တမန်တော် 13:47-49

မျှဝေရန်

တမန်တော် 13:47-49 Judson Bible (JBMLE)

မှာ​တော်​မူ​သော ဗျာ​ဒိတ်​တော်​အ​ချက်​ကား၊ သင်​သည် မြေ​ကြီး​စွန်း​တိုင်​အောင် ကယ်​တင်​ခြင်း​ကို ပြု​စိမ့်​သော​ငှာ၊ သင့်​ကို တစ်​ပါး​အ​မျိုး​သားတို့​လင်း​စ​ရာ​ဖို့ ငါ​ခန့်​ထား၏​ဟု ဗျာ​ဒိတ်​တော်​ရှိ​သည်​ဟု ရဲ​ရင့်​စွာ ပြော​ဆို​ကြ၏။- ထို​စ​ကား​ကို တစ်​ပါး​အ​မျိုး​သား​တို့​သည် ကြား​လျှင် ဝမ်း​မြောက်၍ ထာ​ဝ​ရ​ဘု​ရား၏ နှုတ်​က​ပတ်​တ​ရား​တော်​ကို​ချီး​မွမ်း​ကြ၏။ ထာ​ဝ​ရ​အ​သက်​ကို​ရ​စေ​ခြင်း​ငှာ ခန့်​ထား​တော်​မူ​သော သူ​ရှိ​သ​မျှ​တို့​သည် ယုံ​ကြည်​ခြင်း​သို့ ရောက်​ကြ​သ​ဖြင့်၊- ထာ​ဝ​ရ​ဘု​ရား၏​သာ​သ​နာ​တော်​သည် တစ်​ပြည်​လုံး၌ နှံ့​ပြား​လေ၏။

တမန်တော် 13:47-49 Common Language Bible (BCL)

ငါ​တို့​အား​ထာ​ဝ​ရ​ဘု​ရား​က၊ `ကယ်​တင်​ခြင်း​ကျေး​ဇူး​ကို​ကမ္ဘာ​တစ်​ဝန်း​လုံး ရ​ရှိ​စေ​ရန်​သင်​တို့​အား၊ လူ​မျိုး​ခြား​များ​အ​ဖို့​အ​လင်း​ဖြစ်​စေ​အံ့​သော​ငှာ ငါ​ခန့်​ထား​၏' ဟူ​၍​မိန့်​တော်​မူ​ခဲ့​ပေ​သည်'' ဟု​ဟော​ပြော​ကြ​၏။ လူ​မျိုး​ခြား​တို့​သည်​ထို​စ​ကား​ကို​ကြား​သော အ​ခါ ရွှင်​လန်း​ဝမ်း​မြောက်​ကာ​သ​ခင်​ဘု​ရား​၏ နှုတ်​က​ပတ်​တ​ရား​တော်​ကို​ချီး​မွမ်း​ပြော​ဆို ကြ​၏။ ထာ​ဝ​ရ​အ​သက်​ရ​ရှိ​ရန်​ရွေး​ကောက် ခြင်း​ခံ​ရ​သူ​တို့​သည်​ယုံ​ကြည်​သူ​များ​ဖြစ် လာ​ကြ​၏။- သို့​ဖြစ်​၍​သ​ခင်​ဘု​ရား​၏​တ​ရား​တော်​သည် ထို​ဒေ​သ​တစ်​ခု​လုံး​တွင်​နှံ့​ပြား​လေ​၏။

တမန်တော် 13:47-49 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

အကြောင်းမူကား သခင်​ဘုရား​က ‘သင်​တို့​သည် ကယ်တင်​ခြင်း​ကျေးဇူး​ကို မြေကြီး​စွန်း​တိုင်အောင် ရောက်ရှိ​စေရန် ငါ​သည် သင်​တို့​ကို လူမျိုးခြား​တို့​အတွက် အလင်း​အဖြစ် ခန့်ထား​ပြီ’​ဟူ၍ ငါ​တို့​အား မိန့်မှာ​တော်မူ​၏”​ဟု ဆို​လေ​၏။ လူမျိုးခြား​တို့​သည် ထို​စကား​ကို​ကြား​လျှင် ဝမ်းမြောက်​လျက် သခင်​ဘုရား​၏​နှုတ်ကပတ်​တရား​ကို ချီးမွမ်း​ကြ​၏။ ထာဝရ​အသက်​ရရှိ​ရန် သတ်မှတ်​ထား​ခြင်း​ခံရ​သော​သူ​ရှိသမျှ​တို့​သည်​လည်း ယုံကြည်​ကြ​၏။ ဤသို့ဖြင့် သခင်​ဘုရား​၏​နှုတ်ကပတ်​တရား​သည် ထို​အရပ်​ဒေသ​တစ်လျှောက်လုံး​တွင် ပျံ့နှံ့​သွား​လေ​၏။