Wĭkheegŭn 8
8
1Sāsoos ŭlĭhĕ wŏŏchook tan lewesoo Olebeā.
2Ha ĕhchĕhkwak, oospasweu’ apch pŭkŭchehĕ k’chehemeāwĭgwamŭk: ha m’seu pŭmowsooenooŭk pĕdabaseneal; ha Sāsoos hŭpĕssoo, ha ootŭkĕhkema.
3Ha noodooĭkhĭkhŭteejĭk ha neaga Pălooseŭk ootŭlĭphawŏl āpelejĭl tan āeelĭt, tanĭl lewĭhkwĕhla wŏbŭlŭlookāwa’kŭnŭk, toocheu’ oosahkĕlanea ābahseu.
4Ootehawŏl: Noodŭhkĕhkekāāmĭt, wŏŏt āpet kesewĭhkwĕhla wŏbŭlŭlookāwagŭn ĭkŏŏk; lĭmskooŏh ootapchelookan.
5Net Mooes tŭlĭtploomkoonoopŭn ŭtploodŭmooakŭn ĭkŏŏk nĭkt net ĕlāooltejĭk pŭnŏpskwahapŭnĭk’p: kānookŭloo kel kĕkw‐teetŭm?
6Wāje net etŭmootĭt ootookwĕtskoolawŏl, wetaman ooleënea’ch kĕkwsā’ wĕjekesĭmsehatĭt. Kānookŭloo Sāsoos chetooŏmkwĕsoo, ha ootŭlooĭgŭnĭlch āwĭkhegŭhtakw k’takŭmeegook.
7Ha ĕlĭnkooche‐pabĕhchematĭt pĕhkahkwe‐kapooĕsoo, ootĭha: Nŭt kelooow tan skat lakŭmĭksooagŭn āeekw, nŭt tŭmkāwā’ pŭnŏpskw tŭkŭmach!
8Toocheu’ apch Sāsoos chetooŏmkwĕsoo, ha āwĭkhegŭhtakw k’takŭmeegook.
9Ha nāgŭmow noodŭmootĭt ha wĕjeoonmăjĭt‐ploo’moot oomŭshŏŏnoo‐wawĭkooŏk, noote‐aba’sooŭk, ëankooche‐noote‐aba’sooŭk tan ĕlekŭtŭnhŭteetĭt; ha Sāsoos ŭnkekanŭkŭla, ha neaga āpet sĕhkĕ ābaseu’.
10Toocheu’ Sāsoos pĕhkahkwekapooĕssĭt, skatama wĕnĭl oonŭmehoweŭl tĕpŏŏk’t āpelejĭl; toocheu’ ootĭhal: Apet, tan ootŭlĕsoolte’nea wĕhkĕtkŭk mĕsĭmskŭbŭnĭk’? Skatama wĕn koonmăjĭtploomkŏŏ’?
11Apet eetŭm: Skatama wĕn, Sakŭm. Sāsoos ootĭhal: Nelna skat koonmăjĭtpŭloomŭloo. Machŭhŭ, ha moo sak apch patahwĕhkaseekŭch.
12Ha netwāje Sāsoos apch ookŭloo’lah pŭmowsoo’ĭnoo, eetŭm: Nel pŭsakwhĕkŭm ooskĭtkŭmĭkw. Nāgŭm tan noosŏŏkooĭt skat pŭmehāooch pĭskatĕk; kānookŭloo ooteĭnch pŭmowsooagŭnā’ pŭsakwhĕk.
13Netwāje Păloo’seŭk ootĭhawŏl: Kel knŭspeuwŏŏlamāoos: k’nŭspeuwŏŏlamāwagŭn skat ŭlāeu’.
14Sāsoos asedāmat ha ootĭha: Cheegow nel n’speuwŏŏlamāoosea’n nŭspeuwŏŏlămāwagŭn ŭlĭhĕ. Eebŭchŭl n’kŭjejĭhtoon wĕjehayanpŭn, ha tan ā’lehaë. Kānookŭloo kelooow’ skat ŭkŭjejĭhtoonea tan wĕjehayanpŭn, kŭsŭna tan ā’lehae.
15Kelooow’ wĕjĭtplootŭmooteĕkw ’mhŭkĕk; nel skat n’tŭpŭloomow wĕn:
16Ha tŭpŭlootŭmanŭp n’tŭplootŭmooagŭn oolamāweu’. Eebŭchŭl skat n’pĕskooweu’, kānookŭloo nel n’te ha neaga N’mĭhtakws tan pĕdŭkemĭtpŭn n’wĭjāakw.
17Ha ĕloowĭkhasoo ŭktŭpŭlootŭmooägŭnooŏk: Neesooŭk pŭmowsooenooŭk oonŭspeuwŏŏlamāwagŭnoowŏl ŭlĭhĕ.
18Nel nŭspeuwŏŏlămāoos’, ha neaga N’mĭhtakws tan pĕtŭkemĭtpŭn nŭspeŭwŏŏlamāwŭk’w.
19Netwāje ootehawŏl: K’mĭta’kws tama ëu? Sāsoos asedāmat: Kelooow’ skatama kŭjejeheepa nel kŭsŭna skat kŭjejehaweewâ N’mĭhtakws. Kŭjejeyĕkwsŭpŭn nel, kŭjejehawŏpŭnŭ N’mĭhtakws.
20Ha Sāsoos ĕtle‐eetŭkĭl neetŭl kĕkwsāăl manekwamŭk; ĕtlekĕhkeekĕmĭt k’chehemeāwĭgwamŭk; kānookŭloo skat wĕn ootakwoonoweŭl; eebŭchŭl ootĕbŭnaskooehagāwāăm māch mĕskw eegĕhāoo.
21Netwāje Sāsoos apch ootĭha: Nel n’machŭhŭ, ha kwelooeheba’ch, kānookŭloo ŭklakŭmĭksoo‐agŭnemĕhchĭn‐hŭteba’ch; tan tĕt ĕlehäe skatŭch’ kese‐petaba’sëoone’a.
22Netwāje Lĕsweesŭk eetŭmootoo’ŭk: Napŭhoosoo’ch? eebŭchŭl eetŭm, Tan tĕt ĕlehäe skatŭch’ kese‐petaba’seoone’a.
23Sāsoos ootĭha: Kelooow’ ŭktŭtlāowoolteba ĕmĕkāoo. Nel spŭmŭk n’tŭtlāow. Kelooow’ ooskĭt’kŭmĭkw ŭktŭtlāowoolteeba. Nel skat ooskĭt’kŭmĭkw ntŭtlāyaweu.
24Netwāje yŏŏhoo’lĕkw ŭklakŭmĭksooagŭne‐mĕhchĭn‐hŭteba’ch. Eebŭchŭl skat wŏŏlamsŭtŭmooā’kw nel nŭt, ŭklakŭmĭksooagŭnemĕhchĭnhŭteba’ch.
25Netwāje ootĭhawŏl: Wĕn ëa’ kel? Ha Sāsoos ootĭha: Net tan amskooŏs’ machahak’ yŏŏhoolĕkwpŭn.
26Uktana’gŭtool kĕkwsāăl āëanĭl ĕlâgŭnĭmlāgwĭl, ha ŭktŭbŭloo‐mŭlŭn’ea; kānookŭloo Nāgŭm tan pĕtŭkemĭtpŭn wĕlamāwa’gŭnĭt, ha tanĭl wĕje‐nootŭmanĭl oohŭhĕk, netŭl ĕtle‐eetŭmanĭl ooskĭt’kŭmĭkw.
27Nāgŭmow skat oonŭstŭmoonea ootăgŭnootŭmakoonea ooche Wĕgwŏŏselejĭl Nŭkskamŭl.
28Netwāje Sāsoos ootĭha: Tan toocheu’ kese oonagālāgooch pŭmowsooĭn Ookwŏŏsŭl kŭjejetoonea’ch nel nŭt, ha skat kĕkw noojekesātoo’ŭn nel n’hŭkĕk; kānookŭloo N’mĭhtakws ĕlkĕhkemĭtpŭn net ĕlāwĕstooanĭl yootŭl kĕkwsāăl.
29Ha Nāgŭm tan pĕtŭkemĭtpŭn nesāowteepŭn. Nel N’mĭhtakws skat nŭkŭlŭkoo n’kŏŏtŏŏkaeu’, eebŭchŭl mājemeu’ n’tŭlookanŭl tanĭl ĕllooletŭhatŭkĭl.
30Tan toocheu Sāsoos eetŭk yootŭl kĕkwsāăl ŭktanakwsooŭk wŏŏlâmsŭtŭmootooŭk oohŭkĕk.
31Nĕtwāje Sāsoos ootĭha Lĕswees tanĭhĭ woolâmsŭtŭmootelejĭhĭ oohŭkĕk: Kelooow’ n’kĕsoolteā’kw n’kŭlooswagŭn ĭkŏŏk, oolâmāwagŭn ĭkŏŏk kootŭkĕhkĭmkwŏŏs‐soolteba’ch n’hŭkĕk.
32Ha kŭjejetoonea’ch oolamāwagŭn, ha oolamāwagŭn ŭktŭlĕhlŭgoonea’ch ŭktŭpĕlmŭs‐oolteeba.
33Ootasedĕmawŏl: Neloon’ Ablaha’mk oonejan’, ha māch mĕskw nooje‐wĕhkanwŏŏltepŭn tan wĕn: kekwsā’ wĕje‐eetŭmŭn, Uktŭpĕlmŭsoolteba’ch?
34Sāsoos ootasedāma: Ulĭhĕ, ŭlĭhĕ, yŏŏhoolĕkw, m’seu’ wĕn tan lakŭmĭksooagŭn ĕlookĕt, net lakŭmĭksooagŭne‐nootlookĕt.
35Ha nŏŏtlookĕt skat eëu wĕnoochĭgwamŭk mājemeu’; kānookŭloo tan wĕn ookwŏŏsŭl mājemeu’ ënŭl.
36Netwāje Wĕmĭtakwsĭt ŭktŭpĕlmŭsooltenea’ch, koolămāwĭtpĕl‐ŭmŭsool‐teba’ch.
37Kŭjejehoolpa koodabĕkseepa Ablaha’mk; kānookŭloo ŭktŭkwāje‐nāāpeheepa, eebŭchŭl n’kŭlooswagŭn skat eëu ŭkhŭkāwŏk.
38Nooskoo‐oo’tŭmŭn tan kĕkwsā’ wĕjenŭmĭhetooŏnpŭn N’mĭhtakwsŭk; ha neaga kelooow’ nŭ k’tŭlātakhŭte’nea tan ele‐noodŭmĕkwpŭn k’mĭhtakwsooŏh.
39Asedĕmatĭt ha ootehawŏl: Neloon Ablaham n’mĭhtakwsŭn. Sāsoos ootĭha: Ablaham oomĭtakwsëĕk’w, Ablaham ootŭlookāwa’gŭnŭl k’tŭlookhŭteneapŭnĭlp.
40Kānookŭloo tŭkā’ch k’tŭkwājenāāpeheepa, ooskedap tan yŏŏhoolakwpŭn oolămāwagŭn. Ablaham skatama tŭlookownāweepŭn net.
41Kelooow’ k’tŭlookhŭte’nea k’mĭhtakwsooŏ ootŭlookāwa’gŭnŭl. Nāgŭmow yŭhaatĭt, oetehawŏl: Skat n’sĕkāweuh‐skejenoo‐oolteepŭn. Peskooweu’ n’mĭhtakwsŭn, Nŭkskam nŭt.
42Sāsoos ootĭha: Nŭkskam oomĭhtakwseĕkw kŭsĕlmepa’p. Eebŭchŭl nooje‐haapŭn Nukskam‐ooĭkŏŏk, ha n’pŭkŭchehaapŭn, ha nel skat n’pĕdŭkĭmseu, kānookŭloo Nŭkskam pĕdŭkemĭtpŭn.
43Kĕkw wāje skat n’sŭtŭmoo’ĕkw n’kŭlooswagŭn? eebŭchŭl skat k’noodŭmoonea tan n’teetŭm.
44Kelooow’ ŭktŭlāoolteeba k’mĭhtakwsooŏ’h mŭchŭha’nt‐ŏŏk’, ha neaga k’mĭhtakwsooŏk ootloogāwa’gŭnŭl koole‐tŭhadŭmŭn’ea k’tŭlātakhŭte’nea. Wĕchātakamŭk amskooŏsŭtā’ machŭha’k nāpatĕgāwenooewoos’, ha skatŭna mājemeëeu oolămā‐wa’gŭnŭk, eebŭchŭl oolămāwagŭn skat eëeu oohŭkĕk. Kĕlooskĭt oomŭshoonŭk oochekŭloosoo; eebŭchŭl wegekŭlooskoo ha nāgŭm oometakwsŭl kŭlooskooagŭn.
45Ha eebŭchŭl noolămāwĕst’, skat koolămsŭtŭweepa.
46Wĕnŭloo’ kelooow’ keseoolămĭhĭt n’patatagan? wŏŏlămāwĕstooŏn’, kĕkw wāje skat woolămsŭtoowewĕkw?
47Nāgŭm tan ĕtŭlāowĭt Nŭkskam oohŭkĕk, oojĭksŭtŭmŭnŭl Nŭkskamŭl ookŭlooswa’gŭnŭl. Netwāje kelooow’ skat wĕjejĭksŭtŭmoo‐teewĕkw, eebŭchŭl skat ŭktŭtlāowooltihpa Nŭkskam oohŭkĕk.
48Lĕsweesŭk asedāmatĭt ha ootehawŏl: Skat ëa’ noolëeetŭmoopŭn ŭksamāleakāoo, ha neaga ŭkte’uŏn mŭchŭha’nt ŭkhŭkĕk.
49Sāsoos asedāmat: Mŭchŭha’nt skat n’tëuaoo n’hŭkĕk; kānookŭloo n’kechetŭmetŭhama N’mĭhtakws, ha kelooow’ kŭnsketŭhameepa nel.
50Ha skat n’kwelooŏhtoo’ŭn nel n’kechetŭmetŭ‐hamkoosooagŭn. Kānookŭloo wĕn ëu tan kwelooŏhtakw, ha tan tĕbloo’mooĕt.
51Ulĭhĕ, ŭlĭhĕ, tan yŏŏhoolĕkw, tan wĕn kĕlnŭk n’kŭloosooagŭn, n’pooakŭn skatŭch oonŭmĭhtoo’ŭn mājemeu’.
52Lĕsweesŭk ootehawŏl: Tŭkāch’ n’kŭjejetoonā’n ŭkte’uŏn mŭchŭha’nt ŭkhŭkĕk. Ablaham mĕchenāāsŭb’ŭnŏk ha neaga nekanĭkchĭje‐takāweenook’, kānookŭloo kel ŭkteetŭm, Tan wĕn kĕlnŭk n’kŭlooswagŭn, skatŭch oomŭspŭtŭmooŭn n’pooakŭn mājemeu’.
53Kel ëa’ peāmekŭpmā’ skatŭk k’mĭhtakwsŭnoo Ablaham? tanŏk mĕchenĕtsŭbŭnŏk? ha neaga nekanĭkchĭjetakāwenŏŏk’ mĕchĭnhŭtĕtsŭb’ŭnĭk. Tan ëa’ kel ŭktŭlālŭsĭn?
54Sāsoos asedāmat, eetŭm: K’chetŭmetŭhamsean’, n’k’chetŭmetŭhamsoot’ skatŭch kĕkwsāaweu. N’mĭhtakws tan kechetŭmetŭhamĭt, tan kelooow’ eetŭmĕkw nāgŭm kŭnŭkskamooŏ.
55Ha kelooow’ skat kŭjejehaweewa; kānookŭloo nel n’kŭjejĭha. Etŭman’ skat n’kŭjejehaoo n’tŭlekŭloockape’hp stŭkā’ kelooow’. Kānookŭloo n’kŭjejĭha, ha ookŭlooswagŭn n’kŭlnŭm’ooŏn.
56Ablaham kŭmĭtakwsooaoo ooleduha’soobŭnŏk’ oonŭmĭhtoon n’keeskoom; ha oonŭmĭhtoonāāpŭn, ha oole’dŭhasoopŭn.
57Netwāje Lĕsweesŭk ootehawŏl: Kel māch mĕskw nanĭnsk kĕs’egŭtŭn’āoo, ha k’nŭmehasŭbŭnŏk’ Ablaham?
58Sāsoos ootĭha: Ulĭhĕ, ŭlĭhĕ, yŏŏhoolĕkw, mĕskw Ablaham āeekw nel n’te’.
59Netwāje nāgŭmow wĭl kwĕhtoo’neal pŭnŏpskool ootŭkŭma’nea. Kānookŭloo Sāsoos kalsoo, ha oochenootĕhĕ k’chehemeāwĭgwamŭk.
လက်ရှိရွေးချယ်ထားမှု
Wĭkheegŭn 8: PQM1870
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
First published by the British and Foreign Bible Society in 1870.
