ဟေဗြဲဩဝါဒစာ 6:10-12

အကြောင်းမူကား ဘုရားသခင်​သည် သင်​တို့​၏​လုပ်ဆောင်​မှု​ကို​လည်းကောင်း၊ သန့်ရှင်း​သူ​တို့​ကို ယခင်​က သင်​တို့​လုပ်ကျွေး​ပြုစု​သကဲ့သို့ ယခု​လည်း လုပ်ကျွေး​ပြုစု​လျက် ကိုယ်တော်​၏​နာမ​တော်​ကို​ထောက်၍ သင်​တို့​ပြ​သော​ချစ်​ခြင်း​မေတ္တာ​တို့​ကို​လည်းကောင်း မေ့လျော့​သည့်​တိုင်အောင် တရားမျှတ​မှု​ကင်းမဲ့​တော်မူ​သည်​မ​ဟုတ်။ သင်​တို့​တစ်ဦးစီ​သည် မျှော်လင့်​ခြင်း​နှင့်ဆိုင်သော​စိတ်ချမှု​အပြည့်အဝ​ရှိ​ကြ​ရန် ထိုသို့​သော​စိတ်အား​ထက်သန်​မှု​ကို အဆုံး​တိုင်အောင်​ပြ​မည့်​အကြောင်း ငါ​တို့​အလိုရှိ​ကြ​၏။ ဤသည်ကား သင်​တို့​သည် ပျင်းရိ​ခြင်း​မ​ရှိ​ဘဲ ယုံကြည်​ခြင်း​နှင့်​စိတ်ရှည်​ခြင်း​တို့​အားဖြင့် ကတိ​တော်​ကို​အမွေ​ဆက်ခံ​သော​သူ​တို့​အား အတုယူ​သူ​များ​ဖြစ်​ကြ​မည့်​အကြောင်း​တည်း။