ဆာလံ 129:1-8

ငယ်​သော​အ​ရွယ်​မှ​စ၍၊ ကြိမ်​ဖန်​များ​စွာ ငါ့​ကို သူ​တစ်​ပါး​တို့​သည် ညှဉ်း​ဆဲ​ကြ​ပြီ​ဟူ​သော စ​ကား​နှင့်​ချီ၍၊ ဣ​သ​ရေ​လ​အ​မျိုး​ဆို​ရ​သော စ​ကား​ဟူ​မူ​ကား၊ ငယ်​သော​အ​ရွယ်​မှ​စ၍၊ ကြိမ်​ဖန်​များ​စွာ ငါ့​ကို သူ​တစ်​ပါး​တို့​သည် ညှဉ်း​ဆဲ​ကြ​ပြီ။ သို့​သော်​လည်း ငါ့​ကို​မ​နိုင်​ကြ။ ထွန်​သော​သူ​တို့​သည် ငါ့​ကျော​ပေါ်​မှာ​ထွန်၍၊ ရှည်​သော ထွန်​ကြောင်း​တို့​ကို ဖြစ်​စေ​ကြ၏။ ထာ​ဝ​ရ​ဘု​ရား​သည် ဖြောင့်​မတ်​တော်​မူ၏။ မ​တ​ရား​သော​သူ​တို့၏ ကြိုး​တို့​ကို ဖြတ်​တော်​မူ​ပြီ။ ဇိ​အုန်​မြို့​ကို မုန်း​သော​သူ​အ​ပေါင်း​တို့​သည် ရှက်​ကြောက်၍ လှန်​ခြင်း​ကို ခံ​ရ​ကြ​ပါ​စေ။ အိမ်​မိုး​ပေါ်​မှာ​ပေါက်၍၊ အ​ဘယ်​သူ​မျှ​မ​နုတ်​ဘဲ ညှိုး​နွမ်း​တတ်​သော မြက်​ပင်​ကဲ့​သို့ ဖြစ်​ကြ​ပါ​စေ။ ထို​မြက်​ပင်​ကို​ရိတ်​သော​သူ​သည် လက်​တစ်​ဆုပ်​မျှ မ​ရ။ စည်း​သော​သူ​လည်း လက်​တစ်​ပွေ့​မျှ​မ​ရ။ လမ်း၌ လျှောက်​သွား​သော​သူ​တို့​က​လည်း၊ ထာ​ဝ​ရ​ဘု​ရား​ပေး​တော်​မူ​သော မင်္ဂ​လာ​သက်​ရောက်​ပါ​စေ​သော။ ထာ​ဝ​ရ​ဘု​ရား၏​နာ​မ​တော်​ကို အ​မှီ​ပြု၍၊ သင်​တို့​ကို ကောင်း​ချီး​ပေး​ကြ၏​ဟု မ​ပြော​မ​ဆို​ရ​ကြ။