Yeso‑ka yo‑yose mai tamine 20
20
Masedoni, Kereko mai tabori na‑ya Baoro tokane
1Mai ibi weeni hawa toha, Yeso ati‑ya mai no‑nofa Baoro ati ene mai yorotokana, mai‑ya hiyarane. Baoro ati ene mai ya‑yaina, hiyari hawa tohe,
“Okomini.” Ati ne.
Masedoni‑kaya tokomane.
2Masedoni‑kaya kobone, yakane, mai nafi‑ya hiyare, ati ene mai ya‑yaina, makobote Kereko mai tabori‑ya tokawahane.
3Abariko fama, abariko oharimaki ne‑ya Kereko mai tabori‑ya Baoro wine, makobote Siriya‑ya tokebona, maboro‑ya foyebona, Yodeo mai tamine‑ya mitane. Baoro‑ya mai nabohabone mai ati na, maboro‑ya foyare, Masedoni‑kaya winitoname, hawi‑ya tokomane.
4I‑di Baoro tokeya, mai sawe, i‑di Biro bidi Sobado Bereya‑ke sawi, Tesaronika‑ke i‑di Aritako, i‑di Sekodo mai fama, Derebi‑ke i‑di Kayo ohari, Asiya‑ke i‑di Timoti, i‑di Tikiko, i‑di Tirofimo mai na, mai sawi neni.
5 # 20:5 Roka i‑di Baoro‑ya sawitase Mai dai toha, Baoro oda yota, Torowadi‑ya oda‑ya mai nimanani.
6Firibo‑ya oda marina, baho kita kabi oda hawa toha, maboro‑ya oda foya, oda towaka, oda amoni ai yehe kahare‑nima na‑ya, Torowadi‑ya oda kobokana, oda fidotona, mai tabori‑ya oda kobona, Torowadi‑ya oda amona, oda amoni 7 toha.
Eotiko tamine
7Domiko yama soki bide‑ya oda tafabone, oda yorotokana, oda tafi hawa toha, oda‑ya Baoro hiyarane. Mahi owa‑ya oda tokabone, oda‑ya hiyarama, oda‑ya hiyarama, yama soki bai‑ya oda‑ya hiyaramatasa nane.
8Yobe nemehe‑ya oda yorotokana, nabarina dama‑ya mai botonabineni.
9Yobe fowari‑ka hodi waanaya, yetene i‑di Eotiko itarine. Baoro ati faware ene i‑di Eotiko amone, neme‑ya itari sone, abe, abo mai hidi abo forine.
10Baoro kisamaki, yetene abe, abo‑ya Baoro wate,
“Sibarebane, hasinane.” Ati nemarine.
Yetene kitamane.
11Baoro tokomisamatase, oda eyehe tafamatase, oda‑ya hiyaramatase, yama wahi‑ya ati fawane tokawahane.
12I‑di Eotiko kitame, hini tabaro‑ya mai‑ya towakame, mai nafi ya‑yainamoneni.
13Oda dai toha, maboro‑ya oda foyama, Asoso‑ya oda towakabone, Baoro oda‑ya yose, hawi‑ya tokomakine, Asoso‑ya oda‑ya kobonebonaha.
14Asoso‑ya oda‑ya Baoro kobone, maboro‑ya foyame Mitireni‑kaya oda towakawaha,
15Mitireni‑ya oda kobona, oda towakatasa, mahi owa‑ya Kio‑ya oda fiyakana, Samoso‑ya oda kobokana, oda towakatasa, mahi owa‑ya Mireto‑ya oda kobokatasa,
16Efesiyo‑ya Baoro ati tokare,
“Asiya‑ya ai nahoriyahi. Yerosare‑kaya ai towakahi. Benekosi‑ka marina koboniya, Yerosare‑ya ai nahaba awineni.” Ati nane.
Efesiyo‑ka mai‑ya Baoro hiyarane.
17Mireto‑ya oda wina, Efesiyo‑ka mai‑ka yama hani‑bone‑ya Baoro kanahano,
“Yeso‑ka bote dai toha, Mireto‑ya dai kamakiyahi.” Baoro‑ka yama hani ati nineni.
18Mai kobona, mai‑ya Baoro hiyare,
“Hibati‑ya dai tabaro‑ya kobo·ona, owina, owa ene dai awamaroni.
19Deoso ati dai‑ya okamina, owa‑ya okahiyaraterani. Mai atibodi koma, mai eyehe ohi·ona, Yodeo owa‑ya mai kaka, owa‑ya mai nakomamaroni.
20Deoso ati‑ya dai ohiyara, dai okanawata, dai okasoma, onamaroni. Dai yo‑yorotokana‑kaya dai ohiyara, dai tabaro‑ya ohiyara onamaroni.
21Yodeo dai one toha, Kereko dai one toha na, dai nafi ohiyara,
‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.
22Yerosare‑ya okabone, owatibodi ati ene tohi awirini. Deoso‑ka Doni ati ene Yerosare‑ya okaboneni. Kobo·oniya, owa‑ya mai ni‑bone‑ka yama owato awirini.
23Ai tabaro dami‑ya Deoso‑ka Doni ati ene‑mona owa‑ya mai hiyarateni.
‘Yerosare‑ya tikiya, kadeya‑ya tiwa‑ya mai nafoyiya, tiwa‑ya mai bisinaboneni.’ Mai ati teni.
24O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.
25Hibati‑ya Deoso ai nafi‑ka Hidi‑bona dai nafi‑ya ohiyaramaro, okomiya, owa dai awamateraboneni.
26Owati dai mitahi. Deoso ati dai nofara‑mani, owa ene tohi awira neni.
27Deoso tamine nafi‑ya dai‑ya ohiyara, owati fawaterani.
28Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.
29Owa nowati‑kaya mai one mai kamake, dai‑ya keyehe‑ya mai hirikanaboneni. Yomahi yama‑ke ene‑nima mai ihi naboneni. Yeso‑ka mai‑ya mai nokotonihebone, Satanasi ati‑ya mai tokadababonehe.
30Makobote dai owa hini‑ya kahiyarebona, Deoso‑ka‑mona hini‑ya ati tonihi, Yeso‑ka mai hikahiyarebonaha.
31Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni.
‘Dai noko wadahi.’ Ona, dai tabiyo ohi·onamaroni.
32Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.
33Dai‑ya osawe, dai‑ka yinero, dai‑ka barata, dai‑ka oro, dai‑ka bora na‑ya okayaterani.
34Owa yehe‑ya yama wama·obisa, oda‑ka yinero‑bona okanika, oda‑ka yama‑bone okanika, manakone onahabamaro, oka manakone dai nanahabatera dai watoneni.
35Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi.
‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.
36Baoro ati fawaneya, mai nafi yobati‑kaya naha, Deoso‑ya mai hiyarineni.
37Deoso‑ya mai hiyari hawa toha, Baoro tokebona ati ne, ene mai ohinawahani. Baoro‑ya mai nofa, Baoro tokebonaya, mai nafi watawahineni.
38“Owa‑ya dai awamateraboneni.” Baoro ati ne,
ati ene mai atibodi koma, maboro‑ya foyebona, tokeya, mai tokomakineni, fai foyi‑ya mai awabonehe.
လက်ရှိရွေးချယ်ထားမှု
Yeso‑ka yo‑yose mai tamine 20: jaaNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ