၂ ဓမ္မရာဇဝင် 14:1-4

ထို​သို့​ရှင်​ဘု​ရင်၏​စိတ်​နှ​လုံး​သည် အ​ဗ​ရှ​လုံ​သို့ ပါ​သွား​ကြောင်း​ကို ဇေ​ရု​ယာ​သား​ယွာ​ဘ​သည် ရိပ်​မိ​သော​အ​ခါ၊ တေ​ကော​မြို့​သို့​စေ​လွှတ်၍ ပ​ညာ​ရှိ​သော​မိန်း​မ​ကို​ခေါ်​ပြီး​လျှင်၊ သင်​သည် ဆီ​မ​လိမ်း​ပါ​နှင့်။ စိတ်​မ​သာ ညည်း​တွား​ဟန်​ပြု၍ မ​သာ​အ​ဝတ်​ကို ဝတ်​ပါ​တော့။ လူ​သေ​အ​တွက် ကြာ​မြင့်​စွာ ငို​ကြွေး​သော​မိန်း​မ ယောင်​ဆောင်​လျက်၊ ရှင်​ဘု​ရင်​ထံ​တော်​သို့​ဝင်၍ ဤ​သို့​လျှောက်​ရ​မည်​ဟု သွန်​သင်​လေ၏။ ထို​တေ​ကော​မြို့​သူ​မိန်း​မ​သည် အ​ထံ​တော်​သို့​ဝင်၍ မြေ​ပေါ်​မှာ ပျပ်​ဝပ်​ရှိ​ခိုး​လျက်၊ အ​ရှင်​မင်း​ကြီး၊ ကယ်​မ​သ​နား​တော်​မူ​ပါ​ဟု လျှောက်​လေ၏။