၂ ကောရိန္သု 11:16-21

တစ်​ဖန် ငါ​ဆို​သည်​ကား၊ ငါ့​ကို​သူ​ရူး​ဖြစ်​သည်​ဟု အ​ဘယ်​သူ​မျှ မ​ထင်​စေ​နှင့်။ သို့​မ​ဟုတ် ငါ​ဝါ​ကြွား​စ​ရာ အ​ခွင့်​အ​နည်း​ငယ်​ရှိ​စေ​ခြင်း​ငှာ ငါ့​ကို​သူ​ရူး​ကဲ့​သို့ မှတ်၍ သည်း​ခံ​ကြ​လော့။- ဤ​သို့​ငါ​ပြော​သော​စ​ကား​မှာ သ​ခင်​ဘု​ရား၏​နည်း​တူ ငါ​ပြော​သည်​မ​ဟုတ်။ သူ​ရူး​ကဲ့​သို့ ရဲ​ရင့်​စွာ ဝါ​ကြွား​လျက်​ပြော​ဆို၏။ လူ​များ​တို့​သည် လော​ကီ​အ​ခြင်း​အ​ရာ၌ ဝါ​ကြွား​သော​ကြောင့် ငါ​သည်​လည်း​ဝါ​ကြွား​ရ၏။- သင်​တို့​သည်​လိ​မ္မာ​သော​သူ​ဖြစ်​သော​ကြောင့်၊ သူ​ရူး​တို့​ကို စေ​တ​နာ​စိတ်​နှင့် သည်း​ခံ​ကြ၏။- သူ​တစ်​ပါး​သည် သင်​တို့​ကို ကျွန်​ခံ​စေ​ခြင်း၊ ရောင်း၍​စား​ခြင်း၊ ဥ​စ္စာ​ကို​လု​ယူ​ခြင်း၊ ရန်​တွေ့​ခြင်း၊ ပါး​ပုတ်​ခြင်း​ကို​ပြု​လျှင် သင်​တို့​သည် သည်း​ခံ​ကြ၏။- ငါ​တို့​သည်​အ​စွမ်း​သ​တ္တိ​မ​ရှိ​ဟု ကဲ့​ရဲ့​ခြင်း​ကို အ​မှတ်​ပြု၍ ငါ​ပြော၏။ အ​ကြင်​အ​ရာ​ကို သူ​တစ်​ပါး မှီ​ဝဲ၍ ရဲ​ရင့်၏။ ထို​အ​ရာ​ကို​ငါ​မှီ​ဝဲ၍ ရဲ​ရင့်​ခြင်း​ရှိ၏​ဟု သူ​ရူး​ကဲ့​သို့​ငါ​ဆို၏။