သုတ္တံ 8:22-29

မျှဝေရန်

သုတ္တံ 8:22-29 Judson Bible (JBMLE)

ထာ​ဝ​ရ​ဘု​ရား​သည် ရှေး​အ​မှု​တော်​ကို​မ​ပြု​မီ ထွက်​ကြွ​တော်​မူ​စ​က​ပင် ငါ့​ကို​ပိုင်​တော်​မူ၏။ မြေ​ကြီး​မ​ဖြစ်​မီ၊ ရှေ့​ဦး​စွာ​သော​ကာ​လ၊ အ​န​န္တ​ကာ​လ​မှ​စ၍ ငါ​သည် ဘိ​သိက်​ခံ​ပြီ။ နက်​နဲ​သော​ပင်​လယ်​မ​ဖြစ်၊ ရေ​နှင့်​ကြွယ်​ဝ​သော စမ်း​ရေ​တွင်း​မ​ဖြစ်​မီ ငါ့​ကို​ဖြစ်​ဖွား​စေ​တော်​မူ၏။ တောင်​ကြီး​မ​တည်၊ တောင်​ငယ်​မ​ဖြစ်​မီ၊ မြေ​ကြီး​နှင့် လယ်​တော​များ​ကို​မ​ဖန်​ဆင်း၊ အ​ဦး​ဆုံး​သော မြေ​မှုန့်​ကို​မျှ မ​ဖန်​ဆင်း​မီ၊ ငါ့​ကို​ဖြစ်​ဖွား​စေ​တော်​မူ၏။ မိုး​ကောင်း​ကင်​ကို ပြင်​တော်​မူ​သော​အ​ခါ ငါ​ရှိ၏။ သ​မု​ဒ္ဒ​ရာ​မျက်​နှာ​ပြင်ကို သတ်​မှတ်​သော​အ​မှု၊ အ​ထက်​မိုး​တိမ်​ကို တည်​စေ​သော​အ​မှု၊ နက်​နဲ​သော​အ​ရပ်၌ စမ်း​ရေ​ပေါက်​တို့​ကို ခိုင်​ခံ့​စေ​သော​အ​မှု၊ သ​မု​ဒ္ဒ​ရာ၌ ကန့်​ကွက်​သော အ​ပိုင်း​အ​ခြား​ကို ရေ​မ​လွှမ်း​ရ​မည်​အ​ကြောင်း စီ​ရင်​သော​အ​မှု၊ မြေ​ကြီး​တိုက်​မြစ်​တည်​သော အ​မှု​တို့​ကို​ပြီး​စီး​စေ​တော်​မူ​သော​အ​ခါ၊

သုတ္တံ 8:22-29 Common Language Bible (BCL)

ထာဝရဘုရားသည် ရှေးအမှုတော်ကို မပြုမှီ ထွက်ကြွတော်မူစကပင် ငါ့ကို ပိုင်တော်မူ၏။ မြေကြီးမဖြစ်မှီ၊ ရှေ့ဦးစွာသော ကာလ၊ အနန္တ ကာလမှစ၍ ငါသည် ဘိသိက်ခံပြီ။ နက်နဲသောပင်လယ်မဖြစ်၊ ရေနှင့်ကြွယ်ဝသော စမ်းရေတွင်းမဖြစ်မှီ ငါ့ကိုဖြစ်ဘွားစေတော်မူ၏။ တောင်ကြီးမတည်၊ တောင်ငယ်မဖြစ်မှီ၊ မြေကြီးနှင့်လယ်တောများကို မဖန်ဆင်း၊ အဦး ဆုံးသော မြေမှုန့်ကိုမျှ မဖန်ဆင်းမှီ၊ ငါ့ကိုဖြစ်ဘွားစေ တော်မူ၏။ မိုဃ်းကောင်းကင်ကို ပြင်တော်မူသော အခါငါရှိ ၏။ သမုဒ္ဒရာမျက်နှာကို ကန့်ကွက်သောအမှု၊ အထက်မိုဃ်းတိမ်ကို တည်စေသောအမှု၊ နက်နဲ သောအရပ်၌ စမ်းရေပေါက်တို့ကို ခိုင်ခံ့စေသောအမှု၊ သမုဒ္ဒရာ၌ ကန့်ကွက်သောအပိုင်းအခြားကို ရေ မလွှမ်းရမည်အကြောင်း စီရင်သောအမှု၊ မြေကြီးတိုက် မြစ်တည်သော အမှုတို့ကို ပြီးစီးစေတော်မူသောအခါ၊

သုတ္တံ 8:22-29 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ထာဝရဘုရား​သည် ရှေးယခင် မိမိ​၏​အမှု​တော်​များ​ကို​မ​စတင်​မီ​၊ မိမိ​လုပ်ဆောင်မှု​၏​အစအဦး​ကပင် ငါ့​ကို​ပိုင်သ​တော်မူ​၏​။ ထာဝရ​ကာလ​၊ ကနဦး​ကာလ​၊ မြေကြီး​ကို​မဖန်ဆင်းမီ​ကာလ​ကပင် ငါ​သည် ခန့်အပ်​ထား​ခြင်း​ခံရ​ပြီ​။ နက်ရှိုင်း​သော​ရေထု​များ​မ​ရှိ​မီ​၊ ရေ​နှင့်​ပြည့်လျှံ​သော​စမ်းရေတွင်း​များ​မ​ဖြစ်ပေါ်​မီ ငါ့​ကို​ဖြစ်တည်​စေ​တော်မူ​ပြီ​။ တောင်​များ​ကို​မ​ဖြစ်ပေါ်​စေ​မီ​၊ တောင်ကုန်း​များ​မ​ရှိ​မီ​၊ မြေကြီး​၊ ကွင်းပြင်​များ​နှင့် ကမ္ဘာကြီး​၏​အဦးဆုံး​သော​မြေမှုန့်​များ​ကို ဖန်ဆင်း​တော်​မ​မူ​မီ ငါ့​ကို​ဖြစ်တည်​စေ​တော်မူ​ပြီ​။ မိုးကောင်းကင်​ကို ကိုယ်တော်​တည်​တော်မူ​သောအခါ ငါ​သည် ထို​အရပ်​၌​ရှိ​၏​။ နက်ရှိုင်း​သော​ရေထု​၏​မျက်နှာပြင်​ပေါ်တွင် မိုးကုပ်စက်ဝိုင်း​ကို အမှတ်အသား​ပြု​တော်မူ​သောအခါ​၌​လည်းကောင်း​၊ အထက်​မိုးတိမ်​တို့​ကို​တည်​စေ​တော်မူ​ပြီး နက်ရှိုင်း​သော​ရေထု​ထွက်လာ​ရာ​အပေါက်​များ​ကို ခိုင်ခံ့​စေ​တော်မူ​သောအခါ​၌​လည်းကောင်း​၊ ရေ​သည် ကိုယ်တော်​၏​အမိန့်​ကို မ​ကျူးလွန်​မည့်​အကြောင်း ပင်လယ်​၏​နယ်နိမိတ်​ကို သတ်မှတ်​တော်မူ​သောအခါ​၌​လည်းကောင်း​၊ ကမ္ဘာမြေကြီး​၏​အခြေအမြစ်​တို့​ကို အမှတ်အသား​ပြု​တော်မူ​သောအခါ​၌​လည်းကောင်း