ယောဘ 29:1-6

ယော​ဘ​သည် လင်္ကာ​စ​ကား​ကို ဆက်၍​မြွက်​ဆို​သည်​ကား၊ ငါ​သည် လွန်​လေ​ပြီ​သော​နှစ်၊ လ၊ ဘု​ရား​သ​ခင်​စောင့်​မ​တော်​မူ​သော နေ့​ရက်၌​ဖြစ်​သ​ကဲ့​သို့ တစ်​ဖန်​ဖြစ်​ပါ​စေ။ ထို​အ​ခါ ဘု​ရား​သ​ခင်၏​မီး​ခွက်​သည် ငါ့​ခေါင်း​ပေါ်​မှာ ထွန်း​လင်း​သည်​ဖြစ်၍၊ ထို​အ​လင်း​ကို ငါ​အ​မှီ​ပြု​လျက်၊ မိုက်​သော​အ​ရပ်၌ လျှောက်​သွား​နိုင်၏။ ငါ့​အ​သက်​ပျို​သော​ကာ​လ၊ ငါ့​အိမ်၌​ဘု​ရား​သ​ခင်​နှင့် မိတ်​သ​ဟာ​ယ​ဖွဲ့​ရ​သော အ​ခွင့်​ရှိ​သော​ကာ​လ၌၊ ငါ​ဖြစ်​သ​ကဲ့​သို့ တစ်​ဖန်​ဖြစ်​ပါ​စေ။ ထို​အ​ခါ အ​န​န္တ​တန်​ခိုး​ရှင်​သည် ငါ့​ဘက်၌​ရှိ​တော်​မူ၏။ ငါ့​သား​သ​မီး​တို့​သည်​လည်း ငါ့​ကို​ဝိုင်း​လျက်​နေ​ကြ၏။ ထို​အ​ခါ ငါ​သွား​သော​လမ်း၌ နို့​ရည်​စီး​လေ၏။ ကျောက်​ခဲ​သည်​လည်း ငါ့​အ​ဖို့ ဆီ​ကို​သွန်း​လောင်း​လေ၏။