တရားသူကြီးမှတ်စာ 8:22-24

ထိုအခါ အစ္စရေး​လူမျိုး​တို့​က ဂိဒေါင်​အား “​သင်​သည် အကျွန်ုပ်​တို့​ကို မိဒျန်​လူမျိုး​တို့​လက်​မှ​ကယ်တင်​ခဲ့​သည်​ဖြစ်၍ သင်​နှင့် သင်​၏​သား​မြေး​တို့​သည် အကျွန်ုပ်​တို့​ကို​အုပ်စိုး​ပါ​”​ဟု ဆို​ကြ​၏​။ ဂိဒေါင်​က​လည်း “​ငါ​သည် သင်​တို့​ကို မ​အုပ်စိုး​ရ​။ ငါ့​သား​လည်း မ​အုပ်စိုး​ရ​။ ထာဝရဘုရား​သာလျှင် သင်​တို့​ကို​အုပ်စိုး​တော်မူ​မည်​”​ဟု သူ​တို့​အား ပြန်ပြော​လေ​၏​။ သို့သော် ဂိဒေါင်​က “သင်​တို့​ဆီ​မှ တစ်​ခု​ကို တောင်းဆို​လို​ပါ​သည်​။ သင်​တို့​ရ​ထား​သော လုယူပစ္စည်း​များ​ထဲမှ နားကွင်း​တစ်ကွင်းစီ​ကို ငါ့​အား ပေး​ကြ​လော့​”​ဟု သူ​တို့​အား ဆို​၏​။ (​မိဒျန်​လူမျိုး​တို့​သည် ဣရှမေလ​လူမျိုး​တို့​ကဲ့သို့ ရွှေ​နားကွင်း​များ​ကို ဝတ်ဆင်​တတ်​ကြ​၏​။​)