ရှင်မဿဲခရစ်ဝင် 27:57-60

ညနေချမ်း​အချိန်​ရောက်​သောအခါ အရိမသဲ​မြို့​မှ သူဌေး​ဖြစ်​ပြီး ယေရှု​၏​တပည့်​တော်​လည်း​ဖြစ်​သော ယောသပ်​အမည်​ရှိ​သူ​တစ်​ဦး​သည် ရောက်လာ​၏။ သူ​သည် ပိလတ်​မင်း​ထံသို့​သွား​၍ ယေရှု​၏​အလောင်း​တော်​ကို တောင်း​လေ​၏။ ထိုအခါ ပိလတ်​မင်း​သည် အလောင်း​တော်​ကို​ပေး​လိုက်​ရန် အမိန့်​ပေး​၏။ ယောသပ်​သည် အလောင်း​တော်​ကို​ယူ​၍ ဖြူစင်​သော​ပိတ်ချော​ဖြင့် ပတ်ရစ်​ပြီးလျှင် ကျောက်ဆောင်​၌​ထွင်း​ထား​သော မိမိ​ပိုင်ဆိုင်​သည့် သင်္ချိုင်း​ဂူ​သစ်​ထဲတွင် သွင်းထား​လေ​၏။ ထို့နောက် ကြီးမား​သော​ကျောက်တုံး​ကို ဂူ​ဝ​သို့​လှိမ့်​ထား​ပြီးမှ ပြန်သွား​လေ​၏။