ယောဘ 39:1-8

သင်​သည် တော​ဆိတ်​မွေး​ရ​သော​ကာ​လ​ကို သိ​သ​လော။ သ​မင်​ဒ​ရယ်​မ သား​ဖွား​ခြင်း​ဝေ​ဒ​နာ ခံ​ရ​သော​အ​ချိန်​ကို မှတ်​နိုင်​သ​လော။ ကိုယ်​ဝန်​ဆောင်​ရ​သော နေ့​လ​တို့​ကို​ရေ​တွက်၍၊ ဖွား​ရ​သော အ​ချိန်​ကာ​လ​ကို သိ​သ​လော။ သူ​တို့​သည် ကျော​ကိုင်း၍ သား​ငယ်​ကို​မွေး​ဖွား​သ​ဖြင့် ဝေ​ဒ​နာ​ငြိမ်း​ကြ၏။ သား​ငယ်​တို့​သည် ကျန်း​မာ၍၊ လွင်​ပြင်၌ ကြီး​ပွား​တတ်​ကြ၏။ အ​ခြား​သို့​သွား၍ အ​မိ​ထံ​သို့​ပြန်​မ​လာ​ဘဲ နေ​တတ်​ကြ၏။ တော​မြည်း​ကို အ​ဆီး​အ​တား​မ​ရှိ​စေ​ခြင်း​ငှာ အ​ဘယ်​သူ​လွှတ်​သ​နည်း။ တော​မြင်း၌ ချည်​နှောင်​ခြင်း​ကို အ​ဘယ်​သူ​ဖြေ​သ​နည်း။ တော​ကို သူ့​အိမ်​ဖို့​လည်း​ကောင်း၊ လွင်​ပြင်​ကို သူ့​နေ​ရာ​ဖို့​လည်း​ကောင်း ငါ​ခန့်​ထား​ပြီ။ မြို့၌​ဖြစ်​သော လူ​တို့၏​အ​သံ​ဗ​လံ​ကို သူ​သည် မ​ထီ​မဲ့​မြင်​ပြု​တတ်၏။ နှင်​သော​သူ အော်​ဟစ်​နှိုး​ဆော်​သံ​ကို မ​မှတ်​တတ်။ တောင်​ရိုး၌ ကျက်​စား၍၊ စိမ်း​သော​အ​ပင် အ​မျိုး​မျိုး​ကို ရှာ​တတ်၏။