တရားသူကြီးမှတ်စာ 13:1-5

တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​တွင် မကောင်းမှု​ကို ပြု​ကြ​ပြန်​၏​။ ထို့ကြောင့် ထာဝရဘုရား​သည် သူ​တို့​ကို ဖိလိတ္တိ​လူမျိုး​တို့​လက်​သို့ အနှစ်​လေးဆယ်​အပ်​လိုက်​တော်မူ​၏​။ ထိုစဉ်က ဒန်​မျိုးနွယ်စု​မှ မာနော်​အမည်​ရှိ​သော ဇောရာ​မြို့သား​တစ်ဦး​ရှိ​၏​။ သူ​၏​မယား​သည် မြုံ​သောကြောင့် သားသမီး မ​ရှိ​။ ထာဝရဘုရား​၏​ကောင်းကင်တမန်​က ထို​အမျိုးသမီး​အား ကိုယ်ထင်ရှားပြ​လျက် “​သင်​သည် မြုံ​သောကြောင့် သားသမီး မ​ရ​ခဲ့​သော်လည်း ယခု ကိုယ်ဝန်ဆောင်​၍ သား​ယောက်ျား​ကို မွေးဖွား​မည်​။ ထို့ကြောင့် သတိပြု​လော့​။ စပျစ်ဝိုင်​ဖြစ်စေ​၊ သေရည်သေရက်​ဖြစ်စေ မ​သောက်​နှင့်​။ မစင်ကြယ်​သော​အရာ​တစ်စုံတစ်ခု​မျှ မ​စား​နှင့်​။ အကြောင်းမူကား သင်​သည် ကိုယ်ဝန်ဆောင်​၍ သားယောက်ျား​ကို မွေးဖွား​မည်​။ သူ့​ဆံပင်​ကို သင်တုန်းဓား​နှင့် မ​ရိတ်​ရ​။ သူငယ်​သည် အမိ​ဝမ်း​ထဲမှ​စ၍ ဘုရားသခင်​အဖို့ နာဇရိလူ​ဖြစ်​မည်​။ သူ​သည် အစ္စရေး​လူမျိုး​တို့​ကို ဖိလိတ္တိ​လူမျိုး​တို့​လက်​မှ ဦးဆောင်​ကယ်တင်​လိမ့်မည်​”​ဟု ဆို​၏​။