#233;rar&#233;k ro begom sabaf b&#233; k&#233;unur gome Beg&#233;n. Endob ati f&#233;daydaye munur taman dob tamfadane, m&#233;fukas ro. 23Atin amuk f&#233;rasay&#233; ro begom dob s&#233;baane ing&#233;d, f&#233;rar&#233;y gom mang&#233;y dob s&#233;giyowe ing&#233;d. B&#233;r&#233;h&#233; ku begom i toowe, &#233;nda s&#233;na g&#233;f&#233;gilido kom i galb&#233;k gome dob k&#233;luhanay de ing&#233;d dob Israel, s&#233;fuleun mang&#233;y dini, sani Nga i K&#233;ilawane.</div><div class="p"> 24&#8220;I m&#233;ganade b&#233;k&#233;n g&#233;rotor na b&#233; t&#233;moroe de. Atin i sugu-sugu&#233;ne b&#233;k&#233;n g&#233;rotor na b&#233; amu ne. 25M&#233;law i m&#233;ganade fatut moror k&#233; iring&#233; noy t&#233;moroe de. Atin i sugu-sugu&#233;ne fatut moror k&#233; iring&#233; noy amu ne. Atin amuk i ul&#233;w i s&#233;g&#233;kur&#233;nge f&#233;ndaw&#233;t do &#233;t&#233;w Beelsebul sani Satanase, labi na fo tete i f&#233;daw&#233;t ruwe b&#233; kur&#233;ngo nuwe. M&#233;law amuk f&#233;ngiras i de &#233;t&#233;w Beg&#233;n, toow na fo g&#233;timal i k&#233;f&#233;ngiras ruwe begom.</div><div class="p"> 26&#8220;M&#233;law kagom m&#233;gilak b&#233; &#233;t&#233;we. I k&#233;luhanay rigon&#233;y de &#233;t&#233;w do m&#233;nt&#233;l&#233;b, m&#233;bukeh so moso. Brab i k&#233;luhanay de m&#233;nt&#233;l&#233;b, m&#233;bukeh so moso. Brab i k&#233;luhanay de m&#233;nbun&#233;y, giton so moso. 27Atin i b&#233;r&#233;h&#233; kuwe ni dob begome sa&#233;n, fatut b&#233;r&#233;h gom so dob de m&#233;doo do &#233;t&#233;w. Atin i s&#233;guraw&#233; kuwe dob begome, fatut toro gom dob de m&#233;doo do &#233;t&#233;w. 28Atin kagom m&#233;gilak b&#233; de g&#233;f&#233;l&#233;hu b&#233; lowoh gome, &#233;ndob &#233;nda g&#233;f&#233;l&#233;huo roy r&#233;mogor gome. Yamula fatut gom m&#233;gilak b&#233; Tuluse non w&#233;n i barakat&#233;n m&#233;minasa b&#233; de lowoh gom loo soy de r&#233;mogor gom dob uleono emferno. 29Ufama, i de kloh manok toow fo m&#233;l&#233;muy k&#233;f&#233;b&#233;l&#233;ye bero dob fadiyane. Endob &#233;nda i s&#233;baan m&#233;lawu bero dob fantade k&#233; &#233;nda f&#233;daya&#233;y Abay tome de Tulus. 30,31Atin i begome mas gom na balilaga b&#233; de kloh manok. M&#233;law kagom m&#233;gilak, non i Tuluse tuganul&#233; no begom. I Tuluse g&#233;tiga no fiyon i k&#233;dooy de buk gom dob de ul&#233;w gom.</div><div class="p"> 32&#8220;Atin ati murete fantag b&#233; k&#233;unur ne Beg&#233;n dob de &#233;t&#233;w, uret&#233; ku soy fantage b&#233; k&#233;unur ne dob Abay guwe Tulus dob lawayo. 33Endob ati d&#233;mirunge b&#233; k&#233;unur ne Beg&#233;n dob adafay de &#233;t&#233;w, dirung&#233; ku so moso i k&#233;unur ne dob adafay Abay guwe Tulus.</div><div class="p"> 34&#8220;Atin kagom f&#233;gitung&#233;n de k&#233; m&#233;nang&#233;yu dini inok k&#233;dan&#233; kuy k&#233;s&#233;tibohe dob duniyae ni. B&#233;k&#233;n. Yamula m&#233;nang&#233;yu dini inok s&#233;tiboh i de &#233;t&#233;w. Non i de &#233;t&#233;w munur Beg&#233;n brab de &#233;t&#233;w &#233;nda munur Beg&#233;n wal&#233;y ro s&#233;banil. 35Non m&#233;nang&#233;yu dini inok f&#233;s&#233;banil&#233; kuy de boh brab de nga ro lag&#233;y. Loo so b&#233; de id&#233;ng brab de nga ro libun. Loo soy de libun b&#233; de t&#233;rima ro libun. 36Atin m&#233;law i toowe na fo s&#233;banil i de &#233;t&#233;w, beroy de dumo no s&#233;g&#233;kur&#233;ng.</div><div class="p"> 37&#8220;Atin i &#233;t&#233;we mas nay k&#233;imu ne b&#233; de luk&#233;s&#233;n b&#233; Beg&#233;ne, &#233;nda m&#233;dait&#233;n wal&#233;y kuyug gu. Atin i &#233;t&#233;we mas nay k&#233;imu ne b&#233; de nga&#233;n b&#233; Beg&#233;ne, &#233;nda so m&#233;dait&#233;n wal&#233;y kuyug gu. 38Atin fiyon atiy &#233;t&#233;we &#233;nda furay&#233;n Beg&#233;n b&#233; k&#233;f&#233;dayday ne b&#233; de m&#233;r&#233;g&#233;n fiyon fo k&#233; f&#233;l&#233;hu&#233;n dob kruse, &#233;nda m&#233;dait&#233;n wal&#233;y kuyug gu. 39Atin i &#233;t&#233;we m&#233;uyot &#233;mf&#233;raru b&#233; umul ne dob duniyae ni, m&#233;l&#233;hu. Endob i &#233;t&#233;we m&#233;l&#233;hu b&#233; k&#233;furay ne Beg&#233;n, g&#233;dot&#233; noy umule magufusa.</div><div class="p"> 40&#8220;I &#233;t&#233;we t&#233;mayakuf begom, tayakuf&#233; no so Beg&#233;n. Atin i &#233;t&#233;we t&#233;mayakuf Beg&#233;n, tayakuf&#233; no soy Tuluse m&#233;nf&#233;uwit Beg&#233;n. 41Atin i &#233;t&#233;we t&#233;mayakuf b&#233; s&#233;narigoy Tuluse sabaf s&#233;nugu i Tuluse, g&#233;dot&#233; noy barase s&#233;gil&#233;w b&#233; nan sarigon. Atin i &#233;t&#233;we t&#233;mayakuf b&#233; m&#233;tintuwe &#233;t&#233;w sabaf b&#233; k&#233;tintuy adat ne, g&#233;dot&#233; noy barase s&#233;gil&#233;w b&#233; nan m&#233;tintu &#233;t&#233;w. 42Atin b&#233;r&#233;h&#233; ku begom i toowe, i &#233;t&#233;we miray fiyon s&#233;g&#233;tabu sa&#233;n m&#233;l&#233;g&#233;n&#233;y way&#233;g dob s&#233;g&#233;t&#233;we g&#233;rifantad kuyug gu sabaf b&#233; been i kuyug gu, tintu g&#233;dot&#233; noy barase.&#8221;</div>
 </div>
 </div>
</div>

Atin i Jesuse ténawagén i de folo bra ruwo gétéw kuyugén mangéy dob Beene. Atin niraya no bero barakat inok gédédél ro do saitan brab géuwaa roy de kéluhanay de ségiyo-giyo do déruun. Ay niy de dawét i de Apostol, sani de sénugu: Simon (féndawétén so Pedro), brab Andres dumo no sétiman idéng, Santiago brab Juan sani de nga Sebedeo, brab Filipi, brab Bartolome, brab Tomas, brab Mateo sani kémubrawe buwis, brab Santiago nga Alfeo, brab Tadeo, brab Simon ségétéw toow fo gulaané noy ingéd ne, brab Judas Iskariot sani ménfékéfoe bé Jesuse.

Atin sénugu Jesusey de ni folo bra ruwo gétéw kuyugén mano, “Kagom mangéy dob de ingéd i de békén Judio taloo no dob de ingéd sakuf i dakéle ingéd Samaria. Yamula, agéw gom mangéy dob de étéw dob Israel non ségiléw ro bé de méntadin do bili-bili. Agéw gom brab uret gom makom, ‘Gédétén i gaiwe féguléwoy Tulusey de étéwén.’ Atin uwa gom i de déméruun, tébule gom i de ménléhu, féadi-adi gom i de fémuteén, féféraréy gom i de saitan. Atin kagom fébayadén i de étéw, non énda fébayadé ku begom bé kéiraya kuwe begom. Atin kagom muwit kurta, fiyon bélowon look filak, taloo no do kloh kurta. Atin kagom muwit réban, taloo no tugé, taloo no lékasa kom kégal look sinilas. Non i de tabanga kom fatut tabanga ro so begom bé atiy kailanga kome.
“Atin amuk gégumah gom dob sébaane ingéd, séléd gom i ségétéwe méuyot témayakuf begom. Atin bati gom diyo taman tékédan gom tidéw dob no ingéd. Atin buluk mahur gom dob lawie, béréh gom bé féfiyonéy Tulusey de étéw bati dob ni lawi. Buluk i de étéw dob nan lawi tayakufé ro begom, féfiyonéy Tuluse bero. Endob buluk énda tayakufé ro begom, énda so féfiyonéy Tuluse bero. Atin buluk gégumah gom dob sébaane ingéd énda tayakufé ro begom taloo no énda fégélingoé ro begom, tékédan gom diyo. Atin tag-tag gom i de bubuk sébuwan dob de sékéy gom inok fégétiga kom bero bé kukuméy Tuluse bero. Béréhé ku begom i toowe, bé gaiwe kémukum i Tuluse, toow na fo gétimal i kékukum ne bero bé de tete étéw ménbati dob de ingéd Sodom brab Gomorah bé gétahe.
“Fégélingo gom, féuwit gu begom maak do bili-bili mangéy dob kérara i de itu talun. Mélaw ingat gom brab fatut rigo gom saén i fiyowe. Ingat gom non wén i de étéw kémfo begom brab uwité ro begom mangéy dob adafay kémukume. Atin badasé ro begom dob de lawi féngadafan kay de Judio. Atin uwité ro begom dob adafay de méguléw begom brab de datu inok kukumé ro begom sabaf begom i do kuyug gu. Endob been i niy gaiwe uret gom i Fiyowe Uret dob berowe brab dob de békén Judio. Atin amuk kéfoé ro begom brab kukumé ro begom, kagom émbuku fantag bé atiy béréhé kome bero look ati kébéréh gome. Non bé no gai, iray begom i fatute kébéréh fégésumbul gom bero. Non i kébéréhe békén tidéw dob itunga kome, yamula i Rémogor i Abay gome Tulus i émfébéréhe begom.
“Atin bé no gai, wén i de étéw atéé roy de dumo ro sétiman idéng inok féléhuén. Loo soy rigonéy de abay dob de nga ro. Atin wén soy de nga waléy sébanil bé de lukés ro brab féféléhu ro. Atin i kéluhanay de étéw mérarék ro begom sabaf bé kéunur gome Begén. Endob ati fédaydaye munur taman dob tamfadane, méfukas ro. Atin amuk férasayé ro begom dob sébaane ingéd, féraréy gom mangéy dob ségiyowe ingéd. Béréhé ku begom i toowe, énda séna géfégilido kom i galbék gome dob kéluhanay de ingéd dob Israel, séfuleun mangéy dini, sani Nga i Kéilawane.
“I méganade békén gérotor na bé témoroe de. Atin i sugu-suguéne békén gérotor na bé amu ne. Mélaw i méganade fatut moror ké iringé noy témoroe de. Atin i sugu-suguéne fatut moror ké iringé noy amu ne. Atin amuk i uléw i ségékurénge féndawét do étéw Beelsebul sani Satanase, labi na fo tete i fédawét ruwe bé kuréngo nuwe. Mélaw amuk féngiras i de étéw Begén, toow na fo gétimal i kéféngiras ruwe begom.
“Mélaw kagom mégilak bé étéwe. I kéluhanay rigonéy de étéw do méntéléb, mébukeh so moso. Brab i kéluhanay de méntéléb, mébukeh so moso. Brab i kéluhanay de ménbunéy, giton so moso. Atin i béréhé kuwe ni dob begome saén, fatut béréh gom so dob de médoo do étéw. Atin i ségurawé kuwe dob begome, fatut toro gom dob de médoo do étéw. Atin kagom mégilak bé de géféléhu bé lowoh gome, éndob énda géféléhuo roy rémogor gome. Yamula fatut gom mégilak bé Tuluse non wén i barakatén méminasa bé de lowoh gom loo soy de rémogor gom dob uleono emferno. Ufama, i de kloh manok toow fo mélémuy kéfébéléye bero dob fadiyane. Endob énda i sébaan mélawu bero dob fantade ké énda fédayaéy Abay tome de Tulus. Atin i begome mas gom na balilaga bé de kloh manok. Mélaw kagom mégilak, non i Tuluse tuganulé no begom. I Tuluse gétiga no fiyon i kédooy de buk gom dob de uléw gom.
“Atin ati murete fantag bé kéunur ne Begén dob de étéw, ureté ku soy fantage bé kéunur ne dob Abay guwe Tulus dob lawayo. Endob ati démirunge bé kéunur ne Begén dob adafay de étéw, dirungé ku so moso i kéunur ne dob adafay Abay guwe Tulus.
“Atin kagom fégitungén de ké ménangéyu dini inok kédané kuy késétibohe dob duniyae ni. Békén. Yamula ménangéyu dini inok sétiboh i de étéw. Non i de étéw munur Begén brab de étéw énda munur Begén waléy ro sébanil. Non ménangéyu dini inok fésébanilé kuy de boh brab de nga ro lagéy. Loo so bé de idéng brab de nga ro libun. Loo soy de libun bé de térima ro libun. Atin mélaw i toowe na fo sébanil i de étéw, beroy de dumo no ségékuréng.
“Atin i étéwe mas nay kéimu ne bé de lukésén bé Begéne, énda médaitén waléy kuyug gu. Atin i étéwe mas nay kéimu ne bé de ngaén bé Begéne, énda so médaitén waléy kuyug gu. Atin fiyon atiy étéwe énda furayén Begén bé kéfédayday ne bé de mérégén fiyon fo ké féléhuén dob kruse, énda médaitén waléy kuyug gu. Atin i étéwe méuyot émféraru bé umul ne dob duniyae ni, méléhu. Endob i étéwe méléhu bé kéfuray ne Begén, gédoté noy umule magufusa.
“I étéwe témayakuf begom, tayakufé no so Begén. Atin i étéwe témayakuf Begén, tayakufé no soy Tuluse ménféuwit Begén. Atin i étéwe témayakuf bé sénarigoy Tuluse sabaf sénugu i Tuluse, gédoté noy barase ségiléw bé nan sarigon. Atin i étéwe témayakuf bé métintuwe étéw sabaf bé kétintuy adat ne, gédoté noy barase ségiléw bé nan métintu étéw. Atin béréhé ku begom i toowe, i étéwe miray fiyon ségétabu saén mélégénéy wayég dob ségétéwe gérifantad kuyug gu sabaf bé been i kuyug gu, tintu gédoté noy barase.”

सुन्नुहोस् Mateo 10