Hogusra 1
1
1Jeg‐hojikerehieja Maura maxihoshuagre egi mara wagussana.
2Egi mara inke washanisha wogisognina egi manarna, egi hoshewenaka hokawasrogeja‐nankshana. Egi Maura Naxirag harnira ni hipara wangeja hoikara howena.
3Egi Maura wena: Hohaimbjena, egi hohambshana.
4Egi Maura hajarna hohambra phira. Egi Maura hohambra hokawasra kirujewahina.
5Egi Maura hohambra hambra higena, egi hokawasra hahera higena. Egi hoxjarnaishana egi hainisha de‐e hambjornira herena.
6Egi Maura wena: Kerajojimbjena nirogeja nira kiruje warnikjanena.
7Egi Maura kerajora una egi nira injab t’umbshana kerajo‐khuhainja herera egi nira injab t’umbshana kerajowangeja herera, egi shesgena.
8Egi Maura kerajora wangejaherera higena. Egi hoxjarnaishana egi hainisha de‐e hamb hinupahana.
9Egi Maura wena: Egi nira horeishankira stowire maxikhuhanegi herera, egi mowusra jantinkjena, egi shesgena.
10Egi Maura mowusra mara higena, egi ni stowaka tejara higena. Egi Maura hajarna phira.
11Egi Maura wena: Manaka xawi haxebjena egi xawiabxetera su haminag hirekjena, egi na has haminagra has haminag‐hirekjena, na jaguisha heregi, has shesge haminag‐hirekjena, sura e kik’uinekjena manegi herera, egi shesgena.
12Egi mara xawi haxebshana egi xawiabxetera haxebhirena sura kik’uinena, egi nara has haminaghirena sura e kik’uinena, na jagu hiregi has shesge haminag‐hirena. Egi Maura hajarna phira.
13Egi hoxjarnaishana egi hainisha de‐e hamb‐hidanihana.
14Egi Maura wena: Hohaimbjena kerajo wangregiagre, injaibjena hambra egi hahera, wijantinkjege egi mojakhiwera egi hambra egi maishara.
15Egi kerajo wangregiagre hohambra herekjena managre hohambhikjege, egi shesgena.
16Egi Maura hohambxetera nup una. Hohamb hiraijaira xetejega hambra hirukanana, egi hehamb worujisjega hahera hirukanana. Egi wiragoshgera hishge wauna.
17Egi Maura kerajo wangregiagre hohamb t’umbshana managre hohamb‐hikjege.
18Egi hambjane hirukanahina egi hahera hirukanahina, egi injab hohambra kerena egi hokawasra. Egi Maura hajarna phira.
19Egi hoxjarnaishana egi hainisha de‐e hamb‐hijopahana.
20Egi Maura wena: Nira wanoijge niambra rohaxji horniambre, egi ahuirassara managre wangra hotainekjena, wangregi kerajoagre khuhana hogokeja.
21Egi Maura wanoijge xete niejerera wagussana egi wanoijge niambra jarnaga hixgaxgankhi, nira hiwashishig hirena, hokirajra harnaj herena. Egi ahuirassara harnaj hokirajra jarnagagi harnaj herena. Egi Maura hajarna phira.
22Egi Maura hopi howe‐warogigu wena: Wojawire egi woroha harawire, egi hoixjiwine nira tejanegi, egi ahuirassara worohawine manegi.
23Egi hoxjarnaishana egi hainisha de‐e hamb‐hisajahana.
24Egi Maura wena: Managre wanoijge niamb horniaimbjena hokirajra, jera egi wikirira egi wanoijge manegi herera hokirajra, egi shesgena.
25Egi Maura wanoijge manegi herera wauna hokirajra, egi je hokirajra, egi wikiri manegi kikurutira hokirajra, egi Maura hajarna phira.
26Egi Maura wena: Wankshigra hisha hiunkjawina wang‐hoikawainkjawina, jawangasganagra shesgekjena. Egi tejainja honaka wawirukanakjena, egi ahuirassara wangeja unaka wawirukanakjena, egi jera wawirukanakjena, egi mara harnaj hirukanakjena, egi washara jarnaga kikurutiakhi ma‐hihageja kikurutinankhi wirukanakjena.
27Egi Maura wankshigra gussana, hoikawank‐khina, hoikawankshana Maura, wankshigra gussana, wangra egi hinugra wagussana.
28Egi Maura hophi howewarogigu, egi Maura wawagena: Wojawire egi woroha harawire, egi mara hoixjiwire, egi wanawine, egi tejainja hornanka wawishurukanakjanena, egi wangeja ahuirassananka wawishurukanakjanena, egi jarnaga washa niambra ma‐hihageja kikurutinanka wawishurukanakjanena.
29Egi Maura wena: Horuxujwire, jarnaga xawiabxetera su kik’unagra ma‐hihagregi‐nagre harnaj hornik’uwina, egi nara jarnaga has haminagankhi su ju‐nankhi, ne waraijanihawina.
30Egi jarnaga wanoijge mainja herera, egi jarnaga ahuirassa wangeja herera, egi jarnaga washara ma‐hihageja kikurutianka, jarnaga niamb‐ankhi, jarnaga xawiabjorakhi waruj wagarna. Egi shesgena.
31Egi Maura hajarna washara harnaj una, egi horuxujshana, mashja phina. Egi hoxjarnaishana egi hainisha de‐e hamb hirakewehana.
လက်ရှိရွေးချယ်ထားမှု
Hogusra 1: WIN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the American Bible Society in 1907.