ဆာလံ 106:1-5

ထာ​ဝ​ရ​ဘု​ရား​သည် ကောင်း​မြတ်​တော်​မူ၍၊ က​ရု​ဏာ​တော် အ​စဉ်​အ​မြဲ​တည်​သော​ကြောင့်၊ ဂုဏ်​ကျေး​ဇူး​တော်​ကို ချီး​မွမ်း​ကြ​လော့။ ထာ​ဝ​ရ​ဘု​ရား၏ တန်​ခိုး​ကြီး​ခြင်း​အ​ရာ​တော်​တို့​ကို အ​ဘယ်​သူ​ပြော​နိုင်​သ​နည်း။ ဂုဏ်​ကျေး​ဇူး​တော်​ကို အ​ဘယ်​သူ​သည် အ​ကုန်​အ​စင်​ဖော်​ပြ​နိုင်​သ​နည်း။ ခပ်​သိမ်း​သော​အ​ခါ​တို့၌ တ​ရား​ကို​စောင့်​ရှောက်၍၊ ဖြောင့်​မတ်​စွာ ကျင့်​သော​သူ​တို့​သည် မင်္ဂ​လာ​ရှိ​ကြ၏။ အို ထာ​ဝ​ရ​ဘု​ရား၊ အ​ကျွန်ုပ်​သည် ရွေး​ကောက်​တော်​မူ​သော​သူ​တို့၏​ကောင်း​ကျိုး​ကို မြင်​စေ​ခြင်း​ငှာ​လည်း​ကောင်း၊ ကိုယ်​တော်၏​လူ​မျိုး​ဝမ်း​မြောက်​ခြင်း၌ ဝမ်း​မြောက်၍၊ ကိုယ်​တော်၏​အ​မွေ​ဖြစ်​သော သူ​တို့​နှင့်​အ​တူ ဝါ​ကြွား​ရွှင်​လန်း​စေ​ခြင်း​ငှာ​လည်း​ကောင်း၊ ကိုယ်​တော်၏​လူ​တို့​ခံ​ရ​သော စေ​တ​နာ​တော်​နှင့်​တ​ကွ၊ အ​ကျွန်ုပ်​ကို အောက်​မေ့​တော်​မူ​ပါ။ အ​ကျွန်ုပ်​ကို အ​ကြည့်​အ​ရှု​ကြွ​လာ၍ ကယ်​တင်​တော်​မူ​ပါ။