Matta 1
1
Guu Dʊʊm Yesui
1Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:
2Ibrahim nǝn tɨya Ishakui,
Ishaku nǝn tɨya Yakubui,
Yakubu nǝn tɨya Yahudaɨ jǝbɔ kɛtǝlam gǝnɔ.
3Yahuda nǝn tɨya Feresaɨ jǝbɔ Zera,
wʊnɨ nyɨya ji nǝn Tamarɨ,
Feresa nǝn tɨya Hesrunaɨ,
Hesruna nǝn tɨya Aramɨ.
4Aram nǝn tɨya Amminadabɨ,
Amminadab nǝn tɨya Nashoni,
Nashon nǝn tɨya Salmoni.
5Salmon nǝn tɨya Boazaɨ,
wʊnɨ nyɨya gɔ nǝn Rahabɨ.
Boaza nǝn tɨya Obidaɨ,
nyɨya gǝ nǝn Rut,
Obida nǝn tɨya Yessei.
6Yesse nǝn tɨya Daudaɨ, fɔlɔgɔ.
Dauda nǝn tɨya Sulemanui,
nyɨya gǝ nǝn nwala Uriyaɨ.
7Sulemanu nǝn tɨya Rehobowamɨ,
Rehobowam nǝn tɨya Abiyaɨ,
Abiya nǝn tɨya Asaɨ.
8Asa nǝn tɨya Yehoshafatɨ,
Yehoshafat nǝn tɨya Yoramɨ,
Yoram nǝn tɨya Azariyaɨ.
9Azariya nǝn tɨya Yotamɨ,
Yotam nǝn tɨya Ahazɨ,
Ahaz nǝn tɨya Hezekiyaɨ.
10Hezekiya nǝn tɨya Manassaɨ,
Manassa nǝn tɨya Amoni,
Amon nǝn tɨya Yosiyaɨ.
11Yosiya nǝn tɨya Yekoniyaɨ jǝbɔ kɛtǝlam gǝnɔ,
a bʌ gǝn nǝn kwama ja wɔɔ ji jwaalɛn a Babilaɨ.
12Nǝn kwama ja wɔɔ ji jwaalɛn a Babilaɨ,
Yekoniya nǝn tɨya Sheyaltiyeli,
Sheyaltiyel nǝn tɨya Zarubabeli.
13Zarubabel nǝn tɨya Abihudui,
Abihudu nǝn tɨya Eliyakimi,
Eliyakim nǝn tɨya Azuroi.
14Azuro nǝn tɨya Sadukui,
Saduku nǝn tɨya Akimui,
Akimu nǝn tɨya Aliyudui.
15Aliyudu nǝn tɨya Eleyazarɨ,
Eleyazar nǝn tɨya Matanaɨ,
Matana nǝn tɨya Yakubui.
16Yakubu nǝn tɨya Yusufui,
bwɨla Maryamui,
wʊnɨ a bʌ Yesui,
wʊnɨ jǝ jo lɛ gɔ Kiristii.
17Dʊʊmɔ a la kʊb jeli naal gwam, jʊ a tǝl a daa Ibrahim woi, ba la nǝn a Dauda gǝmɨ, jǝbɔ kaa kʊb jeli naal a tǝl a daa Dauda woi, ba la nǝn kwama ja wɔɔ ji jwaalɛn a tǝm Babilaɨ. Jǝbɔ kaa kʊb jeli naal nǝn kwama yɨm jinɔ a Babilaɨ ba la nǝn bʌtʌm Kiristii#1:17 Jǝbɔ Kiristi: Dun nɨ gɔ Kiristii n nyiyo Girika. Ja yǝla nǝn nyiyo nǝbɔ Ibranei gɔ “Masiya.” Gwam gǝ nʊng “Ja gul gǝm bwiyel.”.
Bʌtʌm Yesu Kiristii
18Bʌtʌm Yesu Kiristii a na nyɔ: Nyɨya gǝ Maryamu nǝn gɔ na bwa naakan nɛ jǝbɔ Yusufu bwayǝlɨ gǝnɨ. A la bɔ kum bwatǝm naakan jinɔ, Yʊwa Kwaamaɨ a dǝg gǝn a do fʌl. 19Yusufu bwɨla gɔ n nǝ dǝngdǝng. A swɨ bɔ jʊ nɨ nǝ bwɛnɔɔlɨ nɨ gunidul lɛɨ. Nǝngɔ swɨ lɛ a bǝla naakan nɨ daddadɨ.
20Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi. 21Bʌ mʊn bʌ bwɛ, mʊ ja gǝm dunɔ gɔ Yesu,#1:21 Dun nɨ gɔ Yesui gǝ nʊng Tɛlalɔ a bʊʊ nǝn bǝn. jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”
22Kanjǝl nɨ a bwɨ sǝ a yii jʊ Tɛlalɔ a sʊwa a nyiyo nǝkuwotǝmkǝgagɨɨ gɔ, 23“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.” 24Nǝn kwama Yusufu a kǝla a nu dumi, nǝngɔ a bwangtǝn jʊ bwɛ twama Tɛlalɔɨ a sʊwa gǝnɨ, nǝngɔ a naa Maryamu nwala gɨɨ. 25A nyǝm gǝn bɔ, ba la nǝn kwama a bʌm bʊla gɨɨ, nǝngɔ a ja gǝm dunɔ gɔ Yesui.
လက်ရှိရွေးချယ်ထားမှု
Matta 1: DBD
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
©️2024 Luke Initiative for Scripture Translation
