ကမ္ဘာဦး 49:13-21

ဇာ​ဗု​လုန်​သည် ပင်လယ်ကမ်း​နား​မှာ​နေ၍၊ သင်္ဘော​ဆိပ်​ဖြစ်​လိမ့်​မည်။ သူ၏​နယ်​သည် ဇိ​ဒုန်​မြို့​တိုင်​အောင် ကျယ်​ဝန်း​လိမ့်​မည်။ ဣ​သ​ခါ​သည်​တောင်​ကြား​မှာ​ဝပ်​လျက် အား​ကြီး​သော​မြည်း​ဖြစ်​၏။ ငြိမ်​ဝပ်​ရာ​အ​ရပ်​ကောင်း၍ မြေ​သာ​ယာ​သည်​ကို​မြင်​သ​ဖြင့်၊ မိ​မိ​ပ​ခုံး​ပေါ်​မှာ ထမ်း​ပိုး​ကို​တင်​ထမ်း၍၊ အ​ခွန်​ပေး​သော​ကျွန်​ဖြစ်​လေ​၏။ ဒန်​သည် ဣ​သ​ရေ​လ​အ​နွယ်​တစ်​စုံ​တစ်​ပါး​ကဲ့​သို့၊ မိ​မိ​လူ​တို့​ကို​စီ​ရင်​လိမ့်​မည်။ ဒန်​သည် လမ်း​၌​နေ​သော​မြွေ​ဖြစ်​လိမ့်​မည်။ မြင်း​စီး​သော​သူ​ကို နောက်​သို့ လဲ​စေ​ခြင်း​ငှာ လမ်း​ကြား​မှာ​နေ၍၊ မြင်း​ခြေ​ကို​ကိုက်​တတ်​သော မြွေ​ဆိုး​ဖြစ်​လိမ့်​မည်။ အို​ထာ​ဝ​ရ​ဘု​ရား၊ ကယ်​တင်​တော်​မူ​ခြင်း​ကျေး​ဇူး​ကို အ​ကျွန်ုပ်​မျှော်​လင့်​လျက်​နေ​ပါ​ပြီ။ ဂဒ်​မူ​ကား၊ စစ်​သူ​ရဲ​တို့​သည် သူ့​ကို​တိုက်​ကြ၍၊ သူ​သည် ပြန်​တိုက်​လိမ့်​မည်။ အာ​ရှာ၌​ဖြစ်​သော​အ​စာ​သည် အ​ရ​သာ​နှင့်​ပြည့်​စုံ​၍၊ မင်း၏​ခဲ​ဖွယ်​စား​ဖွယ်​တို့​ကို ထုတ်​ပေး​လိမ့်​မည်။ နဿ​လိ​သည်​လှ​သော​အ​ခက်​အ​လက်​နှင့်​ပြည့်​စုံ၍၊ ကျယ်​ဝန်း​သော သ​ပိတ်​ပင်​ဖြစ်၏။