UBWANDILO 36
36
Aba nduyungu lwa Esau
(1 Syambu 1.34-37)
1Lilino aba bo ba nduyungu lwa Esau uyu yo Edomu. 2#Bwa 26.34Esau alyegile abakikulu ukufuma nkikolo kya baKanani: Ada umwana gwa Eloni ugwakikolo kya baHiti, Oholibama umwana gwa Ana, uyu ali mwisukulu gwa Zibeoni ugwa kikolo kya baHivi; 3#Bwa 28.9na Basemati umwana gwa Ishimaeli ilumbu gwa Nebayoti. 4Ada yo alinkumpapila Esau umwana uyu ingamu yake ali yo Elifazi; Basemati alinkumpapile Esau Ruwele; Oholibama alinkumpapila Esau Yeushi, Yalamu na Kora. 5Bababa bo bana aba Esau apapile nkisu kya Kanani.
6Popapo Esau alinkubega abakasi bake, na banake abanyambala na bakikulu, kangi na bandu bosa aba bali nnyumba yake, pamopene ni ng'ombe syake, ni mitimo gyake, nifyuma fyake fyosa ifi afikabile nkisu kya Kanani; alinkubuka kulubafu lwa fyamba fya Seyiri, kubutali nu nnuguna gwake Yakobu. 7Namanga ifyuma fyabo ifi bakabile fyali fingi fiyo ukuti bitugale palikimo; ikisu iki baponelangamo kilinkusita nukubafwana, panongwa ya ng'ombe isi bali nasyo. 8Bunobuno Esau alinkwakwitugala nkisu kya fyamba fya Seyiri.
9Aba bo banduyungu lwa Esau, ugwise gwa banya-Edomu nkisu kya mfyamba fya Seyiri. 10Ingamu sya bana ba Esau syo isi: Elifazi uyu Esau alimpapile mu nkasi gwake Ada, Ruwele uyu Esau alimpapile mu nkasi gwake Basemati.
11Abana ba Elifazi bo aba: Temana, Omara, Zefo, Gatama na Kenazi. 12Elifazi umwana gwa Esau alinkumpapa Amaleki mwa Timuna unkasi gwake ugwa mbutitu. Bababa bo bana ba Ada unkasi gwa Esau. 13Abana ba Ruwele bo aba: Nahata, Zera, Shama na Miza. 14Bababa bo bana ba Esau aba mu nkasi gwake Basemati. Abana ba Esau aba mu nkasi gwake Oholibama umwana gwa Ana, uyu ali mwisukulu gwa Zibeoni, bali batatu: Yeushi, Yalama na Kora.
15Aba bo bali balongosi mbana ba Esau. Aba bafumile mwa Elifazi umwana gwa Esau ugwakipanda, abalongosi bali bo aba: Temani, Omara, Zefo, Kenazi, Kora, Gatama, na Amaleki; 16bababa bo balongosi aba bafumile nduyungu lwa Elifazi, nkisu kya Edomu; bali bana ba Ada. 17Aba bo bana ba Ruwele umwana gwa Esau, aba bali balongosi bo aba: Nahata, Zera, Shama na Miza. Bababa bo bali balongosi aba bafumile mwa Ruwele nkisu kya Edomu, bo aba bapapigwe mwa Basemati unkasi gwa Esau. 18Abana ba Esau aba apapile mu nkasi gwake Oholibama bo aba: Yeushi, Yalama, na Kora. Bababa aba bo bali balongosi aba apapile Oholibama unkasi gwa Esau, umwana unkikulu gwa Ana. 19Bababa bo banduyungu lwa Esau uyu yo Edomu, kangi bababa bo aba bali balongosi babo.
Abana ba Seyiri
(1 Syambu 1.38-42)
20Aba bo bana ba Seyiri ugwa kikolo kya Hori, aba bali benekisu kila: Lotani, Shobala, Zibeoni, Ana Dishoni, Ezeri na Dishani. 21Bababa bo bali balongosi mbakikolo kya Hori, abana ba Seyiri nkisu kila ikya Edomu. 22Abana ba Lotani bo aba: Hori na Hemani; ilumbu gwa Lotani ali yo Timuna. 23Abana ba Shobala bo aba: Aluvana, Manahati, Ebala, Shefo na Onamu. 24Abana ba Zibeyoni bo aba: Aya na Ana. Uyu yo Ana uyu ayagile inyibuko fya misi amapyu bo ikutima imbunda sya gwise Zibeoni, ndukubo. 25Aba bo bana ba Ana: Dishoni na Oholibama, umwana unkikulu ugwa Ana. 26Aba bo bana ba Dishoni: Hemudani, Eshibani, Itirani na Kerani. 27Aba bo bana ba Ezere: Bilihani, Zavani na Akani.
28Aba bo bana ba Dishani: Uzi na Arani.
29Aba bali balongosi mbakikolo kyabo ikya baHori: Lotani Shobala, Zibeoni na Ana, Dishoni, Ezeri na Dishani. 30Bababa bo bali balongosi mbakikolo kya baHori bo mumo bayilile mfikolo fyabo nkisu kya Seyiri.
Abanyafyale ba nkisu kya Edomu
(1 Syambu 1.43-54)
31Aba bo banyafyale babo bakilagilaga ikisu kya Edomu bo akali nukuyako undagili yumo mbanya Israeli. 32Bela umwana gwa Beori yo ali ndagili gwa kisu kya Edomu. Dinihaba yali ngamu ya kaya kake. 33Bo afwile Bela, Yobabu umwana gwa Zera uyu afumile nkaya ka Bozira yo alinkuya ndagili mbuyo bwake. 34Bo Yobabu afwile popapo Hashani uyu afumile nkikolo kya ba Temani yo alinkuya ndagili mbuyo bwake. 35Bo afwile Hashamu, po Hadada umwana gwa Bedada, uyu abatolile mbwite aba kikolo kya Midiani nkisu kya Moabu, yo alinkuya ndagili mbuyo bwake. Aviti yo yali ngamu ya kaya kake. 36Bo afwile Hadada, po Samula uyu afumile nkisu kya Masireka yo alinkuya ndagili mbuyo bwake. 37Bo afwile Samula, Shaulu uyu afumile nkaya ka Rehoboti, pabupipi nu Lusoko lwa Yufrate, yo alinkuya ndagili mbuyo bwake. 38Bo afwile Shaulu, Baala Hanani, umwana gwa Akibori yo alinkuya ndagili mbuyo bwake. 39Bo afwile Baala Hanani umwana gwa Akibori, Hadadi alinkuya ndagili mbuyo bwake. Pau kokali kaya kake. Unkasi gwake ingamu ali yo Mehetabeli umwana gwa Matredi uyu ali mwana gwa Mezehaba.
40Sisisi syo ngamu sya balongosi aba bafumile nduyungu lwa Esau, ukufwana mfikolo fyabo, nu buyo bwabo muno bitugalaga. 41-43Abene aba bali balongosi bo aba: Timuna, Aluva, Yeteti, Oholibama, Ela, Pinoni. Kenazi, Temani, Mibiziri, Magadieli na Iramu. Bababa bo bali balagili nkisu kya Edomu, (yo yu Esau, ugwise gwa Edomu), ukufwana nu buyo ubu bitugalangamo, kangi ni fisu ifi bakabile.
လက်ရှိရွေးချယ်ထားမှု
UBWANDILO 36: NNBII
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
BAIBULO INONGWA INUNU © Bible Society of Malawi, 2017.