ဆာလံ 69:30-36

ငါ​သည် ဘု​ရား​သ​ခင်၏​နာ​မ​တော်​ကို ထော​မ​နာ​သီ​ချင်း​ဆို​မည်။ ကျေး​ဇူး​တော်​ကို​ပြ၍ ဘု​ရား​သ​ခင်​ကို ချီး​မွမ်း​မည်။ ထာ​ဝ​ရ​ဘု​ရား​သည် ချို​နှင့်​လည်း​ကောင်း၊ ခွာ​နှင့်​လည်း​ကောင်း ပြည့်​စုံ​သော​နွား​လား​ကို နှစ်​သက်​သည်​ထက်၊ ထို​အ​ကျင့်​ကို သာ၍​နှစ်​သက်​တော်​မူ​လိမ့်​မည်။ နှိမ့်​ချ​သော​သူ​တို့​သည်​မြင်၍ ဝမ်း​မြောက်​ကြ​လိမ့်​မည်။ ဘု​ရား​သ​ခင်​ကို ရှာ​သော​သူ​တို့၏ စိတ်​နှ​လုံး​သည် အား​ပြည့်​လိမ့်​မည်။ ထာ​ဝ​ရ​ဘု​ရား​သည် ဆင်း​ရဲ​သော​သူ​တို့၏​စ​ကား​ကို နား​ထောင်​တော်​မူ၏။ အ​ချုပ်​ခံ​ရ​သော မိ​မိ​လူ​တို့​ကို မ​ထီ​မဲ့​မြင် ပြု​တော်​မ​မူ​တတ်။ ကောင်း​ကင်၊ မြေ​ကြီး၊ သ​မု​ဒ္ဒ​ရာ​တို့​နှင့်​တ​ကွ အ​ရပ်​ရပ်၌ ကျင်​လည်​သော​သ​တ္တ​ဝါ​အ​ပေါင်း​တို့​သည် ဘု​ရား​သ​ခင်​ကို ချီး​မွမ်း​ကြ​ပါ​စေ​သော။ ဘု​ရား​သ​ခင်​သည် ဇိ​အုန်​မြို့​ကို​စောင့်၍၊ ယု​ဒ​မြို့​တို့​ကို ပြု​စု​တော်​မူ​သ​ဖြင့်၊ ထို​သူ​တို့​သည်​နေ၍ ပိုင်​ရ​ကြ​လိမ့်​မည်။ ကျွန်​တော်​မျိုး၏​သား​မြေး​တို့​သည် ထို​မြို့​ကို အ​မွေ​ခံ​ရ၍၊ နာ​မ​တော်​ကို ချစ်​သော​သူ​တို့​သည်​နေ​ရာ ကျ​ရ​ကြ​လိမ့်​မည်။