Juan 8
8
1A o Jesus llelotar po burdo e Maslinkengo, 2ta thiarinako rano pale irisailo kai o cher e Devleko. E llene avile lete ta vou besindo sikavela len.
3Ondaka e kovacha e zakonoke ta e fariseura ande lete iekhe diskinia kai maladea ando kurvaluko, ta thode la po maskaral katar sa e llene, 4ta phende leke:
Kovachi, maladam gale diskinia kana cherela o kurvaluko. 5Ando zakono, o Moises phenel amenge te mundara barrenchar gale diskinien. ¿A tu so phene?#Lv 20.10; Dt 22.22-24.
6Von phenena gava te zumaven le, te sai dosaren le. A o Jesus bangilo ta thodape te pisil pe phuv e naiea. 7Ta sar von puchena le but droma, ortosailo ta phenda lenge:
Te chudel o purvo barr ko tumendar ni cherda bilachipe.
8Ta pale bangilo ta i pale thoda te pisil pe phuv. 9Kana von asunde gava achardepe dosale ta thode te llantar iek pala iek, katar o mai purano llik kai o mai terno. Kana o Jesus dikhla kai achilo samo vou ta e diskinia kai achilia po maskaral, 10ortosailo ta puchla la:
Chei, ¿kai talen gola kai dosarena tut? ¿Niko ni dosarel tut?
11Voi phenda:
Ea Gazda niko ni dosarda man.
O Jesus phenda lake:
Ni me ni dosarav tut, llatar ta na cher ios o bilachipe.
O Jesus, o villelo e suetoko
12O Jesus pale dia orba e llenenge, ta phenda lenge:#Mt 5.14; Jn 9.5.
Me sem o villelo e suetoko. Ko pachal ande ma, ni ka llal ando truniariko ta ka avel le o villelo e zivotoko.
13Ondaka e fariseura phende leke:#Jn 5.31.
Tu de orba isto tutar: Gola orbe inai chache.
14O Jesus phenda lenge:
Te dav orbe chache isto me mandar, so phenav si o chachipe, soke llanav katar avilem ta i kai llav, a tumen ni llanen le. 15Tumen krisisaren sar krisisaren e manusa. Me ni krisisarav nika, 16a te krisisarava, mi kris si chachuni, soke inai sem korkorre, soke o Dad kai bichalda man, i vou krisisarel manchar. 17Ande tumaro zakono phenel kai dui llene te dena isto iek orba gua si chachipe. 18Isto me dav orba lachi me mandar, ta o Dad kai bichalda man, i vou del orba lachi mandar.
19Von puchle le:
¿Kai talo cho dad?
O Jesus phenda lenge:
Tumen ni pinllaren man, ta ni pinllaren me Dade. Te pinllardena man, pinllardena i me Dade.
20O Jesus phenda gala alava kana sikavela ando cher e Devleko kote kai guruvena e love kai dena e Devleke. Ta niko ni phangla le soke ni ios ni aviloa leko llive.
Kai me llau, tumen nasti llan
21O Jesus phenda lenge pale:
Me llautar, ta ka roden man, A ka meren ande tumaro bilachape, kote kai me llau tumen nasti llan.
22Ondaka e judiura thode te phenen:
¿So, ka mundarel isto vou pe, soke phenel: Kote kai me ka llau tumen nasti llan? 23O Jesus phenda lenge:
Tumen sen katar e phuv, me sem katar o miloso, tumen sen katar gava sueto, me ni sem katar gava sueto. 24Goleke phendem tumenge kai ka meren ande tumaro bilachipe. Soke te na pachana kai me sem, ande tumaro bilachipe ka meren.
25Ondaka puchle le:
¿Ko san tu?
O Jesus phenda:
Me sem so mai anglal phendem tumenge. 26Si man but ezgode te phenav ta te krisiu tumendar, a gua kai bichalda man phenel o chachipe, ta me so asundem letar, gua phenav e suetoke.
27Ta von ni acharde kai dela lenge orba katar po Dad. 28Goleke phenda lenge:
Kana ka vazden e Chave e Manuseke, ondaka ka acharen kai me sem, ta kai niso ni cherav me mandar, soke so sikada man o Dad gua phenav. 29Soke gua kai bichalda man si manchar. Mo Dad ni mukla man korkorre, soke me suako llive cherav so si leke drago.
30Kana o Jesus phenda gala ezgode, but llene pachaie ande le.
E chave e Devleke ta e esluge katar o bilachipe
31O Jesus phenda e judionenge kai pachaiea ande lete:
Te achena tumen ande mo alav, chache ka aven me disipulura. 32Ka pinllaren o chachipe, ta o chachipe ka braduil tumen.
33Von phende leke:#Mt 3.9; Lk 3.8.
Amen sam katar e vicha e Abraameki ta nikada ni sama sluge nikake. ¿Sar tu phene kai amen ka ava braduime?
34O Jesus phenda lenge:
Chachimaia phenav tumenge kai kogo cherel bilachipe, si esluga katar o bilachipe. 35Iek sluga ni achel ostade ande iek familia. A o chavo achel ostade ande familia. 36Goleke, te braduila tumen o Chavo, tumen ka aven de istina braduime.#Gl 5.1,13. 37Llanav kai tumen sen katar e vicha e Abraameki, a tumen mangen te mundaren man soke tumen ni pachaien ande me alava. 38Me phenav so dikhlem pasa mo Dad. Isto gia, tumen phenen so asunden pasa tumaro dad.
39Von phende leke:
¡Amaro dad si o Abraam!
O Jesus phenda lenge:
Te avilena tumen chave e Abraameke, cherdena so cherda o Abraam. 40A akana mangen te mundaren man kana me phendem tumenge o chachipe kai sikada man o Del. ¡O Abraam nikada ni cherda iek ezgoda gia! 41Tumen cheren e buchi tumare dadeki.
Von phende leke:
¡Amen ni biandilam katar o kurvaluko; Iek Dad si amen, o Del!
42O Jesus phenda lenge:
Te aviloa tumaro dad o Del, tumen volisardena man, soke me avilem e Devletar. Ni avilem me mandar, o Del bichalda man. 43¿Soke ni acharen so phenav tumenge? Soke tumen nasti asunen me alava. 44Tumaro dad si o llavolo, ta so si leke drago gua si so tumen mangen te cheren. O llavolo suako llive mundarda, ta ni achilo ando chachipe, ta nikada ni phenel o chachipe ta kana kojavel del orba prema so si vou soke si iek kojamno ta vou si o dad katar o kojaipe. 45A me kai phenav o chachipe, tumen ni pachan. 46¿Ko tumendar sai phenel savo bilachipe cherav? A te phenava o chachipe ¿soke tumen ni pachan man? 47Ko si e Devleko, asunel e Devleke alava, goleke tumen ni kamen te asunen len soke ni sen e Devleke.
O Kristo saia mai anglal neko o Abraam
48Ondaka e judiura phende e Jesuseke:
Amen phendam sukar kai tu san samaritano, ta kai iek llavolo si ande tute.
49O Jesus phenda lenge:
Ande mande inai o llavolo. Me dav liubao me Dade. A tumen ni den man liubao. 50Me ni rodau te den orba lachi mandar e llene. O Del si gua kai mangel le gia, a vou si gua kai krisil. 51Chachimaia phenav tumenge, kai ko kandela mo alav, ni ka merel.
52E judiura phende leke:
Akana llana kai o llavolo si ande tute. O Abraam ta sa e poraukura mule, a tu phene: Kogo kandel mo alav ni ka merel. 53¿So san tu mai baro neko amaro dad o Abraam? Vou mulo ta i e poraukura mule. ¿Ko misli kai san tu? 54O Jesus phenda:
Te dav orba lachi isto me mandar, gua ni mol mange niso. Mo Dad si kai del orba lachi mandar, isto gua kai tumen phenen kai si tumaro Del. 55A tumen ni pinllaren le. Me pinllarav le. A te phenava kai ni pinllarav le, avilema kojamno sargo tumen. A me pinllarav le ta kandau leko alav. 56O Abraam tumaro dad, veselisailo soke saia te dikhel mo llive, ta dikhla le ta veselisailo.
57E judiura phende e Jesuseke:
Ni ios inai chuke ni pinda burs, ¿ta phene kai dikhlan e Abraame?
58O Jesus phenda lenge:#Ek 3.14; Jn 8.24; 10.30-33; 13.19.
Chachimaia phenav tumenge, kai me sem mai anglal neko o Abraam.
59Ondaka lie peke barra te chuden ande lete, a o Jesus gurudilo ta likisto katar o cher e Devleko.
လက်ရှိရွေးချယ်ထားမှု
Juan 8: BACHRO
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Biblia ande chib Romani © Sociedad Bíblica Chilena, 2018.
