John 2
2
Kaana Ayeforhyia
1Na da a otsia ebiasa no, wohyiaa ayefor wɔ Kaana a ɔwɔ Galilii, nna Jesus ne na wɔ hɔ; 2na wɔtoo nsa frɛɛ Jesus nye n’esuafo no so baa ayefor no ase. 3Na nsa no annso no, Jesus ne na kɛkaa kyerɛɛ no dɛ, Hɔn nsa asa. 4Na Jesus buaa no dɛ, Ɔbaa, menye wo wɔ ebɛn nhyehyɛɛ? Me ber nnyae nndurii. 5Ne na see asomfo no dɛ, Biribiara a ɔbɛse hom no, hom nyɛ. 6Nna abo esuhina esia sisi hɔ, dɛ mbrɛ Jewfo hɔn ahoguar tse, kor bedzi etwahina ebien anaa ebiasa. 7Jesus see hɔn dɛ, Hom mfa nsu nhyehyɛ esuhina no amaama. Na wɔhyehyɛɛ no amaama tɛntɛn. 8Na ɔsee hɔn dɛ, Afei hom nsesaw nkɛma edzidziase panyin no. Na wɔdze kɔree. 9Na edzidziase panyin no kaa n’ano nsu a ɔadan nsa no hwɛe no, na onnyim mbrɛ ofir no (nna asomfo no a wɔsesaw nsu no dze wonyim), ɔfrɛɛ ayeforkun no, 10na ɔsee no dɛ, Nyimpa biara dze nsa papa no dzi kan besisi hɔ, na wɔanom abobow no, nna wɔdze dza onnye no ba, na ɔwo dze, edze nsa papa no esie ebodu sesei. 11Nsɛnkyerɛdze a odzi kan yi Jesus yɛe wɔ Kaana a ɔwɔ Galilii, na oyii n’enyimnyam kyerɛe; na n’esuafo no gyee no dzii.
12 #
Mat 4.13
Iyi ekyir no, Jesus kɔr Karpernaum, ɔno nye ne na nye no nuanom nye n’esuafo, na wɔtsenaa hɔ nda kakra ara.
Jesus Tu Eguadzifo Fi Asɔrdan no mu
(Matthew 21.12, 13; Mark 11.15-17; Luke 19.45, 46)
13 #
Eks 12.1-27
Na Jewfo apaho no bɛnee; na Jesus kɔr Jerusalɛm. 14Na okohun hɔn a wɔtɔn anantwi, nye nguan, nye mbubur, nye sikasesafo wɔ asɔrdan no mu dɛ wɔtsenatsena hɔ. 15Ɔdze ahoma yɛɛ mpire paam hɔn nyina, nguan no nye anantwi no, na ohuee sikasesafo sika gui, na ɔkaa hɔn apon butubutuwii. 16Na hɔn a wɔtɔn mbubur no, ɔsee hɔn dɛ, Hom mfa yinom mfi ha! Mma hom nnyɛ m’Egya fie eguadzi fie! 17Na n’esuafo no kaae dɛ wɔakyerɛw dɛ, Wo fie ho mbɔdzembɔ bɛhyɛ me ma. 18Iyi ntsi Jewfo no buae see no dɛ, Ebɛn asɛnkyerɛdze na edze kyerɛ hɛn dɛ ewɔ ho kwan dɛ eyɛ iyi? 19#Mat 26.61; 27.40; Mar 14.58; 15.29 Jesus buaa hɔn dɛ, Hom ndwuruw asɔrdan yi, na ndaansa mu mebɛma do bio. 20Nna Jewfo no see no dɛ, Mfe eduanan esia mu na wɔdze sii asɔrdan yi, na ɔwo ebɛma do nda ebiasa mu? 21Naaso ɔno dze, ɔkaa ne nyimpadua asɔrdan no ho asɛm. 22Dɛm ntsi ɔsoɛree fii ewufo mu no, n’esuafo no kaae dɛ ɔkaa iyi kyerɛɛ hɔn, na wɔgyee kyerɛwsɛm no nye asɛm a Jesus kae no dzii.
Jesus Nyim Mbrɛ Nyimpa Tse
23Na ɔwɔ Jerusalɛm apaho afahyɛ no mu no dodowara hun ne nsɛnkyerɛdze a ɔyɛe no, na wɔgyee ne dzin dzii; 24na Jesus dze, ɔammfa noho amma hɔn, osiandɛ onyim nyimpa nyina, 25na onnhia no dɛ obi dzi nyimpa ho dase, osiandɛ nankasa nyim dza ɔwɔ nyimpa mu.
လက်ရှိရွေးချယ်ထားမှု
John 2: MFANBRP
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Mfantse Bible © Bible Society of Ghana, 2011.
