Yohana 2

Enyangi agwo Kana

1Naende rituko ria gatato ’yarenge enyangi agwo Kana ya Galili, na ng’ina Yeso nao arenge. 2Yeso nere konya orangeriigwe amo naborokigwa baye ase enyangi. 3Goika edivai egachia kobaremera, ng’ina Yeso akamoteebia, “Tibari nedivai.”

4Yeso akamoteebia, “Omong’ina, inki inche nde naye? Ensa yane teraika.”

5Ng’ina agateebia abasomba, “Rinde rionsi arabateebie, morikore.”

6Nchiarenge aroro chinsiongo isano nemo chi’amagena, chiabekire aroro ase engencho y’ogwesiberia kw’Abayahudi; kera eyemo nigo yarenge ekerengo gie chigalani emerongo ebere gose etato. 7Yeso akabateebia, “Ichoria chinsiongo echi amaache.” Bagachiichoria goika igoro. 8Akabateebia, Bono taoria, “moirere omonene bw’omoyega.” Bakamoirera. 9Omonene bw’omoyega agachia koigwa amaache aria aonchoretwe koba edivai, tamanya aase yarwa, (korende abasomba ababuuchete amaache mbamanyete). Omonene oria bw’omoyega akarangeria omonywomi, 10akamoteebia, “Kera omonto ritang’ani nigo agochaaka nedivai ere engiya, goika abanto kobanyuure mono, erio orenta eyetari engiya; aye gese nigo ogachete edivai engiya goika bono.”

11Oyio noro omochakano bw’ebikone Yeso akorete, agwo Kana ya Galili, akaorokia obonene bwaye; aborokigwa baye bakamwegena.

12 # Mat 4:13 Magega ase aya akagenda goika Kapernaumu, ere, na ng’ina, na abamwabo, na aborokigwa baye; bakamenya aroro amatuko amake.

Yeso ogochena Hekalu

(Mat 21:12-13; Mar 11:15-18; Luk 19:45-46)

13 # Okong’ 12:1-27 Naende Epasaka y’Abayahudi nigo yarenge ang’e, na Yeso agatiira goika Yerusalemu. 14Akarora ase Hekalu ime abanto barenge koonia chiombe, ne ching’ondi, na amaruma, na abaare koonchora chifeta, baikaransete. 15Agakora omocharichi bwe chingori, akabasokia bonsi korwa ase Hekalu, ne ching’ondi, ne chiombe; agaitera chitaabu chiabo abaare koonchora chitaabu, akaonchorana chimesa chiabo. 16Naende akabateebia baria barenge koonia amaruma, “Rusia ebinto ebi aa timokora enyomba ya Tata one koba enyomba y’okoonchoreria.”

17 # Zab 69:9 Aborokigwa baye bakainyora ng’a neriikire, “Risemi ri’enyomba yao riandire.”

18Nabo Abayahudi bakamobooria, “Ngekone ki ogotworokia, ng’a nore noboronge bw’ogokora aya?”

19 # Mat 26:61; 27:40; Mar 14:58; 15:29 Yeso akabairaneria, “Tagora Hekalu eye, na inche ase amatuko atato ninyetenenie.”

20Abayahudi bakaboora, “Hekalu eye yaagachetwe ase engaki y’emiaka emerongo ene na etano nomo, na aye oyetenenie ase amatuko atato?”

21Korende ere nigo akwanete igoro ye Hekalu y’omobere oye. 22Nabo ekero abogetigwe korwa ase abakuure aborokigwa baye bakainyora ng’a nigo ateebete ring’ana eri, bakegena ririiko riria, ne ring’ana riria Yeso ateebete.

Yeso namanyete chinkoro chi’abanto bonsi

23Goika agachia kobao Yerusalemu ekero ki’Epasaka ase Rituko Rinene, abanto abange bakariegena erieta riaye, kobarorire ebikone arenge gokora. 24Korende Yeso tegenete ase bare, ekiagera nabamanyete bonsi, 25naende ekiagera tarigetie onde amobere kirori igoro ya Mwanyabaanto; naki ere omonyene amanyete ayare ime ya Mwanyabaanto.

လက်ရှိရွေးချယ်ထားမှု

Yohana 2: EKGE

အရောင်မှတ်ချက်

မျှဝေရန်

ကူးယူ