ထွက်မြောက်ရာကျမ်း 25:1-8

ထာဝရဘုရား​က မောရှေ​အား “​ငါ့​ထံသို့ အလှူပစ္စည်း​ကို​ယူဆောင်​လာ​ကြ​မည့်​အကြောင်း အစ္စရေး​အမျိုးသား​တို့​အား​ဆင့်ဆို​လော့​။ ငါ့​အား စေတနာ​စိတ်​ဖြင့်​ပေးလှူ​သူ​အပေါင်း​တို့​ထံမှ အလှူပစ္စည်း​ကို သင်​တို့​ခံယူ​ရ​မည်​။ သူ​တို့​ထံမှ သင်​ခံယူ​ရ​မည့် အလှူပစ္စည်း​ဟူမူကား ရွှေ​၊ ငွေ​၊ ကြေးနီ​၊ အပြာရောင်​ချည်​၊ ခရမ်းရောင်​ချည်​၊ အနီရောင်​ချည်​၊ ပိတ်ချောထည်​၊ ဆိတ်မွေး​၊ အနီရောင်ဆိုး​ထား​သော​သိုးထီး​သားရေ​၊ တဟာရှ​သားရေ​၊ အကေရှား​သစ်သား​၊ မီးထွန်း​ရန်​အတွက် ဆီ​၊ ဘိသိက်​ဆီ​နှင့်​အမွှေးနံ့သာပေါင်း​အတွက် အမွှေးနံ့သာ​များ​၊ ဧဖုဒ်​နှင့်​ရင်ခံပြား​အတွက် မဟူရာကြောင်ဝင်​ကျောက်​များ​နှင့်​စီခြယ်စရာ​ကျောက်​များ စသည်​တို့​ဖြစ်​ကြ​၏​။ သူ​တို့​အလယ်​၌ ငါ​ကိန်းဝပ်​ဖို့​ရန် သူ​တို့​သည် ငါ့​အဖို့ သန့်ရှင်းရာဌာန​ကို​လုပ်​ကြ​စေ​။