Yeso‑ka yo‑yose mai tamine 19
19
Efesiyo‑ya Baoro wine
1Korito‑ya Aboro wineya, Efesiyo‑ya Baoro toke, kobone, Yeso‑ka mai one‑ya hiyare,
2“Hibati‑ya Yeso ati‑ya dai nofa yati toha, Deoso‑ka Doni dai‑ya sawiraniha?” Baoro ati ne.
“Deoso‑ka Doni tamine oda mitaterani.” Mai ati na.
3“Hini yamata‑nima mai na, dai‑ya mai habanirisimeteti?” Ati ne.
“Yowaho Batita ati ene oda‑ya mai habanirisamaroni.” Mai ati na.
4Yowaho tamine Baoro mai‑ya hiyare,
“‘Deoso‑ya dai‑ya dai kaminahi. Owa nowati‑ya ai owa kamakibona, ati dai nofaho.’ Yowaho ati ne.
Fare Yeso tamine amane.” Baoro ati nane.
5Baoro ati‑ya mai mita,
“Yeso ai‑ka Hidi tohane.” Mai ati na.
Mai mai habahinirisamatasineni.
6Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.
7Maki ai yehe kafama mai one famamaki na, Deoso tamine‑ya mai hiyarani.
8Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi,
“Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.
9Mai one Yeso ati‑ya mai nofara, mai ime kita, Yeso‑ka hawi‑ya mai sa‑sawi mai‑ya mai kaka, mai ati dama, mai‑ya Baoro dabamare, Yeso ati‑ya mai no‑nofa Baoro eyehe mai toka, Tirano‑ka tabaro‑ya mai toka, mahi‑nima Baoro mai‑ya hiyarane.
10Faha fowe fama‑ya Baoro mai‑ya hiyaranadi, mai‑ya hiyaranadine. Asiya‑ya mai wi‑wina mai nafi Yeso tamine‑ya mita, Yodeo mai toha, Bara mai toha na, Yeso tamine‑ya mai nafi mitamoneni.
11Deoso ene Baoro ene kite, mai‑ya nakitamane.
12Baoro‑ka reso, bora na‑ya mai towakama, mai kiyana, mai mese‑ya mai hinafore, Deoso ene mai kitama, mai‑ya madi mai foya, mai mese‑ya mai hinafore, Deoso ene madi mai kanana mai kitamateni.
Sefa bidi mai tamine
13Madi towe mai‑ya mai foya, mai‑ya Yodeo mai one kananihebone mai ati na,
“Yeso oni‑ya Baoro hirineya, madi towe mai kanateni.” Mai atibodi ati na.
Ai owa madi towe foye, madi towe‑ya mai hiyara,
“Yeso oni‑ya Baoro hiri ene oda ati‑ya dai mita, dai kananahi.” Mai ati na.
14Deoso‑ka yama‑bone‑ya Yodeo mai da‑daa mai‑ka hidi webote owa i‑di Sefa tohe, bidi mai 7 kana, madi towe mai‑ya mai kananihebone,
15I‑di Sefa bidi mai ati‑ya madi towe mite, mai‑ya hiyare,
“I‑di Yeso owato, i‑di Baoro owato, dai‑ta dai owato awirani.” Madi towe ati ne.
16Madi towe kanare, hiniya i‑di Sefa bidi mai‑ya waratone, mai‑ya bisine, mai‑ka bora‑ya sibine, madi towe kite ene mai bodi kanani tokamoneni.
17Yodeo mai toha, Kereko mai toha, Efesiyo‑ya mai wina, Sefa bidi mai tamine‑ya mai mita, mai habi siitona, Yeso‑ya mai ati nakitawahamoneni.
18Yeso ati‑ya mai nofawaha, mai kama, mai hiyara,
“Towe oda amani. Hibati‑ya madi mai‑ya oda hiyaramaroni.” Mai ati na.
19Hibati‑ya inawa mai toha, madi towe mai‑ka yama hani‑ya mai kadikamaro, mai‑ka yama hani‑ya mai kakama, mai dama mai naha, mai bai‑ya yama hani‑ya mai sarikaneni. Hibati‑ya yama hani mai hikanika manakone yinero barata wamani 50.000 manakone tohamaro‑ya mai sarikaneni.
20Deoso ati‑ya mai dama mai mita, Deoso‑ya mai nofawahineni.
21Baoro atibodi yama‑ya kadike,
“Yerosare‑ya okaboneni. Yerosare‑ya okomabone, Masedoni‑ka mai ohiyara, Akaiya‑ka mai‑ya ohiyara oniya, Yerosare‑ya okomaboneni. Yerosare kobo·oniya, makobote Homa‑ya okomabone owatibodi ati nineni.” Atibodi ati ne.
22Asiya‑ya Baoro wine, Timoti i‑di Erasito mai fama mai‑ya yosene, Masedoni‑ya mai towaki dai tohabonehe.
Efesiyo‑ka mai dama mai yawa, mai ati kita
23I‑di Baoro Efesiyo‑ya winasa neya, Yeso hawine tamine‑ya yara mai dama mai ibi weenamoneni.
24 # 19:24 Diyana oni one Atemisi toha. Yara owa i‑di Demetiro yobe bidi‑bona‑ya barata‑ya wamane, yobe bidi‑ya daane, yinero nafi‑ya kayafatene.
“Ai‑ka deoso i‑di Diyana‑ka yobe amane.” Ati ne.
Demetiro‑nima barata‑ya mai wa‑wama, mai‑ka yinero damane.
25Barata‑ya mai wa‑wama mai dama, mai yorotokana, mai‑ya Demetiro haane,
“Owati dai mitahi. Yobe bidi‑ya ai wa‑wama yobe bidi ene ai‑ka yinero damane.
26Baoro ati dai mita, ene dai awane awane.
‘Yama wamani toha‑ya deoso tohaterene.’ Ati tene.
Ati mai dama mai himite, ahi‑ya ati mai himita hine, Asiya nafi‑ya ati mai himite, ati mai hinofawahene.
27Baoro ati‑ya mai tokadabiya, ai‑ka yobe bidi‑ya mai kanikami awiraboneni. Ai‑ka deosa i‑di Diyana‑ka yobe bidi‑ya mai nofamariya, hika yobe webote‑ya mai kamaterabone, ati mai nofamarihi hiteboneni. Bofe‑ya ai wina i‑di Diyana ai nafi nofa, Baoro ati‑ya mai nofa‑mani, Diyana ati‑ya mai nofamara neni.” Demetiro ati nemonane.
28Demetiro ati‑ya mai dama mai mita, mai ati yawi kita, mai haana,
“Diyana amosabote amani. Efesiyo‑ka mai‑ka deosa kitabote amani.” Mai nafi ati nineni.
29Efesiyo‑ya mai wi‑wina mai nafi yawa, Baoro‑ya mai da‑daba mai fama, mai‑ya mai waratona, yara mai yo‑yorotokana‑ke, mai‑ka yobe‑ya mai hiwakamineni. Baoro‑ka da‑daba i‑di Kayo, i‑di Aritako mai fama hibati‑ya mai wi‑wina tohi‑maro‑ka Masedoni‑kaya Baoro‑ya mai dabamaro, mai‑ya mai towakamineni.
30Mai‑ya Baoro tokomakibona ati ne, Yeso ati‑ya mai no‑nofa mai ati barihine.
31Yara mai‑ka hidi mai one Baoro ati‑ya mai no‑nofa Baoro‑ka yama hani‑bone‑ya mai daana,
“Baoro, tikamakiriyahi.” Yama hani ati na.
32Yara mai yo‑yorotokana‑ke, mai‑ka yobe‑ya mai ati kita, yama‑ya mai watora mai yorotokana, yama ohare‑ya mai one haa, yama bara‑ya mai one haa na, yama‑ya mai watora hiniya yama‑ya mai haanineni.
33I‑di Aresadiri‑ya Yodeo mai waratona mai naha, mai bai‑ya mai hiwakamane, mai‑ya hiyarebonaha.
“Dai ati fawanahi.” Aresadiri yehe ati ne.
Oda‑ya dai ati weeriyahi ati nebona, mai ati fawara, hiyari awirane.
34Aresadiri Yodeo toheya, mai awa,
mai ati fawara, mai ati kita, mai ibi haana,
“Diyana amosabote amani. Efesiyo‑ka deosa kitabote amani.” Mai ati na,
Ora fame‑ya mai ati fawani awirani.
35Mai‑ka yara owa waamise ene mai ati fawanawahani.
“Owati dai mitahi. Efesiyo‑ya dai wi‑wina, dai tamine mai nafi watoneni. Hibati‑ya neme‑ya i‑di Diyana‑ka yati sona, Diyana ka‑kahiyara‑ka yobe webote, yati na, dai na‑nawada mai watoharineni.
36Mai nafi hiwatoni, keyehe hiri·oni awirini. Dai ati fawanahi. Dai yawariyahi.
37Diyana‑ka yama‑ya mai botirihi, Diyana tamine‑ya keyehe‑ya mai hiririhi na, hini yamata‑ba mai dai kakamineniti?
38Demetiro hika mai eyehe mai‑ya weeneba, mai‑ya mai towakamahi, mai‑ya mai bi‑bisi‑kaya. Mahi owa‑kaya mai yorotokaniya, mai tamine‑ya mai mitiya, mai‑ya mai bisinaba awineni.
39Yama bara‑ya dai ati kobona, ai nafi yorotokaniya, dai ati oda mitabani.
40Dai yawa, dai ati kita, ai‑ka hidi ai‑ya mai weenaba awineni. Ai‑ya mai haaniya, yama oda watoraba awineni, hiniya dai yawa, dai ati kitaro.
41Dai tabaro‑ya dai tokomahi.” Mai‑ka yara owa ati nane.
လက်ရှိရွေးချယ်ထားမှု
Yeso‑ka yo‑yose mai tamine 19: jaaNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ