ဆာလံ 106:1-5

မျှဝေရန်

ဆာလံ 106:1-5 Judson Bible (JBMLE)

ထာ​ဝ​ရ​ဘု​ရား​သည် ကောင်း​မြတ်​တော်​မူ၍၊ က​ရု​ဏာ​တော် အ​စဉ်​အ​မြဲ​တည်​သော​ကြောင့်၊ ဂုဏ်​ကျေး​ဇူး​တော်​ကို ချီး​မွမ်း​ကြ​လော့။ ထာ​ဝ​ရ​ဘု​ရား၏ တန်​ခိုး​ကြီး​ခြင်း​အ​ရာ​တော်​တို့​ကို အ​ဘယ်​သူ​ပြော​နိုင်​သ​နည်း။ ဂုဏ်​ကျေး​ဇူး​တော်​ကို အ​ဘယ်​သူ​သည် အ​ကုန်​အ​စင်​ဖော်​ပြ​နိုင်​သ​နည်း။ ခပ်​သိမ်း​သော​အ​ခါ​တို့၌ တ​ရား​ကို​စောင့်​ရှောက်၍၊ ဖြောင့်​မတ်​စွာ ကျင့်​သော​သူ​တို့​သည် မင်္ဂ​လာ​ရှိ​ကြ၏။ အို ထာ​ဝ​ရ​ဘု​ရား၊ အ​ကျွန်ုပ်​သည် ရွေး​ကောက်​တော်​မူ​သော​သူ​တို့၏​ကောင်း​ကျိုး​ကို မြင်​စေ​ခြင်း​ငှာ​လည်း​ကောင်း၊ ကိုယ်​တော်၏​လူ​မျိုး​ဝမ်း​မြောက်​ခြင်း၌ ဝမ်း​မြောက်၍၊ ကိုယ်​တော်၏​အ​မွေ​ဖြစ်​သော သူ​တို့​နှင့်​အ​တူ ဝါ​ကြွား​ရွှင်​လန်း​စေ​ခြင်း​ငှာ​လည်း​ကောင်း၊ ကိုယ်​တော်၏​လူ​တို့​ခံ​ရ​သော စေ​တ​နာ​တော်​နှင့်​တ​ကွ၊ အ​ကျွန်ုပ်​ကို အောက်​မေ့​တော်​မူ​ပါ။ အ​ကျွန်ုပ်​ကို အ​ကြည့်​အ​ရှု​ကြွ​လာ၍ ကယ်​တင်​တော်​မူ​ပါ။

ဆာလံ 106:1-5 Common Language Bible (BCL)

ထာ​ဝ​ရ​ဘု​ရား​အား​ထော​မ​နာ​ပြု​ကြ​လော့။ ကိုယ်​တော်​သည်​ကောင်း​မြတ်​တော်​မူ​သည်​ဖြစ်​၍ ကျေး​ဇူး​တော်​ကို​ချီး​မွမ်း​ကြ​လော့။ ကိုယ်​တော်​၏​မေတ္တာ​တော်​သည်​ထာ​ဝ​ရ​တည် ၏။ အ​ဘယ်​သူ​သည်​ကိုယ်​တော်​၏​အံ့​သြ​ဖွယ်​ကောင်း သော အ​မှု​တော်​အ​ပေါင်း​တို့​ကို​ဖော်​ပြ​နိုင်​ပါ​သ​နည်း။ အ​ဘယ်​သူ​သည်​ကိုယ်​တော်​၏​ဂုဏ်​တော်​ရှိ သ​မျှ​ကို ဖော်​ကူး​နိုင်​ပါ​သ​နည်း။ တ​ရား​မျှ​တ​စွာ​ပြု​မူ​၍​အ​မှန်​တ​ရား​ကို အ​စဉ် ကျင့်​သုံး​သူ​တို့​သည်​မင်္ဂလာ​ရှိ​ကြ​၏။ အို ထာ​ဝ​ရ​ဘု​ရား၊ ကိုယ်​တော်​ရှင်​၏​လူ​စု​တော်​အား ကူ​မ​တော်​မူ​သော​အ​ခါ ကျွန်​တော်​မျိုး​ကို​လည်း​သ​တိ​ရ​တော်​မူ​ပါ။ သူ​တို့​အား​ကယ်​တော်​မူ​သော​အ​ခါ ကျွန်​တော်​မျိုး​ကို​လည်း​ကယ်​တော်​မူ​ပါ။ ကိုယ်​တော်​ရှင်​၏​လူ​စု​တော်​ကောင်း​စား​သည်​ကို ကျွန်​တော်​မျိုး​မြင်​ပါ​ရ​စေ။ ကိုယ်​တော်​ရှင်​၏​ပြည်​တော်​သား​များ ဝမ်း​မြောက်​ရာ​၌​လည်း​ကောင်း၊ ကိုယ်​တော်​ပိုင်​တော်​မူ​သော​သူ​တို့​ရွှင်​လန်း​အား ရ​စွာ ဂုဏ်​ယူ​ဝါ​ကြွား​ရာ​၌​လည်း​ကောင်း​ကျွန်​တော်​မျိုး ပါ​ဝင်​ပါ​ရ​စေ။

ဆာလံ 106:1-5 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ထာဝရဘုရား​ကို ချီးမွမ်း​ကြ​လော့​။ ထာဝရဘုရား​သည် ကောင်းမြတ်​တော်မူ​၍ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​သောကြောင့် ကျေးဇူး​တော်​ကို ချီးမွမ်း​ကြ​လော့​။ ထာဝရဘုရား​၏​အစွမ်းတန်ခိုး​တော်​များ​အကြောင်း​ကို မည်သူ​ထုတ်ဖော်​ပြောဆို​နိုင်​မည်နည်း​။ ကိုယ်တော်​၏​ဂုဏ်ကျေးဇူး​တော်​အပေါင်း​ကို မည်သူ​ဖော်ပြ​နိုင်​မည်နည်း​။ တရားမျှတ​သော​အမှု​ကို​စောင့်ထိန်း​၍ ဖြောင့်မတ်​သော​အမှု​ကို အစဉ်အမြဲ​ပြုကျင့်​သော​သူ​တို့​သည် မင်္ဂလာ​ရှိ​ကြ​၏​။ အို ထာဝရဘုရား​၊ အကျွန်ုပ်​သည် ကိုယ်တော်​ရွေးကောက်​သော​သူ​တို့​၏ ကောင်းကျိုးချမ်းသာ​ကို မြင်​နိုင်​စေရန်​လည်းကောင်း​၊ ကိုယ်တော့်​လူမျိုး​တော်​၏​ဝမ်းမြောက်​ခြင်း​၌ ပါဝင်ဝမ်းမြောက်​နိုင်​စေရန်​လည်းကောင်း​၊ ကိုယ်တော်​၏​အမွေ​တော်​၌ ဂုဏ်ယူဝါကြွား​နိုင်​စေရန်​လည်းကောင်း​၊ ကိုယ်တော်​၏​လူမျိုး​တော်​ကို ကျေးဇူးပြု​တော်မူ​သောအခါ အကျွန်ုပ်​ကို​သတိရ​တော်မူ​ပါ​။ သူ​တို့​ကို ကယ်တင်​တော်မူ​သောအခါ အကျွန်ုပ်​ကို​လည်း စာရင်းဝင်​စေ​တော်မူ​ပါ​။