Oseas 1
1
1Diozen be diꞌll ni be'nnen gulle'e Oseas xhi'nn Beerí, kan llnebia Ozías, Jotam, Ahaz na Ezequiazen yellen nzi Judá, na kan llnebia Jeroboam xhi'nn Joás, yell Israelen.
Xhi'nn xhor Oseazen
2Ki bzuraw Xanllon di'llen llenle'e chixjwe Oseazen: Israelen ba bene ka to nor ree, na ba bsanlalle nada'. Leskakse rwe' biaj na bxhi to nor ree, bzurene na blla xhi'nno konen le'e, na konen ka gak akbe xhi'nn to nor ree.
3Bxhi Oseazen to nor nzi Gomér, xhi'nn be'nnen nzi Diblaim, na nor ni bxhane to xhi'nn Oseazen. 4Natell Xanllon gulle'e Oseazen: Bsi bida'o biew ko'on Jezreel, le yeratze yallj nench'na wsakzia xhi'nn xhasoa be'nn wnebian nzi Jehú, ni ke llen'na brarje'e yell Jezreelen, na konen ka wchuya yel llnebia ke Israelen. 5Ka lla'na, wchochj wlana yel-llnebia ke Israelen rachen nbane Jezrelen.
6Bayua nor ke Oseazen to bdao dayubre, na bzu to bida'o nor ke'e. Na Xanllon gulle'e Oseazen: Bsi ra bida'o nor ko'on Lo-ruhama le bill wayachralla Israelen dayubre. Bill wazixhena ke ake'. 7Axha wayachralla be'nn ka' sjalla gan nbane Judán, nadksa, Xan ake', Dios ke ake', wasra le ake'. Axha bi wasra le ake' konen wdil, billtien gunrena llin xhis waxiten, ni spad, ni kabay ake', ni be'nn ka' llbia kull kabay ka'.
8Kan bill llwalle'e xhi'nne bin nzi Lo-ruhama, bayoa Gomeren to bdao dayubre, na bzu to xhi'nne bida'o biew. 9Natell Xanllon gulle'e Oseazen, bsi ra bida'o bieꞌon Lo-ami, le re' bill nakre yell kia, ni nada' bill naka Dios ke re'.
Bayo xneze ke yell Israelen
10 10 (2.1) Llin to lla be'nn Israelitas ka'
chan ake', na gak ake' ke yuxh da sjanit lloa nistaw,
nutno llak wllix len, na nutno llak wrab len.
Na loraz da ye le ake':
Re' bill nakre yell kia,
Diozen ye'e re':
Re' nakre xhi'nn Dios ban'na.
11 11 (2.2) Natell wadup
be'nn ka' lla Judán, na beꞌnn kaꞌ sjalla Israelen,
na wzoa ake' tuz beꞌnn braw raw yell ke aken,
na gateze sjalla ake' wayed ake' na wadup ake' Jerusalén'na.
To lla xhen gak lla ke Jezreelen.
လက်ရှိရွေးချယ်ထားမှု
Oseas 1: ZPUPAT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ