ဆာလံကျမ်း 16:5-8

ထာဝရဘုရား​သည် ငါ​ခွဲဝေ​ရရှိ​ထား​သော​ငါ​၏​ဝေစု​၊ ငါ​၏​ခွက်ဖလား​ဖြစ်​တော်မူ​၏​။ ကိုယ်တော်​သည် အကျွန်ုပ်​ရရှိ​မည့်​အမွေဝေစု​ကို ထိန်းသိမ်း​ပေး​ထား​တော်မူ​၏​။ ငါ့​အတွက်​သတ်မှတ်​ထား​သော​နယ်မြေ​သည် နှစ်လို​ဖွယ်​ကောင်း​သော​အရပ်​တို့​၌ ကျ​လေ​ပြီ​။ အမှန်ပင် သာယာ​ကြည်နူး​ဖွယ်​ကောင်း​သော အမွေ​ကို ငါ​ခံရ​လေ​ပြီ​။ ငါ့​ကို​အကြံပေး​တော်မူ​သော​ထာဝရဘုရား​ကို ငါ​ကောင်းချီးထောမနာ​ပြု​မည်​။ ညအချိန်​၌​လည်း ငါ​၏​အတွင်းသဘော​သည် ငါ့​ကို​ပဲ့ပြင်​တတ်​၏​။ ငါ​သည် ထာဝရဘုရား​ကို​အစဉ်မပြတ် မျက်မှောက်​ပြု​၏​။ ကိုယ်တော်​သည် ငါ​၏​လက်ယာ​ဘက်​၌ ရှိ​တော်မူ​သည်​ဖြစ်၍ ငါ​သည်​တုန်လှုပ်​မည်​မ​ဟုတ်​။