Yohana MATA DUBBII
MATA DUBBII
Kitaabi Yohana aka Yesoni dubbi Waaqa ta haga jiru jireenna jirtu, ta ammalle nama taate, nu woliini teete garsiisa. Akuma kitaabi jed'u, Odu Dansa tana wonti t'aafanifi aka nami isi soomu aka Yesoni baafama namaa kakhatanifi Ilma Waaqa d'ugefate, duuba d'ugefacha suni keesa jireenna argatu (20.31).
Eegi mata dubbi ta aka Yesoni dubbi Waaqa ta jiru jireenna garsiiftu, dubbini qara waan mama heddu Yesoni tolche ta wonti suni aka inni baafama namaa kakhatanifi Ilma Waaqa garsiifti. Duuba dubbi suni waan wonti mama suni garsiiftuti iti aana. Kitaaba kana keesa aka nami gari Yeso d'ugefate gula yae, ammo ka gari isa d'ugefachu dide himani. Boqota 13-17 aka Yesoni halkani isa qabani suni ergattu isaa maro duisa isaatiifi garaa jabeese d'eertu gula t'aafani. Boqoti eege aka Yeso qabani himataniifi ammalle aka isa fannisanifi aka inni awaala keesa kae ergattu isaati mullate hima. Yohanani jireenna Yeso keesa argatani ka haga jiru tau, ka ammalle nami Yeso aka inni karaafi d'ugaafi jireena d'ugefate ch'ufti argatu, guddo waan isaa jabeese t'aafe. Yohanani kitaaba kana keesa woma nami guddo beekhu ka aka bisaanifa, qit'afa, ifsaafa tissitufi hooliyefa zabibufi mid'aani isii fa akheekha tolfate, aka dubbi Waaqatiini diideesu.
Boqota waan kitaaba kana ke jira
1.1-18 Dubbi qaraa.
1.19-51 Yohana nama batisufi ergattu Yeso ta qaraa.
2.1—12.50 Huji Yeso.
13.1—19.42 Torbaani eege Yerusalemu keesafi d'aatu.
20 Kaisafi mullacha Aabbo.
21 Dubbi eege, mullacha d'ibi Galilaya keesa.
လက်ရှိရွေးချယ်ထားမှု
Yohana MATA DUBBII: BOR
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Borana Bible © Bible Society of Kenya, 2019.