ထွက်မြောက်ရာ 25:1-8

ထာ​ဝ​ရ​ဘု​ရား​က​လည်း၊ ဣ​သ​ရေ​လ​အ​မျိုး​သား​တို့​သည်၊ ငါ့​အား လက်​ဆောင်​ပ​ဏ္ဏာ​ကို ဆောင်​ခဲ့​ရ​မည်​အ​ကြောင်း ဆင့်​ဆို​လော့။ ကြည်​ညို​သော​စေ​တ​နာ​စိတ်​နှင့် ငါ့​အား လှူ​သ​မျှ​သော​သူ​တို့၌ သင်​သည် အ​လှူ​ကို​ခံ​ရ​မည်။ ခံ​ရ​သော​အ​လှူ​ဟူ​မူ​ကား၊ ရွှေ၊ ငွေ၊ ကြေး​ဝါ၊ ပြာ​သော​အ​ထည်၊ မောင်း​သော​အ​ထည်၊ နီ​သော​အ​ထည်၊ ပိတ်​ချော၊ ဆိတ်​မွေး။ အ​နီ​ဆိုး​သော​သိုး​ရေ၊ တ​ဟာ​ရှ​သား​ရေ၊ အ​ကာ​ရှ​သစ်​သား။ လိမ်း​ရန်​ဆီ​ဖော်​ဖို့၊ မီး​ရှို့​ရာ​နံ့​သာ​ပေါင်း​မွှေး​ဖော်​ဖို့​ရာ၊ နံ့​သာ​မျိုး၊ မီး​ထွန်း​စ​ရာ​ဆီ၊ ရှ​ဟံ​ကျောက်၊ ယဇ်​ပု​ရော​ဟိတ်​သင်​တိုင်း​နှင့် ရင်​ဖွဲ့၌ စီ​စ​ရာ​ကျောက်​မြတ်​တည်း​ဟူ​သော အ​လှူ​ကို​ခံ​ရ​မည်။ ငါ​သည် သင်​တို့​တွင်​ကျိန်း​ဝပ်​ရာ​ဖို့ သန့်​ရှင်း​ရာ​ဌာ​န​ကို​လုပ်​ကြ​စေ။