ALuka 3
3
Kukah aYohana ko nye Ibatisma
(AMatiyu 3:1-12; AMarkus 1:1-8; AYohana 1:19-28)
1Atak iyɛh ife kob atoon atak igwom aTiberus aSiza izen ko aPontus aBilatus ku yes agbanaŋ aJudiya, aHiridus yes agwom iGalili, agwa ngu aFilibus ti yes agbanaŋ aIturiya aso aTrakonitis, aLisaniyas yes agbanaŋ iAbilin 2izen ko aAnnas aso aKefas ku yes bagwom bafiris, KUNOM fɛrɛŋ aYohana arenn aZakariya atak kayitkakot. 3AYohana ku wɔsɔk gbik nwɔb ko nnam se gyɔ ikutsen aUrdun, abuŋ ku saraŋ kukah ya yi banet ti sak ku nye afɔt ba taba nyemi ibatisma, arɔko ba taba hanami afɔt mba. 4Aneŋko ba karaŋ atak kufɛb, mpɛk adidɔk aIshaya be yah:
“Izɔlɔs anet ko ayes atak kayitkakot,
‘Nywaŋghɛn ataren arɔ Adagbik,
tu teni iren chik,
5ba bah hywɛn koyaŋ ka kyuruk,
koyaŋ igoro aso ihywɛnɛŋ bah te mbus.
Ba se te ataren ko nnam se ghibriŋ chik,
Ba se te nna ya ko nna se gbogbobɔk tarara.
6Gbik banet ban ti di kutakhywet KUNOM ma#3:6 aIshaya 40:3-5.’ ”
7AYohana nye banet ko ba wuru arɔko ba taba nye ibatisma da “Nyin namban ambobok! Anghani yu ta ten babara tak teŋghɛn ku njinjek KUNOM ko ku ta se ya? 8Nyen nkyɛŋ ko nnam se tɔl ya nyin yoŋ tak tirin nyin ti sakghɛn afɔtrha. Kɔn nyin taŋgha be na, ‘Yit yes nanon aIbrahim wɔgh.’ Sak nda toŋghɛn KUNOM na tiren ku tirik nnaŋ ntah nna ti te nna nanon aIbrahim ma. 9Kakosoŋ kaŋ ba ku se ichwin nakona, kaya kakon ko kawut namban nalejel wɔgh ba sak temeŋ ba tak gaŋ atak kuroŋ.”
10Banet mu tu rib ba nye yah, “Ikyɛdi ko yit sen ti nye?”
11AYohana nye mba yah, “Aya ko be atoro fah ati nɔk aya ko aseneŋ, aya ko be kuyak ati maŋ nye anama ma.”
12Bafekushas itsɔmben maŋ ta bɛh arɔko ba taba nyemi ibatisma da. Mbam tu rib ba nye yah, “Afekutaas, ikyɛdi ko yit se maŋ nye?”
13Anye mba yah “Kɔn ti shanɛn itsɔmben arɔ banet ti natrhɛn kugyeŋhi wɔgh.”
14Yir banzɔss maŋ tu rib, “Ikyɛdi ko yit se maŋ nye?”
Anye mba yah, “Kɔn ti shanɛn itsɔm akak ikugyigyak wɔgh, kɔn ten ti robɛn akakghi nkut wɔgh, shanɛn ku taraŋ nyin mpampa.”
15Banet kun taŋgha tot hyuhyop, ba saŋ tass atak nafah mba haŋ aYohana yu yes aya ko KUNOM kasa ya?. 16AYohana nye mba yah, “Meŋ nda nyeni ibatisma nchi. Ne akak ko ati nat igbanaŋ ata se, kɔn meŋ ndi tu ku bisik ndun akhikaŋghat ngu wɔgh. Ngu yu ban ye ta nyeni ibatisma Ikabik Wɛsɛk aso kuroŋ. 17Kube kubɛm ngu se ikubɔk ngu ko asi bɛm nkyɛŋ azuu ati tumre ichwami ati baŋ agban ngu, ati mu wɔrɔŋ ishoyi ikuroŋ ko ku rimiŋ wɔgh.” 18AYohana fɛh nkak mpɛk diŋ aton nnaŋgha, akpɛŋ banet asaŋ saraŋ Kukah kulejel.
19AYohana kun ti tɔŋ agomna aHiridus kufɛk tsik zaneŋko ashan aHerodiyas, abiniŋ agwa ngu aso gbik nkak nkyɛŋ nkpɛ ko ngum ku nyena. 20AHiridus ti ba te ku nye nkyɛŋ nkpɛ ya, afossoŋ aYohana atu gakre ari nyaŋ.
AYohana nye aYeso yi ibatisma
(AMatiyu 3:13-17; AMarkus 1:9-11)
21Izen ko anghasaŋ ku nye banet yi gbik ibatisma da, amaŋ nye aYeso yi. Seko aYeso nɔ kunassaŋ KUNOM, icho tak tarak 22Ikabik Wɛsɛk ku kik aton aYeso ko ise ako ahyuhywa. Ba foss izɔlɔs ko ine icho ibe yah, “Nwun yu yes aRenn meŋ, aya ko ndu shim gbom, meŋ fok kungyɔngyɔt nwun gbom.”
Aliŋ aYeso
(AMatiyu 1:1-17)
23AYeso kun ti be ayɛh kobtat izen ko aku fossoŋ kutomoŋ ichwe ngu ya. Aku se aneŋko banet kusaŋ tass ya yi ayes arenn aYusufu,
arenn aHeli 24arenn aMattat,
arenn aLawi, arenn aMeliki,
arenn aJanayi, arenn aYusufu,
25arenn aMatatiyas, arenn aAmos,
arenn aNahum, arenn aEsli
arenn aNagayi, 26arenn aMaat,
arenn aMatatiyas, arenn aShimeya, arenn aJoshek, arenn aJoda,
27arenn aJowanan, arenn aResa,
arenn aZerubabel, arenn aShetiyel,
arenn aNeri, 28arenn aMaliki,
arenn aAdi, arenn aKosam,
arenn aElmadam, arenn aIr,
29arenn aJesuwa, arenn aEliyaza
arenn aJorim, arenn aMattat,
arenn aLawi, 30arenn aSimiyon,
arenn aYahuda, arenn aYusufu,
arenn aJonam, arenn aIliyakim,
31arenn aMiliya, arenn aMinna,
arenn aMatata, arenn aNatan,
arenn aDoda, 32arenn aJesi,
arenn aObed, arenn aBowaz,
arenn aSalmon, arenn aNashon,
33arenn aAminadab#3:33 Aminadab Yir afɛb kuneh ne be Aminadab, kangon Admin, kangon aRam, arenn aRam,
arenn aHezron, arenn aPeres,
arenn a aYahuda, 34arenn aYakubu,
arenn aIshaku, arenn aIbrahim,
arenn aTera, arenn aNaho,
35arenn aSerugi, arenn aRiyu,
arenn aPelek, arenn aƐba,
arenn aShela, 36arenn aKenan,
arenn aAfazad, arenn aShem,
arenn aNuhu, arenn aLamek,
37arenn aMetusela, arenn aInok,
arenn aJaret, arenn aMahalalel,
arenn aKenan, 38arenn aInosh,
arenn aSet, arenn Adamu,
arenn KUNOM.
လက်ရှိရွေးချယ်ထားမှု
ALuka 3: FIR
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
©️2024 Luke Initiative for Scripture Translation
