Ratokenti 8atio 5
5
Ȣisk-haton nateioteriȣasonterakȣen.
1Ȣahattoke ne Iesos tsi kontiokoȣanen ronȣanon-teratio, onontoharako niiahare: nok oh iahatien, oksaok ȣathonȣatiataton ne raotiokȣa.
2Nok kenh nahaier tsi ȣasakorihonnien.
3Iakotaskat nʼiakonikonrenton: aseken akoȣonk no karonhiake.
4Iakotaskat no teionsenthos: aseken ontsionta-tenikonraieȣonthote.
5Iakotaskat nʼok tiiakaȣeron iaȣeronhatie; aseken akoȣonk enȣaton nonȣonlsia.
6Iakotaskat ne tkariȣaieri iontonkariakta oni iakoniatathata: aseken enhiontatatahten.
7Iakotaskat niakotaʼnitenraskon, aseken entsionta-titenre.
8Iakotaskat nʼiakaȣeriasiio: aseken onhonȣaken no Niio.
9Iakotaskat nʼiakoianerenseriio: aseken Niio sa koienhokonha enhiontatenatonkȣake.
10Iakotaskat no kariȣiioston mntatkenronseron-niatha: aseken akoȣenk no karonhiake.
11Enseȣataskat no katke kiok, niatekon enhietsii-enhaso, onhietsirenhiakento oni, nok oni nii akeriȣake niatokon enhietsiienimȣenta-nionhase.
12Seȣatsennonni oni soȣatonnharen, aseken koȣanen onseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.
13Ise ahoiotsis tsi ionȣentsiate; nok tanontokat enȣatasoko no teioiotsis, ohnahoten tentsie-iotsistarhote? neok ȣahi skasta nʼaste iaiakoti nok taionskȣaseronkȣate.
14Ise ahosȣathesera tsi ionȣentsiate: iahȣahi taonton aiotaseton nʼonontoharake kanatahere.
15Iah oni ȣahi okȣirokon tiieiehaserotha nahe-haseroten; iehaserotakȣake ȣahi enhienioten; nok akȣekon tenhiakosȣatheten ne kanonskon ieteron.
16Eh kati oni niso naseȣaier teietsisȣatheten ne seȣasȣathesera nonkȣeokon etho naontaȣe ahonȣanen-ton ne Etsiseȣaniha Karonhiake tenteron.
17Tosa seȣerhek skianerenserarisionhe kenh; iah: neh tanon nakierito tsinihotiiaton no Rotitokense-hakȣe.
18Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.
19Onka kiok, enskat oni ahariȣaiesate tsinikon ȣakȣarori, ethoʼkʼ oni nahaiere tsi asakorihonnien nonkȣeokon, neh raonhaa nenthosennaska nʼonen ienraȣe ne karonhiake; nok tanon nenthoriȣaieriton tsi ensakorionnienni enhasennanoronne ne karonhia-ke.
20Aseken ȣakȣarori, iah karonhiake teseȣetane ne iah senha tentiseȣariȣaiorike tsi niiot ne ratiiatons oni no pharisien.
21Seȣaribaronkas tsi ronȣatiroriskȣe ne seȣahsot-sera: Tosa ahorio nonkȣo; nok enhonȣariȣento nonkakiok enhataȣentho.
22Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhaso: iah tesanikonra, enhonȣariȣente tsi katsienhaien; nok nenhaȣenhaso; tesanonȣaraȣenrie, roreȣalatseraien nʼonesson ahonȣaiatonti.
23Tokat oni onen iahaseȣe tsinonȣe nitseȣenniios-tane ne Niio, eh aonsaseiarane tsi ronikonraksens ne tsiatatekenha ise sariȣake.
24Ok eh sati tsinahoten nhsaȣi, niare sasoniriȣa-seronni ne tsiatatekenha ethone tentese ienseriȣaie-rite oni.
25Tosa sanisko naonsaseriȣaseronni tsionnhe nas-enikonraksaton, aseken iotteron ne kariton iahonȣa-rihon, nok tehaiatoretha ia honsahorihon, nok iaie-sannhoton.
26Oriȣiio tsi konrori tsi ok enskarokten nonaken katakȣen ne kȣenis tentesiakenne neh nonȣo.
27Seȣaterientare tsini honȣatiriȣatati ne iestsiso-thokonkenha: Tosa satenakȣaiesat.
28Katon kati nii, ok satekariȣaneren neneok oni takonȣakanerake ne tsiothonȣisen nakonȣaskanek-sekʼe.
29Tokat tsi seȣeientetakon naskarati sariȣaionta-tenni, stako, ihnon oni iasati: aseken senha ioianere ne skati taonsaskaratake kuȣenniioki tosa tsiata-kȣekon Oneson aontetsirat.
30Tokat tsi seȣeientetakon nasenentsati sariȣaien-tatenni, itsiak ihnon oni iasati … aseken senha ioianere ne skati tasenentsontake tsiniiot no tsiatakȣekon asatetsirate.
31Sekon are oiah sonȣatirori: Tokat onkakiok enshateȣontete ne rone, raiatonseronkih ne tetsiontek-hasiata.
32Katon kati nii: Onkakiok enshateȣentetane no rone niah kentehsera tenhiostonthe, iatehaiati ki enhakaronni, nok onkakiok enshotiniake netho ionkȣe oiiȣiio tsi enhonnhike.
33Seȣariȣaronken oni tsi ronȣennenni no seȣa-tsotserakenha: Tosa tsesat Niio Raosenna; ensata-teȣennaierite tanon tsini sarharastston.
34Katon kati nii: Tosat seriȣanirat tsiokoni naontahiotieraton: iah oni tsi karonhiate, aseken Niio rahonistskȣara.
35Iah oni nonȣentsia; aseken ne konrasitokeȣata ne rahosita; Tosa oni Jerusalem; aseken Onontim-koȣa raotenata.
36Tosa oni seriȣanirastst no Sanontsino aontas-tako: aseken iah taskȣeni, nenskat oni asennratonni ok neʼsʼenʼsʼ ne kanonkȣiseraontsi.
37Neok tanon kenhak ne saȣenna: enh, enh, iah, iah; aseken nisinonh kariȣaksen.
38Seȣariȣaronkon oni tsi kaiaton, ȣaton: Okara iatenskene nʼokara, nok nʼonaȣira, onaȣira.
39Katon kati nii; Tosa seȣahtsent; ok eken tanon nonȣa, tokat tsi seȣeientotakon aiesaranonsaiake Senatonhas oni no skati.
40Tokat oni onka kiok enhiaiatonseron ne sakharo tahakanerake, iahatson kenikȣekonhak natiataȣi.
41Onka kiok aiatennekaronkȣen ahetsiatenrosen tsiniiore ne seȣateniententsera, asennon nʼiasohestst.
42Hehtson nʼiariȣanontonni, nok tosa hetsiataron-tiens ne ranihas.
43Seȣaterientare oni sekon tsi ronȣatirori: ens-hononȣehake akȣekon nonkȣe, nok tanon enshesȣen-seke tsiniiakon iesasȣens.
44Katon kati nii: Shenonȣehak ne iesasȣens, nok Teshenonȣeratonsek no iesakenronni, sheiaterasȣi-iosten ne iesakenronni, nok sheiaterennaiennihek no teiesonnharikhons oni iesakenrenseronnis.
45Aiaȣens iaontoriȣiheȣe ne tokensko etsiseȣa-ienha aonton ne Etsiseȣaniha Karonhiake tenteron: aseken iah tatehatihas, ok satesakosȣathetenni no ionkȣetakson tsiniiot ne tionkȣetaieri.
46Nahoten ensatonnrakȣate neneok ashenoronkȣa-ke ne iesanoronkȣa? iah oni kenh naha oh tehatiierha ne ionkȣotaksen okonha?
47Tokat nonȣa neok teseiarhoton ne tesatennon-tere, ohnahoten iesoheststa tsiniiot notiako? iah oni kenh neneh eh tehatiierha ne ionk-etaksen.
48Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.
လက်ရှိရွေးချယ်ထားမှု
Ratokenti 8atio 5: MOH1880
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the British and Foreign Bible Society in 1880.
