ယေရမိအနာဂတ္တိကျမ်း 18:1-6

ယေရမိ​ထံသို့​ရောက်လာ​သော ထာဝရဘုရား​၏​နှုတ်ကပတ်တော်​မှာ “​ထ​၍ အိုးထိန်းသည်​အိမ်​သို့ သွား​လော့​။ ထို​အိမ်​၌ သင်​သည် ငါ​၏​နှုတ်ကပတ်တော်​ကို ကြား​ရ​မည်​”​ဟူ၍ ဖြစ်​၏​။ ငါ​သည်​လည်း အိုးထိန်းသည်​အိမ်​သို့​သွား​၍ ရောက်​သောအခါ သူ​သည် အိုးထိန်းစက်​နှင့် အလုပ်​လုပ်​နေ​သည်​ကို တွေ့​ရ​၏​။ အိုးထိန်းသည်​သည် ရွှံ့စေး​ဖြင့် အိုး​တစ်​လုံး​ကို​ပြုလုပ်​ရာ ပုံပျက်​သွား​သဖြင့် အခြား​အိုး​တစ်​လုံး​ကို သူ​နှစ်သက်​သော​ပုံ​ဖြင့် တစ်ဖန်​ပြုလုပ်​လေ​၏​။ ထိုအခါ ထာဝရဘုရား​၏​နှုတ်ကပတ်တော်​သည် ငါ့​ထံသို့​ရောက်လာ​ပြန်​၏​။ ထာဝရဘုရား​က “​အို အစ္စရေး​အမျိုးအနွယ်​တို့​၊ အိုးထိန်းသည် ပြု​သကဲ့သို့ သင်​တို့​ကို ငါ​ပြု​နိုင်​သည်​မ​ဟုတ်​လော​။ ကြည့်ရှု​လော့​။ ရွှံ့စေး​သည် အိုးထိန်းသည်​လက်​၌​ရှိ​သကဲ့သို့ အစ္စရေး​အမျိုးအနွယ်​တို့​သည် ငါ့​လက်​၌​ရှိ​၏​။