Luka 22
22
1 #
Bah 12.1-27
Jilti Qit'a bukho inqamne, ta Pasaka jed'ani, d'iaate. 2Jennaani qaalole gugurdofi jari Seera beekhu kara Yesoni ijeesani barbaadani, waan biyya sodaataniifi.
Yudani Yeso gurgurata
(Matayo 26.14-16; Mariko 14.10-11)
3Jennaani Sheet'ani Yuda ka Iskariote jed'ani, ka jara kud'ani lama kaani keesa jiru, seene. 4Inni deeme, jaarole gugurdofi worra gugurda askartiti dubbate aka Yeso harka worrati kennu. 5Worri gammade, aka hori isaa kennani wold'aqani. 6Yudani, Ee jed'e, aka d'ossaani Yeso harka worrati kennu herege.
Yesoni jila Pasaka nyaata
(Matayo 26.17-25; Mariko 14.12-21; Yohana 13.21-30)
7Guyyaani Qit'a bukho inqamne, ka hoola Pasaka qalani, gahe. 8Yesoni Petrofi Yohana erge waan jed'eeni, Beena, sagale Pasaka nu mid'aasa aka nuleeni nyaannu. 9Worri waan jed'eeni, Nu eesati mid'aasinu feeta? 10Inni waan jed'eeni, Hojja dira duuddani nama d'iira ka bute bisaani baatuuni baatani, isa gula yaa, haga mana inni seenu. 11Waan abba manatiini jettani, Aabbooni waan siini jed'u, Mani keessuma me, ka anini Pasaka jara kiyya woliini keesati nyaad'u? 12Nami suni mana gubba aanu ka miha qabu isani agarsiisa, achiti mid'aasa. 13Deemani akuma inni jed'e argani, Pasaka mid'aasani.
Sagale Aabbo
(Matayo 26.26-30; Mariko 14.22-26; 1 Korintho 11.23-25)
14Hojjaani golola geennaani, Yesoni jara isaa woliini tae. 15Inni waan jed'eeni, Anini guddo d'arraa qaba, aka Pasaka tana isani woliini nyaad'u, ato ingaargaliini. 16Waan anini jed'u, anini deebie inyaad'u haga Pasakaani Finna Waaqa keesati qit'ooftuuti. 17Jennaani inni mudunu fuud'e eebise waan jed'e, Kana fud'ad'a qoodad'a; 18wonti akanatiifi waan anini isaniini jed'u, Anini deebie bisaani zabibu, ind'ugu, haga Finni Waaqa d'ufuuti. 19Jennaani inni qit'a fuud'e, eebimnaani ch'ach'abse, worrati kenne waan jed'eeni, Kunini nafa kiyya [ka maro keesaniifi kennani. Waan kana tolcha na qaabad'a. 20#Yer 31.31-34 Akasuma eegi gololfatani mudunu fuud'e waan jed'eeni, Mudunuuni tunini ta d'iiga kiyya, ka isanii jissani, ka wold'aqisa haraa.]
21 #
Far 41.9
Ammo ilaala! Harki nama na gurguru ana woliini jira mesa kana gubba! 22Wonti akanatiifi Ilmi Nama akuma duri hereganiifi deema; ammo gaargala nama isa gurguruti. 23Worri wolgaafate, Nu kana keesa eentu waan kana tolcha? jed'ani.
Guddinna d'uga
24 #
Mat 18.1; Mar 9.34; Luk 9.46 Worri wolmorme, Nu kana eennuti gudda? jed'e wolgaafate. 25#Mat 20.25-27; Mar 10.42-44 Yesoni waan worraani jed'e, Aada lafa gula, hayyooti biyya mohatti, ammalle jaallaba worraatiini, Worra guddo nama qarqaaru jed'ani. 26#Mat 23.11; Mar 9.35 Ammo isani akasiiniti; nami isani keesa nama ch'ufa ira gudda akuma maand'a ha tahu, ammalle nami nama dura deemu akuma hojattu ha tahu. 27#Yoh 13.12-15 Eentu ira jira, nami sagale nyaataa tau mo ka gololchu? Nami sagale nyaataa tauniti? Ammo anini jiddu teesani keesati aka nama nama gololchu jira.
28Isani yayu na woliini teetani ilaalacha tiyya ch'ufa keesa. 29Akuma abbaani kiyya hayyuma naa qoode, anileeni isanii qooda. 30#Mat 19.28Isani mesa kiyya gubbati nyaattani d'uddani, barch'uma guddinna ira teetani gosa kud'ani lama ta Israeli qortani.
Yesoni mormacha Petro hima
(Matayo 26.31-35; Mariko 14.27-31; Yohana 13.36-38)
31Simoni, Simoni, ilaali, Sheet'ani, akuma dargaye hafarsani ya aka isani hafarsu kad'ate argate. 32Ammo anini yayu sii kad'ad'e aka d'ugefachaani tante inhanqanne. Ammalle atini eegi nati deebite, oboleyaani tante jabeesi. 33Petroni waan jed'eeni, Aabbo, anini kurfo jira aka si woliini deemu fulla hid'aansatiifi duisale. 34Yesoni waan jed'e, Waan anini siini jed'u, Petro, arra kormi luku iniyu, haga atini maro sadi aka na beetu mormatu.
Subbafi gorjofi sheefti
35 #
Mat 10.9-10; Mar 6.8-9; Luk 9.3; 10.4 Jennaani Yeso waan worraani jed'e, Gaafa anini subbafi gorjofi kope male isani erge woma d'abdani? Waan jed'aniini, Hiyyo. 36Yesoni waan jed'eeni, Ammo ammatana, nami subba qabu ha fud'atu, ka gorjo qabuleeni ha fud'atu; ammalle nami sheefti inqamne ha woya ufi gurgure bitatu. 37#Isa 53.12 Wonti akanatiifi, waan anini isaniini jed'u, T'aafiini inni worra ch'ubbu woliini dua jettu, anaani guutamu malte. Wonti akanatiifi wonti waan kiyya t'aafani inguutamti. 38Worri waan jed'eeni, Aabbo, ilaali, sheefti lamati arma jira! Inni waan jed'eeni, Ingeeti.
Kad'acha Yeso Gethsemane keesa
(Matayo 26.36-46; Mariko 14.32-42)
39Yesoni achii deeme, akuma aada isaa gara Gaara Ejersa jed'ani d'aqe; jari isaleeni isa gula yae. 40Arti gahe jennaani waan worraani jed'e, Kad'ad'a aka ilaalacha keesa inseenne. 41Haga darba d'akha worra bira deeme, jilbifate kad'ate waan jed'e, 42Aabbo, yo feete, mudunu tana nara fuud'i; tatule fed'i tiyyaniti, ammo tante ha taatu. [ 43Malaikaani gubba isati mullatte garaa isaa jabeesite. 44Waan inni guddo gaargala qabuufi guddise kad'ate; damfi isaa lafati ch'och'obe d'iiga fakaate.]
45Kad'achaa kaanaani, jara ufiti d'ufe, worra maro lalefachatiifi rafu arge 46waan jed'eeni, Maafi raftani? Kakaa, kad'ad'a, aka ilaalacha keesa inseenne.
Qabisa Yeso
(Matayo 26.47-56; Mariko 14.43-50; Yohana 18.3-11)
47Ato inni ammalle dubbatu gumiini d'ufte; Yudani, ka jara kud'ani lama keesa jiru, worra dura deeme. Inni Yesoti hiiqe aka isa d'ungatu. 48Ammo Yesoni waan jed'eeni, Yuda, atini d'ungooni Ilma Nama gurguratta? 49Jari isa woliini jiru waan kana arginaani waan jed'eeni, Aabbo, sheeftini d'oomna? 50Nami toko worra keesa garbicha qaallicha gudda d'ae, gurra mirgicha iraa kute. 51Ammo Yesoni waan jed'eeni. Ingeeti! Lakisa! Duuba gurra isaa tuqe fayyise.
52Jennaani Yesoni qaalole gugurdofi gugurda askarti Mana Waaqatiifi jaarole isati d'ufteeni waan jed'e, Aka waan hattu qabdani sheeftifi bokuuni d'uftani? 53#Luk 19.47; 21.37Guyya ch'ufa nu Mana Waaqa keesa woliini jirra, harkaani na intunne. Ammo hojjaani tuni teesani, ammalle ta jabeenna dukanaati.
Petroni Yeso mormata
(Matayo 26.57-58,69-75; Mariko 14.53-54,66-72; Yohana 18.12-18,25-27)
54Jennaani Yeso qabani gara mana qaallicha gudda geesani, ammo Petroni fago hordofe. 55Ibida ch'icha durati bobeesani qanqamatani, Petroni jiddu worra keesa tae. 56Intalti toko, ato inni fulla ifsa ibida tau, isa agarte ila iti qabde waan biyyaani jette, Namichi kunileeni isa woliini jira. 57Ammo inni mormate waan jed'e, Intala, anini isa imbeekhu. 58Diqo eege, nami d'ibileeni isa arge waan jed'eeni, Atileeni nama isaatiiyu! Ammo Petroni waan jed'eeni, Laki, abbo, ananiti. 59Haga saa toko teennaani nami d'ibiini ammalle dubbi tana quufu dide waan jed'e, D'uguma namichi kuni isa woliini jira; inni nama Galilayati. 60Ammo Petroni waan jed'eeni, Abbo, waan atini jettu anini imbeekhu. Hojuma suni, ato inni dubbatu, kormi luku iye. 61Aabbooni garagale Petro millate; duuba Petroni dubbi Aabbo qaabate ta inni isaani jed'e, Arra, ato kormi luku iniyiini, atini maro sadi na mormatta. 62Alati gadi bahe laalefate guddo bohe.
Yeso goyeesani
(Matayo 26.67-68; Mariko 14.65)
63Jari Yeso qabe kaani isa goyeese d'aane. 64Ila hid'ani isa gaafatani waan jed'aniini, Fagi! Eentu si d'ae? 65Waan, heddu iti dubbatani arabsani.
Yesoni kora durati
(Matayo 26.59-66; Mariko 14.55-64; Yohana 18.19-24)
66Lafti bariinaani, jaarole Yahuditiifi qaalole gugurdofi jari Seera beekhuleeni wolwoldaani, Yeso kora geesani waan jed'aniini, 67Yo atini Kristo taate, nuti himi. Ammo inni waan worraani jed'e, Yo anini isaniti himele ind'ugefattani. 68Yo anini isani gaafad'ele nati inhimtani. 69Ammo armaa achi Ilmi Nama jabeenna Waaqa keesa harka mirgaa taa. 70Worri ch'ufti waan jed'e, Atini Ilma Waaqati re? Inni waan jed'eeni, Isanu ya akasi naani jettani. 71Worri waan jed'e, D'uga d'ibi maani iraa feena? Nu yayu d'ageenne waan inni afaani ufitiini jed'e.
Yeso Pilato durati
(Matayo 27.1-2,11-14; Mariko 15.1-5; Yohana 18.28-38)
လက်ရှိရွေးချယ်ထားမှု
Luka 22: BOR
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Borana Bible © Bible Society of Kenya, 2019.
