သမ္မာကျမ်းစာဘာသာပြန်အဖွဲ့များအတွက် ဆုတောင်းနည်းနမူနာ

သတိ။ မြန်မာစာတန်းထိုးများ ပါဝင်ရန် ဗီဒီယိုအောက်တွင်ရှိ ဂီယာသင်္ကေတကို နှိပ်ပါ။ ထို့နောက်၊ "Subtitles” ကို နှိပ်၍ "English (Auto Translate)” ကို နှိပ်ပါ။ ထို့နောက်၊ "Subtitles" ကို ပြန်လည်နှိပ်ပြီး "Auto-Translate" နှိပ်၍၊ နောက်ဆုံးတွင် "Burmese" ကို နှိပ်ပါ။

အရှင်ယေရှုဘုရားနှင့်အတူ သွားလာခြင်း

မူရင်းသမ္မာကျမ်းစာသည် (၇၆) ရာခိုင်နုန်းခန့် ဟေဗြဲဘာသာဖြင့် ရေးသားထားပါသည်။ ဂျူးဘာသာဝင်သောသူများသည် သမ္မာကျမ်းစာကို စီရင်ရေးထားခဲ့ပါသည်။ ဟေဗြဲဝေါဟာရများသည် အလွန်နက်နဲသလို အဓိပ္ပာယ်အမျိုးမျိုးလည်း ရှိပါသည်။ ဥပမာ၊ ဟာလချ် (Halach) ၏ အနက်ကို အရမ်းအံ့ဩလှပါသည်။ ဟာလချ်၏ အဓိပ္ပာယ်ကား လျှောက်သွားဟု ဖြစ်သလို (က၊ ၁၃း၁၇)၊ သွားလာ၍ (က၊ ၁၇း၁) နှင့် လိုက်ခြင်း (ဆာ၊ ၁း၁) လည်း အဓိပ္ပာယ်များ ရှိပါသည်။ မည်သို့ပင်ဖြစ်ပါစေ၊ အဓိကအနက်ကား ဘုရားသခင်၏ တိုက်တွန်းခြင်းသို့ လိုက်လျက် ကိုယ်တော်နှင့်အတူ သွားလာခြင်း ဖြစ်ပါသည်။

မိမိမိခင်ဘာသာစကားဖြင့် သမ္မာကျမ်းကို မဖတ်ရှုနိုင်လျှင် မိမိဘုရားသခင်ကို တကယ်သိကျွမ်းနိုင်ပါသလား။

သမ္မာကျမ်းစာသည် ဤလောကရှိ တိုင်းနိုင်ငံမှန်သမျှတို့ကို ပြောင်းလဲစေတတ်ပါသည်။ အဘယ်ကြောင့်လဲဆိုသော်၊ သမ္မာကျမ်းစာကို ဖတ်ရှုသောအခါ အရှင်ယေရှုဘုရားနှင့် စတင်မိတ်သဟာယဖွဲ့စေပါသည်။ အကယ်စင်စစ်၊ ဧဝံဂေလိတရားကို မရောက်သေးသောနေရာများ၌ အရှင်ယေရှုဘုရားနှင့်အတူ လျှောက်လှမ်းသောအခါ၊ သန့်ရှင်းသောဝိညာဉ်တော်၏ မဟာတန်ခိုးတော်ကို ထင်ရှားစွာ မြင်ရကြပါလိမ့်မည် (လု၊ ၁ဝး၁)။ အရှင်ယေရှုဘုရားသည် (၉၉) ကောင်သောသိုးတို့ကို တောတွင်ထားခဲ့ပြီးမှ၊ ပျောက်သောသိုး (၁) ကောင်ကို သွား၍ ရှာနေတော်မူနေသည် (လု၊ ၁၅း၄)။ ယနေ့၊ မိတ်ဆွေသည် အရှင်ယေရှုဘုရားနှင့်အတူ သွားလာလျက် သမ္မာကျမ်းစာမရှိသောသူများအဖို့ အထူးဆုတောင်းပေးပါလား။

ဆုတောင်းအလေ့ (၄)၊ သွားလေရာရာ၌ ဆုတောင်းပါ။

အကယ်၍၊ ဆုတောင်းပတ္ထနာအမှုသည် ခက်ခဲပြီး ပင်ပန်းဖွယ်ရာအမှုလည်း ဖြစ်ပါသည်။ ကောင်းသောဆုတောင်းနည်းတစ်ခုမှာ၊ မိမိနေ့စဉ်အလုပ် (သို့) လေ့ကျင့်ခန်း (ဥပမာ၊ လမ်းလျှောက်ခြင်း) လုပ်သောအခါ ဆုတောင်းပတ္ထနာ ပြုလိုက်ပါ။ သာယာသောနေရာ၌ လမ်းလျှောက်လျက် လွတ်လွတ်လတ်လတ် ဆုတောင်းပါ။ ဤအမှုသည် ရှေးအလေ့အကျင့်တစ်ခု ဖြစ်ပါသည်။ လမ်းလျှောက်လျက် ဆုတောင်းစဉ်တွင်၊ ဘုရားသခင်သည် သဘာဝတရားတည်းဟူသော မိမိဖန်ဆင်းခြင်းလက်ရာတော်မှတစ်ဆင့် မိတ်ဆွေကို မိန့်တော်မူပါလိမ့်မည်။ ဤလှုပ်ရှားမှုသည် မိမိခန္ဓာ၊ စိတ်၊ ဝိညာဉ်တို့ကို ပိုမိုကျန်းမာစေလိမ့်မည်။ မိမိဓမ္မမိတ်ဆွေများကိုလည်း ဖိတ်ခေါ်ပြီး သူတို့နှင့်အတူ မိတ်သဟာယဖွဲ့လျက် လမ်းလျှောက်နိုင်ပါသည်။ ယနေ့၊ အရှင်ယေရှုဘုရားနှင့်အတူ သွားလာ၍ သမ္မာကျမ်းစာမရှိသောသူများအဖို့ နှလုံးပါလျက် ဆုတောင်းလိုက်ပါ။ အပေါ်ရှိ ဗီဒီယိုကို ကြည့်ရှုပြီး သမ္မာကျမ်းစာမရှိသောသူများအဖို့ ဆက်လက်ဆုတောင်းပြုကြပါစို့။