MATHAIIN 11
11
Johon Baptispu koma Palai
(Lk 7.18-35)
1Hantin han Isuan a zolai somleianni kom chong apek suale mi kho tina anchu le aril ranga havan ata ase u.
2Hava suale Johon lungina a oma Krista rui a sintho ngai ariata a zolai ngai a tira aman kel. 3“Ahong rang ha nang hi mo na ni, ole atei mo nei la ngak rang?”
4Isuan hangai ha a masang, “Se u ro nei riat u le nei mu u ha Johon va ril u ro, ati na. 5Acho ngaiin amu zei, akhor ngai kal achoi zei, aphar ngai anthiang zei, aset ngai ariat zei, hatuka athi ngai anthui zei anriang ngai koma thangahui anril zei. #Isa 35.5-6; 61.1 6Ha mi achanasa koi ana dem nok chu!”
7Amani ase u lai tak han Isuan mi ngai ha Johon arui ei ril, “Philchar rama hong a en mo nei se u. 8Mailuang savok atan ni mak mo? Ole hongmo nei va en u. Puan annui ansil mi khat a en mo nei se u? Puan annui ansil ngai chu reng ina ke ei om. 9Hanle hong atho mo nei se u ha deari khat a en ranga mo? Ani kei na ti ni u zei deari neka alian khat ha. 10Hava ha, ha miring ama ruia anziak a om, ‘Enta, ka palai na makunga ka hong tir aman na matona na lampui sin inti’ #Mal 3.1 11“Ataka kei na ti ni u zei, nupang vona anpianga chu Baptispu Johon aneka alian tute lan piang mak, hanum vanrama asin khit ha ama ha hava neka alian. 12Hatuka Baptispu Johon ahun ata atun ten vanram chu ranak asonga min ei lua keng, hava ha arat ngaiin ranaka alua ei val tit u. #Lk 16.16 13Asik chu deari dora le riti dora Johon atena dearin chong ei ril. 14Hatuka nangnin na pom zot uten re un na ti Eliza ei hong rang ha ama hi ani zei. #Mal 4.5; Mt 17.10-13; Mk 9.11-13 15Anngaina kuar adon takin rangai rase!
16“Tenchu tule mo hiva huna mi ngai mankhi ning amani hi naipang ngai le anrual, amanin bazara ansuta alom ngai a paia ati. 17Koinin nangni na kom theilia na tuma lam u mak chena koinin na chapa nangnin na rop rachum u mak chena.
18“Asik chu Johon a honga nek sak tho maka hava han min kachai ei sur ati u! 19Miring Sapa a honga sak nek atho hava han min, ‘Soso enro so anruak, zun du lei ansuang ngai le salui, asiat ngai mal,’ tenchu hia hin a sintho ngai le asia bui tina a manlang.”
Ansirluingai Anngona
(Lk 10.13-15)
20Hanke sin alian ei thona khikhit kho ngai ha a ngona asik chu a malung makhir u mak. 21“Korazin na rang aping! Bethsaida na rang aping! Asik chu nangni koma changdong sin antho ngai ha Tura le Sidona antho sela hava man ata punachet ansila phila ansuta malung makhir u zei ni! #Isa 23.1-18; Ez 26.1—28.26; Joel 3.4-8; Am 1.9-10; Zek 9.2-4 22Tenchu kei na ti ni u zei ruiril nikhua nangni nei siat u na ha nangni neka Tura le Sidon zang ual inti! 23Hatuka, O! Kapernaum nang hi mo van ten pei nei ansang rang? Athi kho tenpei chumin na ti asik chu na koma changdong sin antho ngai ha Sodoma antho sela avian tenpei la om inti! #Isa 14.13-15; Anp 19.24-28 24Tenchu kei na ti ni u zei nang nei tiar rang neka anrilna nikhuana Sodom ram ei tiar zang ual inti!” #Mt 10.15; Lk 10.12
Horo Ka kom Pongansa ro
(Lk 10.21-22)
25Havalai tak han Isuan hiva chong hi ei ti, “O ka Pa, O van le phila Puma raisan chong ka na ril asik chu nangin ariat le ahian ngai kom hiva rui ngai dora nei thupa naipang ngai kom nai manlang.
26“Ani ka Pa asik chu na mit muna a phamrua keng.
27“Aloma ka Pa ata ka kom anpek zei hatuka Sapa hi tuten remak Pa rong ke ariat hatuka Pa hi tuten remak Sapa rong ke ariat hatuka Sapan ei manlang zotna tak han aman ariat. #Jn 3.35; 1.18; 10.15
28“O apong le apuaka rik ngai ka kom hong u ro pongansana na pe u ka ti. 29Ka ringkol makhop u ro hatuka ka kom anchu u ro asik chu koi hi asing le annuai hava han nangnin na ratha u rang pongansana man un na ti. #Jer 6.16 30Asik chu ka ringkol ahui ka puak um azang.”
လက်ရှိရွေးချယ်ထားမှု
MATHAIIN 11: RANGBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
