အာမုတ်အနာဂတ္တိကျမ်း 8:11-14

ဘုရားရှင်​ထာဝရဘုရား​က “ကြည့်ရှု​လော့​။ ငါ​သည် ထို​ပြည်​၌ ငတ်မွတ်ခေါင်းပါး​ခြင်း​ဘေး​ကို ကျရောက်​စေ​မည့်​အချိန် ရောက်လာ​မည်​။ ထို​ဘေး​သည် အစာ​ငတ်​သော​ဘေး​၊ ရေ​ငတ်​သော​ဘေး မ​ဟုတ်​။ ထာဝရဘုရား​၏​နှုတ်ထွက်စကား​ကို မ​ကြား​ရ​သော ငတ်မွတ်​ခြင်း​ဘေး ဖြစ်​လိမ့်မည်​။ လူ​တို့​သည် ထာဝရဘုရား​၏​နှုတ်ထွက်စကား​ကို ပင်လယ်​တစ်​ခု​မှ ပင်လယ်​တစ်​ခု​သို့​၊ မြောက်အရပ်​မှ အရှေ့​အရပ်​သို့ လှည့်လည်​သွားလာ​၍ ရှာဖွေ​သော်လည်း တွေ့​မည်​မ​ဟုတ်​။ ထို​နေ့ရက်​တွင် လှပ​သော​အပျိုကညာ​များ​နှင့် လူပျို​များ ရေငတ်​သောကြောင့် အားယုတ်​ကြ​လိမ့်မည်​။ ‘အို ဒန်​၊ သင်​၏​ဘုရား​အသက်ရှင်​သည့်​အတိုင်း’​ဟူ၍​လည်းကောင်း​၊ ‘ဗေရရှေဘ​ကျင့်စဉ်​တို့ ရှင်သန်​နေ​သည့်​အတိုင်း’​ဟူ၍​လည်းကောင်း ရှမာရိ​အပြစ်​ကို​တိုင်တည်ကျိန်ဆို​တတ်​သော​သူ​တို့​သည် နောက်တစ်ဖန် ပြန်​မ​ထ​နိုင်​အောင် ကျဆုံး​ရ​လိမ့်မည်”​ဟု မိန့်​တော်မူ​၏​။