ဒေါသနှင့် မုန်းတီးခြင်းနမူနာ

ဒေါသတိုင်း အပြစ်မဟုတ်ပါ။ အမှန်မှာ၊ ဘုရားသခင်အမျက်ထွက်တော်မူသည့်အရာအတွက် မိတ်ဆွေမှာလည်း ဒေါသထွက်ခွင့်ရှိသည်။ ၎င်းသည် ဖြောင့်မတ်သောဒေါသဟု ခေါ်ပါသည်။ မိတ်ဆွေသည် နေဝင်သည့်တိုင်အောင်သာ ထိုသို့ ဖြောင့်မတ်သောဒေါသထွက်ခွင့် ရှိပါသည်။ သို့ရာတွင်၊ မိမိအထဲရှိ ဒေါသမီး၏ လားရာကို သိနိုင်ရန် မိမိနှလုံးသားကို စမ်းဆေးဖို့ လိုအပ်ပါသည်။ မိတ်ဆွေသည် ဒေါသကို မျိုသိပ်ထားသည်ဖြစ်စေ၊ ဒေါသပေါက်ကွဲလိုက်သည်ဖြစ်စေ၊ နှစ်မျိုးစလုံးက အန္တရာယ်များပါသည်။ မထိန်းချိုပ်ထားသော ဒေါသသည် မိမိအတွက်နှင့် မိမိဝန်းကျင်၌ရှိသည့်လူများအတွက်ပါ မကောင်းကြောင်း မိတ်ဆွေသိပြီးသာ ဖြစ်ပါလိမ့်မည်။ မိမိ၏ ဒေါသကို မေတ္တာသို့ ပြောင်းလဲစေရန် ဘုရားသခင်အား ခွင့်ပေးရမည့်အချိန် ရောက်ပါပြီ။