मत्ती इआ किताब के परिचय
इआ किताब के परिचय
मत्ती के लिखी खुसी के खबर माहीं इआ बताबा ग हय, कि केबल यीसु मसीहय, उआ मुक्ती देंइ बाले आहीं, जिनखे पइदा होंइ के बारे माहीं भबिस्यबानी कीन गे रही हय। अउर पबित्र सास्त्र माहीं जउन वादा परमातिमा, हजारन बरिस पहिले अपने चुने मनइन से किहिन रहा हय। ओही उँइन मुक्ती देंइ बाले अरथात यीसु मसीह के व्दारा पूर किहिन हीं। अउर इआ खुसी के खबर केबल यहूदी लोगन भर के खातिर न होय, जिनखे बीच माहीं यीसु मसीह पइदा भें तय, अउर पाले पोसे गें तय, बलकिन इआ खुसी के खबर संसार के सगले मनइन के खातिर आय।
मत्ती के लिखी खुसी के खबर बड़ी सावधानी पूर्बक लिखी गे ही। एखर सुरुआत यीसु मसीह के जनम के बारे माहीं जानकारी से होत ही, अउर ओखे बाद यीसु के बपतिस्मा, अउर परिच्छा के बारे माहीं बताबा ग हय, अउर ओखे बाद गलील प्रदेस माहीं प्रचार करब, सिच्छा देब, अउर बिमारन काहीं नीक करँइ के बारे माहीं बताबा ग हय। एखे बाद इआ खुसी के खबर माहीं, यीसु के गलील प्रदेस से लइके यरूसलेम सहर तक के यात्रा के बारे माहीं, अउर यीसु मसीह के जीबन के आखिरी दिनन के घटनन के बारे माहीं बताबा ग हय, इआ खुसी के खबर के अन्त माहीं, यीसु काहीं क्रूस माहीं चढ़ाए जाँइ, अउर मरेन म से दुसराय जिन्दा होंइ के बारे माहीं बताबा ग हय।
अपना पंचन से इआ बिनती हय, कि इआ खुसी के खबर काहीं बड़े ध्यान से पढ़ी, अउर एहिन के मुताबिक जीबन बिताई, त अपना पंचन काहीं परमातिमा से खुब आसीस मिली।
रूप-रेखा :
बंसाबली अउर यीसु मसीह के जनम 1:1—2:23
यूहन्ना बपतिस्मा देंइ बाले के सेबा के काम 3:1-12
यीसु के बपतिस्मा अउर परिच्छा 3:13—4:11
गलील प्रदेस माहीं यीसु के सेबा के काम 4:12—18:25
गलील प्रदेस से यरूसलेम सहर तक यीसु के यात्रा 19:1—20:34
यरूसलेम सहर माहीं अन्तिम हप्ता 21:1—27:66
प्रभू यीसु के मरेन म से जिन्दा होब अउर चेलन काहीं देखाई देब 28:1-20
လက်ရှိရွေးချယ်ထားမှု
मत्ती इआ किताब के परिचय: bag
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. All rights reserved.