Yɔn 1

Vom yelehum la

1Pi'ileŋo puan na la, ti se'em en de Yelehum#1.1 YELEHUM: Yelehum la en de vom zi'an. la pun bɔna mɛ. Yelehum wa boi mɛ la Yinɛ, gee ti Yelehum wa dɛna Yinɛ. 2Yelehum buna wa boi mɛ la Yinɛ pi'ileŋo puan na. 3Sɛla woo en boi wa, naam doohe la eŋa puan. Han dagi eŋa puan, zugɔ la ayima me ka boi sɛla woo en boi wa puan, wan boni. 4Eŋa puan ti vom bɔna, vom buna wa en de niihum bo' timpaberɛ wa nɛreba za'a. 5Niihum wa niiri baha la lika la puan, ti lika la kan ta'am lile bɔ.

6 # Mat 3.1; Mak 1.4; Luk 3.1-2 Buraa kayima ti Yinɛ daa tum ka, ti ka yu'urɛ yi'ira Yɔn. 7Buraa kana wa wa'am na dɛna la Aze'nyɛ daana, ti a dɛna aze'nyɛ daana bo' niihum la, ti nɛra woo doohe eŋa puan sakɛ. 8Yɔn mɛŋa yuum dagi niihum la, gee wa'am na ti a dɛna la aze'nyɛ daana bo' niihum la. 9Yelemɛŋerɛ niihum la en niiri bɔ'ɔra nɛra woo la en ye' timpaberɛ wa zuo na.

10A pun bɔna timpaberɛ wa zuo mɛ na, ti timpaberɛ wa naam doohe la eŋa puan. Gee la bala za'a, timpaberɛ wa zuo nɛreba ka mi' en. 11A wa'am la sɛla en de a mɛŋa bunɔ puan na, gee a mɛŋa nɛreba la ka to'e en. 12Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma. 13Bama sɛba dɔgum en yeen dagena ziim en lagum taaba dɔgum, bii inganɛ boolum, bii asaala suboolum puan, gee Yinɛ suboolum puan.

14Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ. 15Yɔn en yuum tɔgeri Yelehum wa yele la, a yuum kaahɛ bahɛ me na la kɔkɛ'ɛŋa yeti, “Ena en bala ti mam tɔgɛ a yele yeti, ‘Nɛra ayima n boi mam pooren, gee gana mam, se'ere en sɔi la, a pun bɔna mɛ na gee ti mam nyaa wa'am na.’ ” 16Eŋa en seke paaɛ paaɛ la, nɛra woo wan nyɛ zu'uhegɔ, malum nyɛ zu'uhegɔ. 17La de asira ti Ze'elego la doohe la Moose puan na, gee zu'uhegɔ, la yelemɛŋerɛ ze'eti la Yezu Kiresta puan na. 18Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Yɔn en tɔgɛ Yezu yele se'em

(Matu 3.1-12; Maki 1.1-8; Luki 3.1-18)

19Yɔn en yele se'ere en iŋɛ n ŋwana, Yuuduma la en tum malema duma la Levi duma ze'ele Yerusalɛm na ti ba soke en yeti, “Fum dela ani la?” 20Yɔn yele ba mɛ, ka zagehɛ, gee kɔ'ɔm yele ba yelemɛŋerɛ yeti, “Mam dagi Kiresta la.”#1.20 KIRESTA: De vuurɛ dela, Se'em ti Yinɛ looe la. 21#Tii 18.15; Mal 4.5 Ti ba soke en yeti, “Gee fum nyaa dela ani? Fum dela Elia?” Ti a lerege ba yeti, “Aayi mam dagi.” “Gee fum dela nɔtɔgeha?” Ti a yeti, “Aayi.” 22Ti ba soke en yeti, “Gee fum dela ani?” Lerege tɔ se'ere ti tu tari lebe ta bo' sɛba en tum tu na la. Fum mɛŋa ti'ihɛ ti fum dela ani? 23#Aza 40.3 Ti a yele ba yeti,

“Mam dela kua sɛka en boi kpaahenɛ puan kaahera baha na yeti,

‘Maalɛ ya Daana la sore la tuuntɔɔ,’ ”

wuu nɔtɔgeha Azaaya en purɛ se'em la. 24Farasiiduma la en tum nɛreba wa na. 25Bala ti ba le soke Yɔn yeti, “Gee beni ti fum sɔɔra nɛreba wa ko'om gee dagena Kiresta la, bii Elia, bii nɔtɔgeha?” 26Ti Yɔn lerege ba yeti, “Mam sɔɔri mɛ la ko'om wa. Gee ya puan, nɛra ayima boi la ya ti ya ka mina en, 27#Yɔn 1.15 se'em en wan wa'am mam pooren na la. Mam pɔ'ɛ mɛ ti n lorege a tagera.” 28Yele dina wa iŋɛ la Bɛtani timpaberɛ, Yɔɔdan kulaa la yakenɛ ha ti Yɔn bɔ'ɔra nɛreba ko'om sua la.

Yinɛ Pebila la

29Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la! 30Eŋa en bala ti mam wa yɛta a yele yeti, ‘Nɛra ayima en dole mam pooren, gee gana mam, se'ere en sɔi la, a pun bɔna mɛ na, gee bo' mam la.’ 31Mam mɛŋa ka mi' en, gee mam wa'am na bɔ'ɔra ko'omsua wa la dela, n niiɛ en pa'alɛ Iziraleduma wa.” 32Ti Yɔn yele pa'ahɛ yeti, “Mam nyɛ mɛ ti Fa'a Sia la ana wuu dayene la, ze'ele saazuo ha sigera na, wa yagelɛ a zuo. 33Mam mɛŋa la ka mi' en, gee se'em en tum mam na ti n bo' nɛreba ko'omsua la en yele mam yeti, ‘Se'em ti fum nyɛ ti Fa'a Sia la sige na yagelɛ a zuo la, eŋa en de se'em n sɔɔri nɛreba la Fa'a Sia la.’ 34Mam mɛŋa nini en nyɛ, gee ti n yɛta ya wa, ti eŋa en de Yinɛ dayua la.”

Yezu yia zahera

35Ti yiimbeere, ti Yɔn le zɛ'a la a zahereba bayi', 36a yeti a bihɛ, ti Yezu en bala dɔla tɔla, ti a muulɛ la kɔkɛ'ɛŋa yeti, “Bihɛ ya, Yinɛ pebila la en wa'am na.” 37Ti zahereba bayi' wa en wum ŋwana la, ihege doohe Yezu poore. 38Yezu en ŋmɛregɛ nyɛ ti ba dole a poore la, ti a soke ba yeti, “Ya boti la bem?” Ti ba lerege en yeti, “Rabi” (de vuurɛ dela Pa'ala), “Fum ki'ire la bɛ?” 39Ti Yezu lerege ba yeti, “Wa'am ya na baŋɛ mam ki'ire zi'an.” Ti ba doohe en ta baŋɛ en ki'ire zi'an la, bɔna la en dabeherɛ la za'a. Ŋwana wa iŋɛ la gogo anaahi zaanuurɛ bɔba. 40Ba bayi' la en wum ti Yɔn tɔgɛ, ti ba doohe Yezu la, ba ayima dela Anduru, Simɔn Pita suuɔ. 41Eŋa en ta nyɛ se'em yia dela a suuɔ Simɔn, yele en yeti, “Tumam nyɛ Mɛzaaya#1.41 MƐZAAYA: Mɛzaaya la Kiresta dela yu'yinɛ. la” (se'em ti ba lerege yeti, se’em ti ba bi'ihɛ la). 42Ti a tari Simɔn wa'am Yezu nɛŋan na, ti Yezu bihɛ Simɔn zii, gee yele en yeti, “Fum yu'urɛ yi'iri la Simɔn, fum dela Yɔn dayua. Fum yu'urɛ nyaa wan yi'ira la Sefase” (de vuurɛ dela Pita).

Yezu yi' Filipi la Nataniyɛl

43Ti yiimbeere ti Yezu iŋɛ a puti'irɛ ti a kiŋɛ Galilii. Nyaa ta nyɛ Filipi yele en yeti, “Dɔla mam.” 44Filipi yehe la Bɛtesaada, tinkãtɛ sɛka ti Anduru la Pita yehe na la. 45Ti Filipi nyɛ Nataniyɛl, yele en yeti, “Tumam nyɛ se'em ti Moose tɔgɛ a yele pa'alegɔ gɔŋɔ la la nɔtɔgeheba gulehɛ a yele yeti, a dela Yezu, dɛna Yosefe dayua yehe Nazareti na la.” 46Ti Nataniyɛl soke Filipi yeti, “Bunsula boi wan ta'am yehe Nazareti na?” Ti Filipi yele en yeti, “Wa'ana ti fum nini nyɛ.” 47Yezu en nyɛ ti Nataniyɛl kini tɔɔra en na la, a yele en yeti, “Fum ka nyɛ, Izirale buuri paaɛ paaɛ n ŋwana, ti ŋmɛlema ka bɔna a puan.” 48Ti Nataniyɛl soke Yezu yeti, “Fum mi' mam la bɛha?” Ti Yezu lerege en yeti, “Mam nyɛ fum la se'em ma'a ti fum zi'a kinkaŋa la timpaberɛ gee ti Filipi wa'am na yi' fum la.” 49Ti Nataniyɛl lerege en yeti, “Rabi fum sirum dela Yinɛ dayua la. Fum en de Izirale naba la.” 50Ti Yezu soke en yeti, “Fum nyaa nam mɛ la mam yele fum ti mam nyɛ hɔ kinkaŋa timpaberɛ la zuo? Fum wan nyɛ yelekãra en gani ŋwana.” 51#Pi'il 28.12 Gee yele en yeti, “N yeti fum la yelemɛŋerɛ wa, ti fum nini wan ta nyɛ ti saazuo ha yu'ɛ, ti Yinɛ suŋereba sigera mam Asaala Dayua wa zi'an na, gee lɛbera zɔna.”

လက်ရှိရွေးချယ်ထားမှု

Yɔn 1: GBTP

အရောင်မှတ်ချက်

မျှဝေရန်

ကူးယူ