Kîam 9
9
Ngai nîwarîkanîre na Nuhu
1 #
Kîam 1.28
Ngai nîwarathimire Nuhu na avîcî ake na akîmeera atîrî, “Ciaranani, mwîngîve, na mwîcûrie nthî yonthe. 2Nyamû cionthe, iconi, nthamaki, nîitûûra imwîtigagîra. Nîmue mûgaciathaga cionthe. 3Nie nînamûva nyamû cionthe ituîke irio cienyu, wata ûrîa namûveere mîmera îtuîke irio cienyu. 4#Ala 7.26-27; 17.10-14; Ala 19.26; Gûco 12.16,23; 15.23 Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî. 5Mûndû wa wonthe ûkaaûraganaga, akaaûragagwa. Nyamû wa yonthe îkaaûragaga mûndû, îkaûragagwa. 6#Kîam 1.26; Ntha 20.13 Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.
7 #
Kîam 1.28
“Kwoguo ciaranani mwîngîve na mwîcûrie nthî yonthe.”
8Ngai nîwerire Nuhu na avîcî ake atîrî, 9“Rîu nie nîngûrûtha kîrîkanîro wa vamwe na njiarwa cienyu, 10wana nginya na ciûmbe cionthe irîa itûûraga mwoyo, irîa irî vamwe namue; ta: iconi, ndîthia cionthe, nyamû cia kîthakarî irîa irî vakuvî namue wana irîa cionthe mwaumire nacio thabinarî. 11Kîrîkanîro gîakwa namue nî gîkî: atî gûtirî vîndî ciûmbe irîa irî mwoyo ikathirua na mwîcûro wa manjî na ndigaatûma manjî mecûre mathirie nthî rîngî. 12Rûûri rwa kîrîkanîro gîa tene na tene, kîrîa nîrarûtha namue, wa vamwe na ciûmbe irîa irî mwoyo nî rûrû; 13nîngwiga mûkûngambura wakwa matuurî na ûkethagîrwa ûrî rûûri rwa kîrîkanîro gîakwa na nthî. 14Vîndî îrîa narete matu ma mbura naguo mûkûngambura wonekana matuurî, 15vîndî îo ngaririkanaga kîrîkanîro kîrîa naarûthire namue wana nginya ciûmbe cionthe irîa itûûraga mwoyo, atî gûtikethîrwa kûrî na manjî ma kûthiria indo cionthe irîa itûûraga mwoyo rîngî. 16Vîndî îrîa mûkûngambura waumîra matuurî, ngawonaga ngaririkana kîrîkanîro gîakwa gîa tene na tene kîrîa naarûthire na ciûmbe cionthe irîa irî mwoyo gûkû nthî. 17Rûu nîruo rûûri rwa kîrîkanîro kîrîa narûtha na ciûmbe cionthe irîa irî gûkû nthî.”
Nuhu na avîcî ake
18Ariû a Nuhu arîa maaumire thabinarî maarî Shemu, Hamu na Jafethi. (Hamu nîke warî îthe wa Kanaani.) 19Ariû acio athatû a Nuhu nîo maatuîkire methe ma andû onthe arîa marî nthî.
20Nuhu aarî mûrîmi, na nîke warî wa mbere kûvanda mûgûnda wa mîthavibu. 21Nuhu nîwanyuire ndivei ya mîthavibu îo, akîrîwa na akîruta nguo na akîmama îgemarî rîake arî njaga. 22Na rîrîa Hamu, îthe wa Kanaani oonire atî îthe aarî njaga, nîwetire aa mûrwang'ina arîa maarî vau nja. 23Nwatî Shemu na Jafethi nîmoocire Nguo, makîmînyitanîra makîmigîrîra iturorî ciao, makîthiî na vuva magîtonya îgemarî na makîmûkunîkîra. Maamûkunîkîre maroretie na kûrîa maaumîte nîguo matikone njaga yake. 24Rîrîa Nuhu aaramûkire, na akîmenya ûrîa mûvîcî ûrîa warî mûnini aamwîkîte, 25nîwaugire atîrî,
“Kanaani aronyitwa nî kîrumi!
Ke nîatuîka ngombo ya aa mûrwang'ina.
26Ngai-Mûnene, Ngai wa Shemu arokumua,
Kanaani arotuîka ngombo ya Shemu.
27Ngai arotûma njiarwa cia Jafethi ciîngîve!
Njiarwa ciake irotûûranîra na ciana cia Shemu!
Kanaani arotuîka ngombo ya Jafethi.”
28Vuva wa manjî marîa meecûrire nthî, Nuhu eekarire mîaka magana mathatû ma mîrongo îtano (350). 29Nuhu agîkua arî na ûkûrû wa mîaka magana kenda na mîrongo îtano (950).
လက်ရှိရွေးချယ်ထားမှု
Kîam 9: KKB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
©Bible Society of Kenya, 2019