၃ ဓမ္မရာဇဝင် 19:19-21

ထို​အ​ရပ်​မှ ဧ​လိ​ယ​သည် သွား​ပြီး​လျှင်၊ နွား​ငါး​ရှဉ်း​နှင့် လယ်​ထွန်​လျက်၊ နောက်​ဆုံး​နွား​ရှဉ်း၌ ကိုယ်​တိုင်​လိုက်​သော ရှာ​ဖတ်​သား​ဧ​လိ​ရှဲ​ကို​တွေ့၍ အ​နား၌​လျှောက်​စဉ်​တွင်၊ မိ​မိ​ဝတ်​လုံ​ကို သူ့​အ​ပေါ်​မှာ​တင်​လေ၏။ ဧ​လိ​ရှဲ​သည် နွား​တို့​ကို​ပစ်​ထား၍ ဧ​လိ​ယ​နောက်​သို့​လိုက်​လျက်၊ အ​ကျွန်ုပ်​သည် မိ​ဘ​ကို​နမ်း​ပါ​ရ​စေ။ သို့​ပြီး​မှ ကိုယ်​တော်​နောက်​သို့​လိုက်​ပါ​မည်​ဟု အ​ခွင့်​တောင်း​လျှင်၊ ဧ​လိ​ယ​က ပြန်​သွား​လော့။ ငါ​သည် သင်၌ အ​ဘယ်​သို့​ပြု​ဘိ​သ​နည်း​ဟု​ဆို​သော်၊ ဧ​လိ​ရှဲ​သည်​ပြန်​သွား၍ နွား​တစ်​ရှဉ်း​ကို​သတ်​ပြီး​မှ၊ နွား​သား​ကို လယ်​ထွန်​သော​တန်​ဆာ​နှင့်​ပြုတ်၍ လူ​များ​တို့​အား​ကျွေး​လေ၏။ သို့​ပြီး​မှ ထ၍ ဧ​လိ​ယ​နောက်​သို့​လိုက်​လျက် လက်​ထောက်​ဖြစ်​လေ၏။