ဆာလံ 34:15-22

ထာ​ဝ​ရ​ဘု​ရား​သည် ဖြောင့်​မတ်​သော​သူ​တို့​ကို ကြည့်​ရှု​တော်​မူ၏။ သူ​တို့​အော်​ဟစ်​သံ​ကို​လည်း နား​ထောင်​တော်​မူ၏။ ဒု​စ​ရိုက်​ကို​ပြု​သော​သူ​တို့​ကား၊ မြေ​ကြီး​ပေါ်​မှာ အောက်​မေ့​စ​ရာ အ​မှတ်​မျှ​မ​ရှိ​စေ​ခြင်း​ငှာ ပယ်​ရှင်း​မည်​အ​ကြောင်း၊ ထာ​ဝ​ရ​ဘု​ရား​သည် မျက်​နှာ​ထား​တော်​မူ၏။ ဖြောင့်​မတ်​သော​သူ​တို့​သည် အော်​ဟစ်​သော​အ​ခါ၊ ထာ​ဝ​ရ​ဘု​ရား​သည် နား​ထောင်၍၊ သူ​တို့​ကို ခပ်​သိမ်း​သော ဆင်း​ရဲ​ထဲ​က ကယ်​လွှတ်​တော်​မူ၏။ ထာ​ဝ​ရ​ဘု​ရား​သည် ကျိုး​ပဲ့​သော​စိတ်​ရှိ​သော သူ​တို့​နှင့် နှ​လုံး​ကြေ​ကွဲ​သော​သူ​တို့​ကို နီး​တော်​မူ၏။ နောင်​တ​ရှိ၍ စိတ်​နှိမ့်​ချ​သော​သူ​တို့​ကို​လည်း ကယ်​တင်​တော်​မူ၏။ ဖြောင့်​မတ်​သော​သူ​သည် များ​စွာ​သော ဒု​က္ခ​ဆင်း​ရဲ​ကို ခံ​ရ​သော်​လည်း၊ ထာ​ဝ​ရ​ဘု​ရား​သည် ခပ်​သိမ်း​သော ဒု​က္ခ​ဆင်း​ရဲ​ထဲ​က ကယ်​လွှတ်​တော်​မူ၏။ သူ၏​အ​ရိုး​ရှိ​သ​မျှ​တို့​ကို စောင့်​ရှောက်​တော်​မူ​သည်​ဖြစ်၍၊ တစ်​ချောင်း​မျှ မ​ကျိုး​မ​ပဲ့​ရ။ မ​တ​ရား​သော​သူ​မူ​ကား၊ ဘေး​ဖြင့်​အ​သက်​ဆုံး​ခြင်း​သို့ ရောက်​ရ​မည်။ ဖြောင့်​မတ်​သော​သူ​ကို မုန်း​သော​သူ​တို့​သည် အ​ပြစ်​စီ​ရင်​ခြင်း​ကို ခံ​ရ​ကြ​မည်။ ထာ​ဝ​ရ​ဘု​ရား​သည် မိ​မိ​ကျွန်​တို့၏ အ​သက်​ဝိ​ညာဉ်​ကို ရွေး​နုတ်​တော်​မူ​သည်​ဖြစ်၍၊ ကိုယ်​တော်​ကို ခို​လှုံ​သော​သူ တစ်​စုံ​တစ်​ယောက်​မျှ အ​ပြစ်​စီ​ရင်​ခြင်း​ကို မ​ခံ​ရ။