Эге дөс 10
10
Чоннарның чизези
1Нойнуң оолдары – Сим, Хаам, Иафет болгаш оларның салгалдарының дугайында чугаа бо-дур#10:1 Сим, Хаам база Иафеттиң салгалдарының аттары дээрге бурунгу Чөөн чүктүң аймак, чоннар, хоорайларының аттары болур. Амгы үеде ол аттарның чамдыктары биске билдинмес. .
Суг халавының соонда Симниң, Хаамның, Иафеттиң уруг-дарыы төрүттүнген.
2Иафеттиң оолдары: Гомер, Магог, Мадай, Иаван, Тувал, Мешех база Тирас.
3Гомерниң оолдары: Аскеназ, Рифат база Тогарма.
4Иаванның оолдары: Элиса биле Фарсис#Иона 1:3, ол ышкаш китт чон биле додан чон. 5Олар өзүп-көвүдээш, ортулуктарны, далай чоогунуң чурттарын ээлеп, төрел бөлүк, аймактар бооп чурттай бергеннер; оларның аймак бүрүзү бодунуң дылынга чугаалажыр турган.
6Хаамның оолдары: Хуш, Египет, Фут база Ханаан.
7Хуштуң оолдары: Сева, Хавила#Э. д. 2:11, Савта, Раама база Савтеха.
Рааманың оолдары: Шева биле Дедан. 8Хуштуң бир салгакчызы Нимрод деп аттыг кижи турган. Ол чырык чер кырында күштүг маадыр – 9Дээрги-Чаяакчының ачызы-биле күчүлүг аңчы бооп турган. «Дээрги-Чаяакчының ачызы-биле Нимрод дег күчүлүг аңчы» деп чечен сөстер оон тывылган. 10Ооң баштайгы чагырар девискээри Вавилон, Эрех, Аккад болгаш Халне деп черлер турган. Ол черлер Сеннаар деп чуртка кирип турган. 11-12Ол чурттан Нимрод Ассурже#Э. д. 2:14 чорупкан. Аңаа ол Ниневия, Реховот-Ир, Калах база Ресен деп хоорайлар тудуп алган. (Ресен Ниневия биле улуг хоорай Калахтың ортузунда турган.)
13Египеттиң үре-салгалы: лидий чон, анам чон, легав чон, нафтух чон, 14патрус чон, каслух чон (а олардан филистим чон тывылган) болгаш кафтор чон.
15Ханаанның үре-салгалы: ооң дун оглу Сидон, Хет, 16иевус чон, амор чон, гергес чон, 17хиввей чон, арак чон, син чон, 18арвад чон, цемар чон болгаш хамат чон. Сөөлзүредир Ханаанның төрел бөлүктери тарай бергеннер. 19Хананей чоннуң девискээри соңгу чүкте Сидон хоорайдан мурнуу чүкте Герар чоогунда Газа хоорайга чедир шөйүлген, а оон чөөн чүкте Содом, Гоморра, Адма база Лаша чоогунда Цевоим хоорайларга чедир шөйүлген. 20Ол болза Хаамның үре-салгалының төрел аймактары, дылдары, черлери, чоннары-дыр.
21Симниң база ажы-төлү бар турган. Ол Иафеттиң улуг акызы, Еверниң оолдарының өгбези болур#Сан. 24:24. 22Симниң оолдары: Элам, Ассур, Арфаксад, Луд, Арам.
23Арамның оолдары: Уц, Хул, Гефер база Маш.
24Арфаксадтан Сала төрүттүнген, а Саладан Евер төрүттүнген.
25Еверден ийи оол төрүттүнген: бирээзиниң ады – Фалек, чүге дээрге ооң үезинде делегейниң чурттакчылары бот-боттарындан аңгыланып чарлы берген#10:25 Еврей дылда «Фалек» деп ат «аңгыланып чарлы бээр» деп сөске дөмейлешкек. ; ооң дуңмазының ады – Иоктан.
26Иоктанның үре-салгалы: Алмодад, Шалеф, Хацармавет, Иерах, 27Гадорам, Узал, Дикла, 28Овал, Авимаил, Шева, 29Офир, Хавила#Э. д. 2:11 база Иовав. Олар шупту Иоктанның үре-салгалдары-дыр. 30Оларның черлериниң девискээрлери Мешадан чөөн чүкче Сефар дагларынга чедир шөйүлген. 31Ол болза Симниң үре-салгалының төрел аймактары, дылдары, черлери, чоннары-дыр.
32Нойнуң оолдарындан үнген төрел аймактар база чоннарның төөгүзү бо-дур. Суг халавының соонда чер кырынга чоннар олардан тарап көвүдээн чүве-дир.
လက်ရှိရွေးချယ်ထားမှု
Эге дөс 10: TUV
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Институт перевода Библии, Москва, 2011