၄ ဓမ္မရာဇဝင် 8:25-29

ဣ​သ​ရေ​လ​ရှင်​ဘု​ရင် အာ​ဟပ်​သား​ယော​ရံ နန်း​စံ​ဆယ်​နှစ်​နှစ်​တွင်၊ ယု​ဒ​ရှင်​ဘု​ရင်​ယ​ဟော​ရံ​သား အာ​ခ​ဇိ​သည် နန်း​ထိုင်​လေ၏။ အ​သက်​နှစ်​ဆယ်​နှစ်​နှစ်​ရှိ​သော်၊ မင်း​ပြု၍ ယေ​ရု​ရှ​လင်​မြို့၌ တစ်​နှစ်​စိုး​စံ၏။ မယ်​တော်​ကား၊ ဣ​သ​ရေ​လ​ရှင်​ဘု​ရင်​ဩ​မ​ရိ​မြေး အာ​သ​လိ​အ​မည်​ရှိ၏။ အာ​ခ​ဇိ​သည် အာ​ဟပ်၏​သ​မက်​ဖြစ်​သ​ဖြင့်၊ အာ​ဟပ်​အ​မျိုး​လိုက်​ရာ​လမ်း​သို့ လိုက်၍၊ အာ​ဟပ်​အ​မျိုး​ကဲ့​သို့ ထာ​ဝ​ရ​ဘု​ရား​ရှေ့​တော်၌ ဒု​စ​ရိုက်​ကို​ပြု၏။ အာ​ဟပ်၏​သား​ယော​ရံ​နှင့် ဝိုင်း​လျက်၊ ဂိ​လဒ်​ပြည်​ရာ​မုတ်​မြို့​သို့ စစ်​ချီ၍၊ ရှု​ရိ​ရှင်​ဘု​ရင်​ဟာ​ဇေ​လ​ကို တိုက်​ရာ​တွင် ရှု​ရိ​လူ​တို့​သည် ယော​ရံ​ကို​ထိ​ခိုက်​ကြ၏။ ထို​သို့ ရာ​မုတ်​မြို့၌ ရှု​ရိ​ဘု​ရင်​ဟာ​ဇေ​လ​ကို​တိုက်၍၊ ရှု​ရိ​လူ​ထိ​ခိုက်​သော​အ​နာ​ပျောက်​စေ​ခြင်း​ငှာ၊ ယော​ရံ​မင်း​ကြီး​သည် ယေ​ဇ​ရေ​လ​မြို့​သို့ ပြန်​သွား၍ နာ​လျက်​နေ​စဉ်​တွင်၊ ယု​ဒ​ရှင်​ဘု​ရင်​ယ​ဟော​ရံ​သား​အာ​ခ​ဇိ​သည်​လည်း၊ အာ​ဟပ်​သား​ယော​ရံ​ကို ကြည့်​ရှု​ခြင်း​ငှာ ထို​မြို့​သို့ ဆင်း​သွား​လေ၏။