Lukas 21
21
kapitel ein un tsvantsik
1un a blik tuendik, hot er gezen vi di ashirim varfen arain zeiere nedoves in der shatskamer. 2un hot gezen a gevise noitbaderftike almone arainvarfen dorten tsvei prutes. 3un er hot gezogt: beemes zog ich aich: di dozike oreme almone hot araingevorfen mer vi ale; 4vorem ale di dozike hoben araingevorfen tsu di nedoves fun zeier oidef; zi ober hot fun ir noit araingevorfen alts, vos zi hot gehat tsum leben.
5un ven einike hoben gezogt vegen dem Beis HaMikdash, az es iz batsirt mit herleche shteiner un mit matonus, hot er gezogt: 6di dozike zachn, vos ir zet, es velen kumen teg, in velche es vet do nisht ibergelozt veren a shtein oif a shtein, vos vet nisht anidergerisen veren! 7hoben zei im gefregt, azoi tsu zogen: Rebbe, un ven vet dos zain? un vos iz der simen ven dos darf geshen? 8un er hot gezogt: git achtung, az ir zolt nisht farfirt veren; vorem a sach velen kumen in main nomen, un zogen: ich bin es un di tsait hot genent! ir zolt zei nisht nochgein! 9ven ober ir vet heren fun milchomes un mehumes, zolt ir zich nisht shreken, vorem dos muz koidem kol geshen; nor der kets iz nisht bald.
10demolt hot er gezogt tsu zei: a folk vet oifshtein kegen a folk, un a meluche kegen a meluche; 11es velen zain gevaldike erdtsiternishn, un do un dorten hunger un mageyfus; un shrekleche zachn un groise tseichens fun himel velen zain. 12far dem alem ober velen zei leigen oif aich zeiere hent, un aich farfolgen, un velen aich ibergeben tsu di shuln un tfises un aich firen far melachim un moshlim tsulib main nomen. 13dos vet oisfalen far aich tsum eides zogen. 14nemt zhe es aich tsum hartsn, nisht tsu zorgen forois, viazoi zich tsu farteidiken; 15vorem ich vel aich geben a moil un chochme, vos ale eiere kegner velen zich nisht kenen antkegenshtelen oder vidershprechen. 16ir vet ober ibergegeben veren afile fun elteren, un brider, un kroivim, un fraind; un a teil fun aich velen zei teiten. 17un ir vet zain gehast fun alemen tsulib main nomen. 18un kein hor fun eier kop vet nisht farloiren veren. 19durch eier savlones vet ir gevinen eiere lebns!
20un ven ir vet zen Yerushalayim balegert mit chaioles, zolt ir demolt visen, az ir farvistung hot zich dernentert. 21demolt zolen di, vos zenen in (land) Yehude, antloifen tsu di berg; un di, vos zenen in ir mit, zolen oisvanderen; un di, vos zenen oifen land, zolen nisht araingein in ir. 22vail zei zenen teg fun nekome, kedei es zol derfilt veren alts, vos shteit geshriben. 23vei iz tsu di trogedike froien un onzoigerins in yene teg! vorem es vet zain a groise noit ibern land un a tsorn iber dem dozikn folk. 24un zei velen falen fun der sharf fun der shverd, un gefangen gefirt veren tsvishen ale felker; un Yerushalayim vet tsetreten veren fun umes (hooilem), biz di tsaitn fun di umes (hooilem) velen derfilt veren. 25un es velen zain simonim in der zun un levone un shterens; un oif der erd angst oif felker; un zei velen nisht visen kein eitse zich tsu geben, machmas dem broizen fun yam un di chvalyes; 26un mentshn velen oisgein far moire un dervartung fun dem, vos darf kumen oif der velt; vorem di koiches fun himel velen dershitert veren. 27un demolt velen zei zen dem Bar Enosh kumen oif a volken mit macht un fil herlechkeit. (Daniel 7:13-14) 28ven ober di dozike zachn hoiben on geshen, zolt ir zich oifrichten un oifhoiben eiere kep, vail eier geule dernentert zich.
29un er hot zei gezogt a moshal: kukt oif dem faignboim un oif ale beimer; 30ven zei shprotsen shoin, zet ir es un veist fun zich alein, az der zumer iz noent. 31azoi oich ir, ven ir vet zen di dozike zachn geshen, zolt ir visen, az dos kenigraich fun Hashem iz noent. 32beemes zog ich aich: dos dozike dor vet nisht fargein, biz alts vet hoben geshen. 33der himel un di erd velen fargein, ober maine verter velen beshum oifen nisht fargein.
34nor hiten zolt ir zich, az eiere hertser zolen nisht shver veren mit iberesen zich un zoifen, un mit daiges farn leben, un az yener tog zol nisht plutslung kumen oif aich; 35vorem vi a nets vet er kumen iber ale, vos voinen oifen ponem fun der gantser erd. 36deriber vacht in yeder tsait, un tut tfile, az ir zolt vertik zain tsu antrinen di dozike ale zachn, vos darfen geshen, un tsu shtein far dem Bar Enosh!
37un baitog iz er geven inem Beis HaMikdash un hot gelernt, un bainacht iz er aroisgegangen un hot ibergenechtikt oifen barg, vos men hot im gerufen Har HaZeitim. 38un dos gantse folk iz gekumen tsu im inderfri in Beis HaMikdash arain, kedei im tsu heren.
လက်ရှိရွေးချယ်ထားမှု
Lukas 21: OYBCLATN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
OYBC Yiddish (Hebrew script) in Latin script © Copyright 2024 AFII
