Matéus 1
1
Ndándó nyí Yésus
(Lúk 3.23-38)
1Kálati ɛ ŋga táa ndándó nyí Yésus Kilístus, mɔɔ́n Dávid, mɔɔ́n Áblaháam nyí. 2Áblaháam nɛ́ a byáláá Ísaak,
Ísaak ɔ byál Yákob,
Yákob ɔ byál Yúda la elōgnyāŋ,
3Yúda ɔ byál mímbyáh Fálɛs la Zála; nyaŋɛ́ wāɓá a ɓɛ́ɛ́ nɛ́ Tamáal,
Fálɛs ɔ byál Éslom,
Éslom ɔ byál Álam,
4Álam ɔ byál Aminádab,
Aminádab ɔ byál Naásɔn,
Naásɔn ɔ byál Sálmon,
5Sálmon ɔ byál Bóoz; nyaŋɛ́ á Bóoz a ɓɛ́ɛ́ nɛ́ Láhab,
Bóoz ɔ byál Yóbɛd; nyaŋɛ́ a Yóbɛd a ɓɛ́ɛ́ nɛ́ Lūt,
Yóbɛd ɔ byál Yése,
6Yése ɔ byál Káísa Dávid.
Dávid ɔ byál Salómo, nyaŋɛ́ a Salómo a ɓɛ́ɛ́ ja ŋ̀gáá á Úli,
7Salómo ɔ byál Lobóam,
Lobóam ɔ byál Ábia,
Ábia ɔ byál Ása,
8Ása ɔ byál Yósáfat,
Yosáfat ɔ byál Yólam,
Yólam ɔ byál Ósias,
9Ósias ɔ byál Yóātam,
Yoátam ɔ byál Ákaz,
Ákaz ɔ byál Ezékias,
10Ezékias ɔ byál Manáse,
Manáse ɔ byál Ámon,
Ámon ɔ byál Yósias,
11Yósias ɔ byál Yekónias la elōgnyāŋ;
Múŋ á yéŋ eceg nɛ́ bí ómóó ɓot bí Íslāɛl bísɛ á ǹsɛm á Bábílon.
12Ámbúh mikɛ máɓá á ǹsɛm á Bábílon,
Yekónias ɔ byál Salátiɛl,
Salátiɛl ɔ byál Zolobábɛl,
13Zolobábɛl ɔ byál Abiúud,
Abiúud ɔ byál Eliákim,
Eliákim ɔ byál Ázɔl,
14Ázɔl ɔ byál Sádɔk,
Sádɔk ɔ byál Ákim,
Ákim ɔ byál Eliūd,
15Eliūd ɔ byál Eleazáal,
Eleazáal ɔ byál Mátan,
Mátan ɔ byál Yákob,
16Yákob ɔ byál Yósɛp, nlóm á Mālía,
Malía nɛ́ a byáláá Yésus nyɔ́ bí ŋga yáŋa nɛ́ Nyɔ́-a-Pɔ́hlɛ.
17Nsɔŋgí ásɛ a lɛ́ hɔ́ jā jóom lí nyɔŋɔn la ɛ́náa li ɓotle á Áblaháam nɛ́-tɛ́ɛ la á Dávid, jóom la ɛ́náa ki li ɓotle á Dávid nɛ́-tɛ́ɛ la á míkɛ máɓá á ǹsɛm á Bábílon; jóom lí nyɔ́ŋɔn la ɛ́náa sīg-pɛ li ɓotle á ǹsɛm á Bábílon nɛ́-tɛ́ɛ la á líbyáa lí Nyɔ́-a-Pɔ́hlɛ.
Libyáa lí Yésus
18Libyáa lí Yésus Kilístus lí sɔ́ɔ́ jā nɛ́; nyaŋɛ́ Mālía, a kuhúú évān nɛ Yósɛp. Ndí, sɔ́kágánɛ́ bí ŋgí tɔɔ ndáá ya, Malía ɔ nyɔ̄ŋ líbum la ŋguu nyí M̀búl Mpúán. 19Nlóm wɛ́ɛ̄ Yósɛp a ɓɛ́ɛ́ mut a tɛ́ɛ́ sim, la náŋ, a ŋgí somo ɓé nyɛ li yɛ́lɛ ɔ́sū ví ɓot bísɛ, la nyɛ́ ɔ nyɔ̄ŋ bísúghɛ́nɛ́ nɛ ag ɓáglan la nyɛ́ á nsɔlɓɛ́. 20Ɛnɛ́ a manáá lí veg lí nyíŋ peg, áŋgɛl nyí Nyɔ́ŋ-Ɛsáŋɛ́ yu pámlé nyɛ á élɛɛ́lɛm, yu yó nyɛ nɛ́: «Á Yósɛp, mɔɔ́n Dávid, ɔh kɔnɔ́g ɓé woŋ li nyɔŋ lí ŋ̀gáá wɔ́ɔ Malía á yóg yɔ́ɔ; átɔm nɛ́ a nyɔ̄ŋ já líbum la ŋguu nyí M̀búl Mpúán. 21Ag kɛ li byál lí mɔ́ɔ̄n-á-páam, nyɔ́ ɔ ŋgɔ kɛ̄ li lo lí jóō nɛ́ Yésus, ányúū nɛ nyɛ́ nɛ́ a ŋga kɛ́ li suŋ lí lílōm jɛ́ɛ́ á míɓē.» 22Míŋ mam mísɛ má ɓɔŋɓɛ á li somo nɛ́ yé ɛ́sɛ Nyɔ́ŋ-Ɛsáŋɛ́ a pɔ́t, li kele la ányu á m̀pɔ́tle-a-Ɔlolómɛ̄ ɛ́ yáal. 23«Ŋgɔn kɔ́njí ɛg kɛ li nyɔŋ lí líbum, ɛ byál mɔɔ́n-á-páam nyɔ́ bí ŋga kɛ́ li lo lí jóō nɛ́ Emánuɛl, náŋ ag mínɛ nɛ́: Ɔlolómɛ̄ a lɛ lá ɓɛ́hɛ.» 24Ɛnɛ́ Yósɛp a vɛ́ɛɓe, ɔ ɓɔ̄ŋ yé áŋgɛl nyí Nyɔ́ŋ-Ɛsáŋɛ́ ya máŋlɛ́ nyɛ; ɔ nyɔ̄ŋ ŋ̀gáá wɛ́ɛ̄ á yóg yɛ́ɛ̄. 25Ndí āh nānte ɓé lā nyɛ́ nɛ́ tɛ́ɛ nyɔ́ŋ ɔ byál mɔ́ɔ̄n wɛ́ɛ̄ á páam, nyɔ́ Yósɛp a lóō jóō nɛ́ Yésus.
လက်ရှိရွေးချယ်ထားမှု
Matéus 1: NTB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2023, CABTAL
