ဧဖက် 6:5-8

မျှဝေရန်

ဧဖက် 6:5-8 Judson Bible (JBMLE)

အ​စေ​ခံ​ကျွန်​တို့၊ ခ​ရစ်​တော်၏​စ​ကား​ကို နား​ထောင်​သ​ကဲ့​သို့ ကြောက်​ရွံ့​တုန်​လှုပ်​လျက်၊ စိတ်​နှစ်​ခွ​မ​ရှိ​ဘဲ လော​ကီ​သ​ခင်၏​စ​ကား​ကို နား​ထောင်​ကြ​လော့။- လူ​တို့၏​စိတ်​ကို နူး​ညွတ်​စေ​သော​သူ​ကဲ့​သို့ မျက်​မှောက်၌​သာ နား​ထောင်​သည်​မ​ဟုတ်၊ ခ​ရစ်​တော်၏ ကျွန်​ကဲ့​သို့ စေ​တ​နာ​စိတ်​နှင့် ဘု​ရား​သ​ခင်၏ အ​လို​တော်​ကို စောင့်၍၊- လူ၏​အ​စေ​ကို​သာ ခံ​သ​ကဲ့​သို့​မ​ဟုတ်၊ သ​ခင်​ဘု​ရား၏ အ​စေ​ကို​ခံ​သ​ကဲ့​သို့ ကြည်​ညို​သော သ​ဘော​နှင့် အ​စေ​ကို​ခံ​ကြ​လော့။- ကောင်း​သော​အ​ကျင့်​ကို ကျင့်​သော​သူ မည်​သည်​ကား၊ ကျွန်​ဖြစ်​စေ၊ လူ​လွတ်​ဖြစ်​စေ၊ သ​ခင်​ဘု​ရား၏ လက်​တော်​မှ အ​ကျိုး​ကို​ခံ​ရ​လိမ့်​မည်​ဟု သိ​မှတ်​ကြ​လော့။

ဧဖက် 6:5-8 Common Language Bible (BCL)

ကျွန်​ဖြစ်​သူ​တို့၊ သင်​တို့​သည်​ခ​ရစ်​တော်​၏​အ​စေ ကို​ခံ​သ​ကဲ့​သို့ ကြောက်​လန့်​တုန်​လှုပ်​လျက်​ရိုး သား​သော​စိတ်​နှင့်​သ​ခင်​တို့​၏​စ​ကား​ကို နား​ထောင်​ကြ​လော့။- သ​ခင်​များ​နှစ်​သက်​စေ​ရန်​သူ​တို့​၏​ရှေ့​မှောက် ၌​သာ​နား​ထောင်​ကြ​သည်​မ​ဟုတ်​ဘဲ ခ​ရစ်​တော် ၏​ကျွန်​များ​အ​နေ​ဖြင့် ဘု​ရား​သ​ခင်​၏​အ​လို တော်​ရှိ​သည့်​အ​တိုင်း​စိတ်​ရော​ကိုယ်​ပါ​အ​စေ​ခံ ကြ​လော့။- လူ​၏​အ​စေ​ကို​ခံ​သ​ကဲ့​သို့​သာ​မ​က​ဘု​ရား သ​ခင်​၏​အ​စေ​ကို​ခံ​သ​ကဲ့​သို့ ဝမ်း​မြောက် ရွှင်​လန်း​စွာ​အ​လုပ်​ကို​လုပ်​ဆောင်​ကြ​လော့။- ကျွန်​ဖြစ်​စေ၊ လွတ်​လပ်​သူ​ဖြစ်​စေ၊ မည်​သူ​မ​ဆို မိ​မိ​ပြု​သည့်​ကောင်း​မှု​အ​တွက် သ​ခင်​ဘု​ရား ထံ​မှ​ဆု​လာဘ်​ကို​ရ​ရှိ​လိမ့်​မည်​ဟု​သိ​မှတ် ကြ​လော့။

ဧဖက် 6:5-8 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ကျွန်​ဖြစ်​သူ​တို့၊ ခရစ်တော်​ကို​နာခံ​သကဲ့သို့ ကြောက်ရွံ့​တုန်လှုပ်​လျက် ရိုးသား​သော​စိတ်နှလုံး​ဖြင့် သင်​တို့​၏​လောကီ​သခင်​များ​ကို နာခံ​ကြ​လော့။ မျက်နှာလို​မျက်နှာရ​လုပ်​သူ​များ​ကဲ့သို့ မျက်မှောက်​၌​သာ လုပ်ဆောင်​ခြင်း​မျိုး​မ​ဟုတ်​ဘဲ ခရစ်တော်​၏​ကျွန်​များ​ကဲ့သို့ စိတ်နှလုံး​ပါ​လျက် ဘုရားသခင်​၏​အလို​တော်​ကို​ဆောင်ရွက်​ကာ လူ​တို့​ကို​မ​ဟုတ်​ဘဲ သခင်​ဘုရား​ကို​အစေခံ​သကဲ့သို့ စေတနာ​စိတ်​ဖြင့် အစေခံ​ကြ​လော့။ ကျွန်​ဖြစ်စေ၊ လွတ်လပ်​သူ​ဖြစ်စေ၊ ကောင်း​သော​အမှု​တစ်စုံတစ်ခု​ကို​ပြု​သော​သူ​တိုင်း​သည် သခင်​ဘုရား​ထံမှ အကျိုး​ခံစားရ​မည်​ဖြစ်​ကြောင်း သိမှတ်​ကြ​လော့။