တောလည်ရာ 6:22-27

မျှဝေရန်

တောလည်ရာ 6:22-27 Judson Bible (JBMLE)

တစ်​ဖန် မော​ရှေ​အား​ထာ​ဝ​ရ​ဘု​ရား​က၊ သင်​သည် အာ​ရုန်​နှင့်​သူ၏​သား​တို့​အား ဆင့်​ဆို​ရ​မည်​မှာ၊ သင်​တို့​သည်၊ ဣ​သ​ရေ​လ​အ​မျိုး​သား​တို့​အား ကောင်း​ချီး​ပေး၍ မြွက်​ရ​သော​စ​ကား​ဟူ​မူ​ကား၊ ထာ​ဝ​ရ​ဘု​ရား​သည်၊ သင့်​ကို​ကောင်း​ချီး​ပေး၍ စောင့်​မ​တော်​မူ​ပါ​စေ​သော။ ထာ​ဝ​ရ​ဘု​ရား​သည် သင်၌​မျက်​နှာ​တော်​အ​လင်း​ကို​လွှတ်၍ က​ရု​ဏာ​ကျေး​ဇူး​ပြု​တော်​မူ​ပါ​စေ​သော။ ထာ​ဝ​ရ​ဘု​ရား​သည် သင့်​ကို​မျှော်​ကြည့်၍ ချမ်း​သာ​ပေး​တော်​မူ​ပါ​စေ​သော​ဟု ဣ​သ​ရေ​လ​အ​မျိုး​သား​တို့​အ​ပေါ်​မှာ ငါ့​နာ​မ​ကို​မြွက်​ဆို၍​တင်​လျှင် ငါ​သည်​ထို​သူ​တို့​ကို ကောင်း​ချီး​မင်္ဂ​လာ​ပေး​မည်​ဟု မိန့်​တော်​မူ၏။

တောလည်ရာ 6:22-27 Common Language Bible (BCL)

အာ​ရုန်​နှင့်​သူ​၏​သား​တို့​ဣ​သ​ရေ​လ​အ​မျိုး သား​တို့​အား​အောက်​ပါ​အ​တိုင်း ကောင်း​ချီး​မင်္ဂ လာ​ပေး​စေ​ရန်​ထာ​ဝ​ရ​ဘု​ရား​သည်​မော​ရှေ မှ​တစ်​ဆင့်​မိန့်​မှာ​တော်​မူ​၏။ ထာ​ဝ​ရ​ဘု​ရား​သည်​သင်​တို့​အား​ကောင်း​ချီး ပေး​၍၊ စောင့်​ထိန်း​တော်​မူ​ပါ​စေ​သော။ ထာ​ဝ​ရ​ဘု​ရား​သည်​သင်​တို့​အား​က​ရု​ဏာ ထား​၍၊ ကျေး​ဇူး​ပြု​တော်​မူ​ပါ​စေ​သော။ ထာ​ဝ​ရ​ဘု​ရား​သည်​သင်​တို့​အား​ကြင်​နာ စွာ​မျှော်​ကြည့်​၍ ချမ်း​မြေ့​သာ​ယာ​မှု​ပေး​တော်​မူ​ပါ​စေ​သော။ ထာ​ဝ​ရ​ဘု​ရား​က``ယဇ်​ပု​ရော​ဟိတ်​တို့​သည် ဣ​သ​ရေ​လ​အ​မျိုး​သား​တို့​အား​ကောင်း​ချီး ပေး​ရန် ငါ​၏​နာ​မ​တော်​ကို​မြွက်​ဆို​လျှင် ငါ သည်​သူ​တို့​အား​ကောင်း​ချီး​ပေး​တော်​မူ မည်'' ဟု​မိန့်​တော်​မူ​၏။

တောလည်ရာ 6:22-27 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

တစ်ဖန် ထာဝရဘုရား​က မောရှေ​အား “​အာရုန်​နှင့်​သူ​၏​သား​တို့​အား ဆင့်ဆို​လော့​။ သင်​တို့​သည် အစ္စရေး​အမျိုးသား​တို့​အား ‘​ထာဝရဘုရား​သည် သင့်​ကို​ကောင်းချီးပေး​၍ စောင့်ထိန်း​တော်မူ​ပါစေသော​။ ထာဝရဘုရား​သည် သင့်​အပေါ် မျက်နှာ​တော်​အလင်း​ကို ထွန်းလင်း​စေ​၍ ကရုဏာသက်​တော်မူ​ပါစေသော​။ ထာဝရဘုရား​သည် သင့်​ဘက်​သို့ မျက်နှာ​တော်​ကို လှည့်​၍ သင့်​အား ငြိမ်းချမ်းမှု​ကို​ပေး​တော်မူ​ပါစေသော​’​ဟု ကောင်းချီးပေး​ရ​မည်​။ ဤသို့ဖြင့် သူ​တို့​သည် အစ္စရေး​အမျိုးသား​တို့​အပေါ် ငါ​၏​နာမ​တော်​ကို​တည်​စေ​၍ ငါ​သည် သူ​တို့​ကို​ကောင်းချီးပေး​မည်​”​ဟု မိန့်​တော်မူ​၏​။