'Olic 19
19
O Katadamaan no Nisanga'an no Kawas
O 'olic ni Tafiti. Mapatorod i kakridan no paradiway.
1Pasowal ko kakarakarayan to nika tadamaan no Kawas.
Mapalosiyang no tahaf no kakarayan ko nisanga'an Ningra.
2Pasowal to romi'ami'ad to dadayadaya a patnak,
3caay ka caciyaw, caay ka pasowal,
awaay ko soni, awaay ko ngiha' niira.
4Nikawrira, maldef i polong no tamdaw ko soni#19.4 soni -- o namo katlangay a tilid, to no Hipray a sowal i, o towaso sanay. nanira,
tangasa i tolas no kakarayan ko sowal nanira.
Sanga'en no Kawas ko talo'an no cidal i dohaw no kakarayan,
5matiya o masadakay nai kafoti'an a fa^lohay a fa'inay a romakat ko nika sadak no cidal,
matiya o cicdiay a tamdaw a lipahak a comikay ko nika sadak niira.
6Nanitira i fati'iyan no kakarayan a masadak ko cidal,
mitaliyok to kakarayan a tayra i roma a fati'iyan,
maldef no fa^det niira a matarang ko kalomaamaan.
O Rikec no Tapang
7O masongila'ay ko rikec no Tapang,
o sakafa^loh no 'orip no tamdaw,
o ma^dengay a tati'eren ko limo'ot no Tapang,
o sakacitaneng no mafokilay a tamdaw.
8O mo^celay ko limo'ot no Tapang,
o sakalipahak no mido^doay a tamdaw,
o so'linay ko sifana' no Tapang,
o sakata^ngad no mata no faloco' no tamdaw.
9O mangodoay to Tapang i, o makoracay a tahada'oc,
o so'linay ko niktonan no Tapang a dmak, o mo^celay a tahada'oc.
10Ikaka no tada^kim ko nika tadamaan niira,
ikaka no safangcalay a tada^kim ko nika fangcal niira,
ikaka no ko^sanay a waneng no 'odal,
ikaka no safangcalay a 'odal.
11Saka, onini a sowal Iso ko papina'onay to matayalay Iso a papi'imer,
ano ma'imer ko matayalay Iso, o mamarafiyas ko sakaci^poc.
12Cima ko ma^dengay a mipalita to patlac no tireng saw?
Nanay hpolen Iso ko caay ko nipadtengan ako a patlac.
13Nanay fo'oten Iso kako o matayalay Iso to saka^caaw paci^ci ako a ciraraw,
ta caay ka palit no raraw kako.
Ta o awaay ko tatoro'en a raraw a masongila'ay a tamdaw kako.
14 Tapangaw, o 'ongcoy ako, o pa'oripay takowanan.
Nanay o karahkeran Iso a milayap ko sowal ako ato harateng ako.
လက်ရှိရွေးချယ်ထားမှု
'Olic 19: AMIS2019
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© The Bible Society in Taiwan, 2019